ლეგიონერები. SUPER-საბას დუბლი დანიაში [VIDEO]

საბა ლობჟანიძემ დანიაში გაიბრწყინა, მან ლეგიონერულ კარიერაში პირველი დუბლი მიითვალა, ქართველმა ისე კარგად ითამაშა, რომ მას სუპერსაბა უწოდეს...

ესპანეთი

ლა ლიგა 2. გიორგი პაპუნაშვილის (50-ე წუთზე გამოვიდა) "სარაგოსამ" სტუმრად 1:0 მოუგო "ლეონესას". ამ მოგებით არაგონული კლუბი პლეი ოფის ზონაში (მე-3 - მე-6 ადგილები) შევიდა. გიორგი აბურჯანიას "სევილია ატლეტიკომ" "ბარსელონას" დუბლებს 3:1 მოუგო, აბურჯანია სათადარიგო იყო.

კვლავ შესანიშნავად თამაშობს ოთარ კაკაბაძე, რომლის "ჟიმნასტიკმა" შინ "ლუგოს" 3:0 მოუგო. ჩვენებურმა შეუცვლელად ითამაშა და ბოლო გოლი მსაჯის მიერ დამატებულ მე-5 წუთზე მისი პასით გავიდა.

ერმანია

II ბუნდესლიგა. ლუკას ჰუფნაგელს არ უთამაშია, მისი "ნიურნბერგი" სტუმრად "დინამოს" დაუზავდა დრეზდენში. აკაკი გოგიასაც არ უთამაშია, მისი "უნიონი" სტუმრად "ფიურტთან" დამარცხდა - 1:2.

იტალია

სერია B. ლევან მჭედლიძის "ემპოლი" ერთპიროვნული ლიდერია, თუმცა თავად ქართველი კვლავ ტრავმირებულია. "ემპოლიმ" შინ "სალერნიტანა" დაამარცხა - 2:0.

სერია C. ირაკლი შეყილაძის (არ უთამაშია) "ლუკეზე" სტუმრად "ალესანდრიასთან" დამარცხდა - 0:0.

პორტუგალია

პრიმეირა. საქართველოს ნაკრების გოლკიპერის საკლუბო კარიერა ცუდად განვითარდა, მისი დებიუტი "რიუ ავეში" არადა არ შედგა, "ეშტორილთან" 2:0 მოგებულ თამაშში გიორგი მაკარიძე განაცხადში არ ყოფილა.

სეგუნდა. ავთო ებრალიძის "ვიზეუმ" სტუმრად 3:1 დაამარცხა "კოვილია". ქართველი ფეხბურთელი 68-ე წუთზე გამოცვალეს. სტუმრებმა ანგარიში ავთოს საგოლე პასის წყალობით გახსნეს.

ჰოლანდია
ერედივიზიე. გურამ კაშიას "ვიტესი" შინ "როდასთან" განადგურდა 0:3. ქართველი კაპიტანი 70-ე წუთზე (0:1-ზე) გამოცვალეს.

ბელგია

ჟუპილერლიგა. გიორგი ჩაკვეტაძის "გენტმა" საჩემპიონო ჯგუფი სტუმრად "ანდერლეხტის" დამარცხებით დაიწყო - 2:0 და მე-2 ადგილზეა. მეორე გოლში მან მონაწილეობა მიიღო, მასთან გათამაშებული კომბინაციის შემდეგ მოცელეს საჯარიმოში სპაჟიჩი.

დანია

სუპერლიგა. ქართველთა "სილკებორგი" შინ "ჰელსინგორთან" დამარცხდა - 2:3. დავით სხირტლაძემ 90 წუთი ითამაშა, ხოლო მათე ვაწაძე თამაშში მე-80 წუთიდან ჩაერთო. საბა ლობჟანიძემ "ლიუნგბიუს" კარში პირველი გოლი მე-15 წუთზე გაიტანა, ამას 31-ეზე მეორეც მიაყოლა.

"რანდერსმა" 2:0 იმარჯვა, ხოლო საბა 66-ე წუთზე შეცვალეს. ამ მოგებით გუნდმა ბოლო ადგილს თავი დააღწია. ეს საბას პირველი დუბლია სუპერლიგაში, მას ამ სეზონში უკვე 5 გოლი დაუგროვდა. "ძალიან ბედნიერი ვარ ამით", - განაცხადა მატჩის შემდეგ სუპერსაბამ, როგორც 23 წლის ქართველს "რანდერსის" ვებგვერდმა უწოდა.

I დივიზიონი. ლაშა პარუნაშვილის (არ უთამაშია) "ესბიერგი" სტუმრად ლიდერ "ვენდსისელთან" დამარცხდა - 2:3.

შვედეთი

ოლსვენსკანი. გიორგი ხარაიშვილის (სათადარიგო) "გიოტებორგმა" სტუმრად 3:1 მოუგო "ტრელებორგსს".

პოლონეთი

ექსტრაკლასა. ნიკა კვანტალიანის (არ უთამაშია) "ტერმალიცამ" "კრაკოვიას" 2:0 მოუგო. ნიკა კაჭარავას (90 წ) "კორონამ" 1:0 მოუგო "ლეხიას". ლუკა ზარანდიას "არკამ" "ლეგიას" აჯობა - 1:0. ლუკა მოედანზე 82-ე წუთზე გამოვიდა.

ავსტრია

ბუნდესლიგა. გიორგი ქვილითაიას "რაპიდმა" სტუმრად 4:2 მოუგო "მატერსბურგს", ქართველი 66-ე წუთზე გამოცვალეს, მანამდე მან ერთი საგოლე პასი მოასწრო.

ერსტე ლიგა. ლევან ელოშვილის (არ უთამაშია) "კაპფენბერგერმა" სტუმრად 1:0 მოუგო აუტსაიდერ "ვენას".

რეგიონალლიგა. ლუკა ძიძიგურის "გრიოდიგმა" სტუმრად სამოყვარულო "ვაკერი" გაანადგურა - 5:0. ანგარიში მე-9 წუთზე ქართველმა შემტევმა გახსნა.

ჩეხეთი

I ლიგა. ირაკლი სიხარულიძის (არ უთამაშია) "სლოვაცკო" შინ "ლიბერეცთან" 0:1 დამარცხდა.

სლოვაკეთი

ფორტუნა ლიგა. გიორგი ჩოჩიშვილის (არ უთამაშია) "ზლატე მორავცე" შინ "სენიცას" დაუზავდა - 2:2. საჩემპიონო ჯგუფში გიორგი ბერიძის "ტრენჩინმა" სტუმრად "ჟილინა" გაანადგურა - 5:1. ქართველი ფეხბურთელი უკვე საბოლოო ანგარიშზე, 76-ე წუთზე გამოვიდა მოედანზე. ვახტანგ ჭანტურიშვილის (90 წ) "ტრნავა" სტუმრად "დუნაისკა სტრედასთან" დამარცხდა.

უნგრეთი

OTP. ქართველთა "ბალმაზივაროში" შინ "ვაშაშს" 1:1 დაუზავდა. ირაკლი მაისურაძემ შეუცვლელად ითამაშა (გააფრთხილეს), ხოლო ლაშა შინდაგორიძე 67-ე წუთზე გამოცვალეს, ხოლო ბაჩანა არაბულს არ უთამაშია.

ალბანეთი

სუპერლიგა. ირაკლი ძარიას "კუკესიმ" სტუმრად 2:1 მოუგო "ფლამურტარის".

რუსეთი

პრემიერლიგა. გიორგი ნავალოვსკის (არ უთამაშია) სკა სტუმრად "ახმატს" დაუზავდა - 0:0. ლიდერი "ლოკომოტივი" სტუმრად 1:2 დამარცხდა "ამკართან", საბა კვირკველიამ შეუცვლელად ითამაშა წაგებულთა რიგებში. "ჩემპიონატის" შეფასება - 6,5 ბალი. ტრავმირებული გია გრიგალავას "არსენალი" სტუმრად მოსკოვის "დინამოსთან" 1:2 დამარცხდა.

ასევე ტრავმირებული ჯანო ანანიძის "სპარტაკმა" კი 2:1 მოიგო "ტოსნოსთან" მატჩში და ჩემპიონობის შანსს ინარჩუნებს. გიორგი ჭანტურია 74-ე წუთზე შევიდა "ურალისა" და "რუბინის" დაპირისპირებაში (1:1), თუმცა 84-ე წუთზე ისევ სკამს დაუბრუნდა - ქართველმა ტრავმა მიიღო. ჯიმი ტაბიძის "უფა" შინ "ზენიტთან" დამარცხდა - 1:2.

ქართველი მცველი 72-ე წუთზე გამოცვალეს (შეფასება - 6,5 ბალი). ტრავმირებული თორნიკე ოქრიაშვილის "კრასნოდარი" 1:1 დაუზავდა გიორგი ლორიას "ანჟის". ქართველმა მეკარემ ჩემპიონატისგან 6,0 შეფასება მიიღო.

უკრაინა

პრემიერლიგა. ნიკა სანდოხაძის "კარპატიმ" 3:1 მოუგო ოდესის "ჩერნომორეცს". სამწუხაროდ, სანდოხაძე უკვე 28-ე წუთზე გახდა შესაცვლელი. მან მოედანი მხოლოდ ექიმის დახმარებით დატოვა, "კარპატის" მწვრთნელის ინფორმაციით, სანდოხაძემ ტერფის მყესები გაიწყვიტა.

ქართველთა "ვორსკლა" შინ "ვერესს" დაუზავდა - 0:0. ორივე ჩვენებური სათადარიგო იყო, ანდრო გიორგაძე ბოლომდე სკამზე დარჩა, ხოლო სანდრო კობახიძე შესვენების მერე გამოჩნდა.

დონეცკის "შახტარმა" სტუმრად "ზორიას" 3:0 მოუგო, ქართველმა მცველმა დავით ხოჭოლავამ შეუცვლელად ითამაშა, მან 96-ე წუთზე ყვითელი ბარათი მიიღო.
ბელარუსი

ვისშაია ლიგა. გიორგი ქანთარიას "ნემანი" ჩემპიონატის პირველ ტურში შინ "ვიტებსკს" 1:1 დაუზავდა. ქართველმა შეუცვლელად ითამაშა (გააფრთხილეს).
ლიტვა

A ლიგა. ლევან მაჭარაშვილის (სათადარიგო) "შტუმბრასმა" სტუმრად "კაუნოს" მოუგო - 1:0.

ლატვია

ვირშლიგა. თამაზ პერტიას "ლიეპაიამ" 1:0 მოუგო "რიგას". ლაშა შერგელაშვილმა და ბექა ვაჩიბერაძემ შეუცვლელად ითამაშეს, მათმა "რიგასმა" კი შინ "მეტას" 3:1 მოუგო.

ესტონეთი

პრემიუმლიიგა. ზაქარია ბეგლარიშვილის (94-ე წუთზე გამოცვალეს) "ფლორამ" "კალევს" 1:0 მოუგო.

ყაზახეთი

პრემიერლიგა. ჯაბა ჯიღაურის (სათადარიგო) "ორდაბასიმ" სტუმრად "ატირაუს" 1:0 მოუგო. ერთბაშად ოთხი ქართველი ვიხილეთ "ყიზილ-ჟარისა" და "ტობოლის" შეხვედრაში (1:2).

მასპინძელთა რიგებში სამივე ქართველმა, გოგიტა გოგუამ (გააფრთხილეს), შოთა გრიგალაშვილმა და გიორგი ფოფხაძემ, შეუცვლელად ითამაშა, სტუმრებში კი თავიდან ბოლომდე მოედანზე იყო ჯაბა კანკავა, ნიკა კვეკვესკირი კი სათადარიგო იყო. ლაშა კასრაძის (90 წ) "ჟეტისუ" სტუმრად ყარაღანდის "შახტარს" დაუზავდა - 1:1.

უზბეკეთი

სუპერლიგა. ელგუჯა გრიგალაშვილისა და გიორგი კვესიეშვილის "ყიზილქუმმა" სტუმრად 3:1 დაამარცხა "სოგდიანა". ამაში ლომის წილი გრიგალაშვილს მიუძღვის, მან მეორე ტაიმში ჰეთ თრიკი შეასრულა. კვესიეშვილი სათადარიგო იყო. შოთა არველაძის "ფახთაქორმა" "ნეფთჩის" 3:0 მოუგო. კახა მახარაძის (90 წ) "ლოკომოტივი" სტუმრად "ოლმალიქთან" დამარცხდა - 0:1.

ირანი

პროლიგა. გიორგი გველესიანის "ზობ აჰანმა" 3:0 მოუგო "ტრაქტორს". ქართველმა ფეხბურთელმა შეუცვლელად ითამაშა (გააფრთხილეს).

აშშ

MLS. ვაკო ყაზაიშვილმა შეუცვლელად ითამაშა, მისმა "სან ხოსემ" შინ "ნიუ იორკ სიტისთან" 1:2 დათმო.

დღეს ითამაშებენ
* თამაზ ცეცხლაძისა და ნიკა აფაქიძის "საბაილი" ბაქოში "ნეფთჩის" ესტუმრება.
* ლაშა პარუნაშვილის "ესბიერგი" "ნიკობინგს" მასპინძლობს.
* ლევან მჭედლიძის "ემპოლი" "ფოჯას" ესტუმრება.
* გიორგი მერებაშვილის "პლოცკი" "პიასტს" მასპინძლობს.
* ლაშა დვალის "პოგონი" მის ყოფილ გუნდს, "შლიონსკს" უმასპინძლებს.
* აკაკი ხუბუტიას "პოლი ტიმიშოარა" შინ "სეპსის" მიიღებს.
* ვაკო გვილიას "ლუცერნი" "სენტ გალენს" მასპინძლობს.

ყოველდღიური სპორტული გაზეთი "ლელო"
1445
მკითხველის კომენტარები / 1 /
saso
0
kai Tavdamsxmelia, swrafia da tavdajerebuli
მსგავსი ამბები
რუბრიკის სხვა სიახლეები
;