ლეგიონის მიმიხილვა. ბედნიერი და ნაყოფიერი უქმეები: ჩაკვეტაძემ გაისროლა, ჭანტურიშვილმა პირველი გაიტანა[VIDEO]

გიორგი ჩაკვეტაძემ სანაკრებო წარმატების შემდეგ კლუბშიც იყოჩაღა და სეზონში პირველი გოლიც გაიტანა "გენტის" მაისურით.

ნაკრების კიდევ ორმა წევრმა, ვახტანგ ჭანტურიშვილმა და საბა კვირკველიამ გაიტანეს ამ უქმეებზე. ასევე აღვნიშნავთ სანაკრებოდ საინტერესო ფეხბურთელების გოლებსაც - ავთო ებრალიძემ პორტუგალიის თასზე გაიტანა, ხოლო გიორგი ბერიძემ სულაც დუბლი მიითვალა უნგრეთში.

იტალია
სერია A. აუტსაიდერთა ჯახში ტრავმირებული ლევან მჭედლიძის "ემპოლი" სტუმრად 3:3-ს ეთამაშა "ფროზინონეს".

ესპანეთი
ლა ლიგა 2. გიორგი აბურჯანიას (მეორე ტაიმი ითამაშა) "ლუგომ" შინ "ჟიმნასტიკს" 1:0 მოუგო. ტრავმირებული გიორგი პაპუნაშვილის "სარაგოსა" შინ 1:1 დაუზავდა "ტენერიფეს".

საფრანგეთი
ლიგა 2. ჯაბა ჯიღაურის "გრენობლმა" სტუმრად "ნანსი" დაამარცხა - 2:1. ქართველი ფეხბურთელი განაცხადში არ ყოფილა.
ნასიონალი. ამირან სანაიას (79-ე წუთზე შეცვალეს) "როდეზმა" სტუმრად "ტურს" მოუგო - 2:0.

გერმანია
II ბუნდესლიგა. აკაკი გოგიას (61-ე წუთზე შეცვალეს) "უნიონი" სტუმრად "პადერბორნს" დაუზავდა - 0:0.
III ლიგა. ლუკას ჰუფნაგელის "უნტერჰახინგი" სტუმრად "ჰალეშერს" დაუზავდა - 1:1. ქართველი "ათიანი" მცირე პაუზის შემდეგ დაუბრუნდა გუნდს და 90 წუთიც ითამაშა.

პორტუგალია
თასი. ავთო ებრალიძის "შავეში" შემდეგ ეტაპზე სტუმრად "პედრაშ სალგადაშის" ძლევით გავიდა - 4:1. ბოლო გოლი ავთომ გაიტანა. ხოლო გიორგი არაბიძის "ნასიონალი" დამატებით დროში "ლუზიტანოსთან" 3:4 დამარცხდა და გავარდა. გიორგი მაკარიძის "რიუ ავე" აგრძელებს ბრძოლას, მას მერე, რაც 5:1 მოუგო სტუმრად "ტორენსეს".

ბელგია
ჟუპილერლიგა. გიორგი ჩაკვეტაძის "გენტმა" სტუმრად 4:0 გაანადგურა "ოსტენდე". მასპინძელთა კარში მესამე გოლი ქართველმა გაიტანა. ხოლო მეოთხე გოლი მის დარტყმულს და მეკარის მოგერიებულს მოჰყვა. ეს ჩაკვეტაძის პირველი გოლია სეზონში, ხოლო მეორე ჟუპილერლიგაში.



შვეიცარია
სუპერ ლიგა. ქართველთა "ლუცერნი" შინ "თუნთან" 0:2 დამარცხდა. ოთარ კაკაბაძემ შეუცვლელად ითამაშა (გააფრთხილეს), ხოლო ვაკო გვილია 65-ე წუთზე შეცვალეს.

დანია
სუპერლიგა. ლაშა პარუნაშვილის (90 წ) "ესბიერგმა" 2:0 მოუგო "ჰობროს". საბა ლობჟანიძის (90 წ.) "რანდერსი" შინ "სონდერიისკეს" დაუზავდა - 1:1.

ავსტრია
ბუნდესლიგა. ოთარ კიტეიშვილის "შტურმი" ვენაში "აუსტრიას" 1:1-ს ეთამაშა. ქართველი 65-ე წუთზე გამოცვალეს.
II ლიგა. ლევან ელოშვილის (65-ე წუთზე შევიდა) "კაპფენბერგი" სტუმრად "ვაკერის" სამოყვარულო გუნდთან დამარცხდა - 0:3.

პოლონეთი
ექსტრაკლასა. ლაშა დვალის (90 წ) "პოგონი" სტუმრად "იაგელონიასთან" 1:2 დამარცხდა და ამით 3-მატჩიანი მოგებათა სერია შეწყვიტა. ლუკა ზარანდია განაცხადში არ ყოფილა, მისმა "არკამ" სტუმრად 2:1 მოუგო "შლიონსკს". ვატო არველაძის (67-ე წუთზე შევიდა) "კორონა" სტუმრად პოზნანის "ლეხთან" დამარცხდა - 1:2. გიორგი მერებაშვილის "პლოცკი" სტუმრად "ზაგლებიეს" 3:3 დაუზავდა. ქართველი ლეგიონერი 72-ე წუთზე შეცვალეს.
I ლიგა. გუგა ფალავანდიშვილის (90 წ) "პოდბესკიძიემ" შინ 2:1 აჯობა "ჩოინიცანკას".

სლოვაკეთი
ფორტუნლიგა. ჩემპიონმა "ტრნავამ" "სენიცა" 4:1 გაანადგურა. მასპინძელთა ბოლო გოლი 73-ე წუთზე ვახტანგ ჭანტურიშვილმა (90 წ) გაიტანა. ეს ქართველი ლეგიონერის პირველი გოლია სეზონში.



უნგრეთი
ოტპ. გიორგი ბერიძემ უნგრეთის ჩემპიონატში გაიბრწყინა, მისი დუბლის წყალობით "უიპეშტმა" 2:1 მოუგო "დიოშდიორს". სტუმართა ქართველმა ლეგიონერმა 77-ე წუთზე გაათანაბრა ანგარიში, ხოლო 89-ე წუთზე მან გამარჯვების გოლი გაიტანა. ბერიძემ შეუცვლელად ითამაშა. ბაჩანა არაბულის (89-ე წუთზე შეცვალეს) "პუშკაშ აკადემიამ" შინ 1:0 მოუგო ჩემპიონატის ლიდერ "ფერენცვაროშს".
ხორვატია
HNL. გიორგი მჭედლიშვილის (92-ე წუთზე შევიდა) "გორიცამ" სტუმრად "სლავენს" 1:0 მოუგო.

შვედეთი
სუპერეტანი. ზურაბ ცისკარიძის "ესკილსტუნამ" 1:0 მოუგო "ფალკენბერგს". ქართველი მცველი 87-ე წუთზე გააძევეს.

ნორვეგია
ობოს-ლიგაენი. ოთარ ჯავაშვილის (არ უთამაშია) "ფლორიომ" სტუმრად 1:0 მოუგო "ლავანგერს".

ფინეთი
ვეიკაუსლიგა. გიორგი გოროზიას (90 წ.) "როვანიემიმ" სტუმრად 2:1 მოუგო ვპს-ს. ერთი ტურით ადრე "როვანიემიმ" ვერცხლის მედლები გაინაღდა.

კვიპროსი
I დივიზიონი. ქართველთა "ანორთოსისი" სტუმრად "პარალიმნის" დაუზავდა - 1:1. ბექა მიქელთაძემ შეუცვლელად ითამაშა სტუმართა რიგებში, ხოლო ნიკა კაჭარავა 61-ე წუთზე გამოვიდა და მალე ყვითელი ბარათი მიიღო.

ბულგარეთი
პერვა ლიგა. გოდერძი მაჩაიძის (90 წ) "ვერეია" შინ ვრატცას "ბოტევს" 2:2 დაუზავდა.

ალბანეთი
სუპერლიგა. ირაკლი ძარიას (მეორე ტაიმი ითამაშა) "კუკესიმ" სტუმრად 2:1 მოუგო "კასტრიოტის", ძარია გააფრთხილეს.

ლუქსემბურგი
ნასიონალი. ლევან ყენიას "დუდელანჟმა" 4:1 მოუგო "ნიედერკორნს".

რუსეთი
პრემიერ ლიგა. მე-11 ტურში ქვეყნის ჩემპიონმა "ლოკომოტივმა" "როსტოვს" უმასპინძლა და 2:1 მოუგო. ამ შეხვედრის გამარჯვების გოლი საბა კვირკველიამ გაიტანა. შევხედრის მე-60 წუთზე საბამ ახლო მანძილიდან დაამატა სტუმართა გოლკიპერის მოგერიებულს. საქართველოს ნაკრების მცველმა ამ მატჩში შეუცვლელად ითამაშა.

"ჩემპიონატმა" კვირკველიას თამაში 7 ბალით შეაფასა. ეს კი მატჩის საუკეთესო შეფასებაა ლოკომოტიველ ანტონ მირანჩუკთან ერთად. კვირკველიამ სეზონში პირველი გოლი გაიტანა. ეს რუსულ პრემიერ ლიგაში საბას მეექვსე გოლია (3 "რუბინის" მაისურით, 3 - "ლოკომოტივის"). ტრავმირებული გიორგი ჭანტურიას "ურალმა" შინ 1:1 ითამაშა "კრილია სოვეტოვთან". ჯიმი ტაბიძის (90 წ) "უფა" შინ "რუბინს" 0:0 დაუზავდა. ამ შეხვედრაში ტაბიძემ პირველად მარცხენა მცველის პოზიციაზე ითამაშა და მწვრთნელი მისი თამაშით კმაყოფილი დარჩა.

I დივიზიონი. ნიკა ძალამიძის (არ უთამაშია) "ბალტიკა" შინ "კრასნოდარის" მეორე გუნდთან დიდი ანგარიშით დამარცხდა - 1:4. ირაკლი კვეკვესკირის (მე-60 წუთზე შევიდა) "სკა-ხაბაროვსკმა" სტუმრად "ზენიტის" მეორე გუნდი დაამარცხა - 1:0. გია გრიგალავას "არსენალმა" მოსკოვში "სპარტაკს" 3:2 მოუგო. გრიგალავამ 90 წუთი ითამაშა, ჯანო ანანიძე კი "სპარტაკის" რიგებში სათადარიგო იყო. თორნიკე ოქრიაშვილის "კრასნოდარი" 0:1 დამარცხდა "ახმატთან". ოქრიაშვილი ტრავმირებულია.

უკრაინა
პრემიერ ლიგა. დავით ხოჭოლავას "შახტარმა" ლუკა კობერიძის "დესნას" 1:0 მოუგო. ხოჭოლავაც და კობერიძეც სასტარტო შემადგენლობაში იყვნენ, "შახტარის" მცველი 77-ე წუთზე შეცვალეს. კობერიძემ გაფრთხილება მიიღო. ზაურ მახარაძის (არ უთამაშია) "ზორია" სტუმრად 2:3 დამარცხდა "მარიუპოლთან". ქართველთა "ვორსკლამ" შინ კიევის "დინამოსთან" წააგო - 0:1. არცპერთ ჩვენებურს არ უთამაშია, ანდრო გიორგაძე განაცხადში არ იყო, ხოლო სანდრო კობახიძე ტრავმირებულია.

ბელარუსი
ვისშაია ლიგა. მინსკის დერბიში გიორგი ნავალოვსკის (90 წ) "დინამო" სტუმრად "მინსკს" 3:3 დაუზავდა. გიორგი ქანთარიას (მე-80 წუთზე შეცვალეს, გააფრთხილეს) "ნემანი" სოლიგორსკში ადგილობრივ "შახტიორთან" დამარცხდა - 0:1.

ლატვია
ვირშლიგა. ქართველთა "რიგასმა" "ვალმიერას" 3:0 მოუგო. ლაშა შერგელაშვილი და ირაკლი სიხარულიძე სასტარტოში იყვნენ. მე-60 წუთზე ბექა ვაჩიბერაძემ სიხარულიძე შეცვალა. ნიკა სანდოხაძეს არ უთამაშია. გურამ ლუკავას (90 წ) "იელგავა" სტუმრად "რიგასთან" 0:2 დამარცხდა.

ესტონეთი
პრემიუმ ლიიგა. გეგი კეკუას (90 წ, გააფრთხილეს) "პარნუ" სტუმრად "პაიდესთან" 1:2 დამარცხდა. ზაქარია ბეგლარიშვილის "ფლორამ" 10-კაცით შეძლო სტუმრად "ნარვას" დამარცხება - 2:1. ზაქარია 26-ე წუთზე გამოცვალეს. ამის მიზეზი ტრავმაა არაა, 2 წუთით ადრე "ფლორას" ფეხბურთელი გაუგდეს.

ყაზახეთი
პრემიერ ლიგა. კახა ცხადაძის "ორდაბასი" სტუმრად ლიდერ "ასტანას" დაუზავდა - 1:1. ქართველთა "ტობოლი" სტუმრად "ქაირათს" 0:0 დაუზავდა. ნიკა კვეკვესკირმა შეუცვლელად ითამაშა, ხოლო ჯაბა კანკავა ტრავმირებულია. "ყიზილ-ჟარისა" და "ჟეტისუს" მატჩი 1:1 დასრულდა. მასპინძელთა შორის შეუცვლელად ითამაშეს გიორგი ფოფხაძემ და შოთა გრიგალაშვილმა, ხოლო სტუმართა განაცხადში არ ყოფილა ლაშა კასრაძე.

უზბეკეთი
სუპერლიგა. გავარდნის ჯგუფში ელგუჯა გრიგალაშვილისა და გიორგი კვესიეშვილის "ყიზილქუმი" სტუმრად "ნეფთჩისთან" დამარცხდა - 1:3. ქართველებს არ უთამაშიათ. შოთა არველაძის "ფახთაქორმა" უმნიშვნელოვანესი დერბი დათმო შინ "ლოკომოტივთან" - 1:3 და მეტოქეს უკვე 6 ქულით ჩამორჩა. გამარჯვებული "ლოკომოტივის" რიგებში 73-ე წუთიდან ითამაშა კახა მახარაძემ.

აშშ.
MLS. გურამ კაშიასა და ვაკო ყაზაიშვილის "სან ხოსეს" შინ "კოლორადოს" დაუზავდა 0:0. კაშია განაცხადში არ იყო, ხოლო ვაკო  81-ე წუთზე შევიდა მოედანზე.

დღეს ითამაშებს
* შვედეთში გიორგი ხარაიშვილის "გიოტებორგი" "ბრომაპოიკარნას" ესტუმრება.

ყოველდღიური სპორტული გაზეთი "ლელო"
1070
მკითხველის კომენტარები / 0 /
მსგავსი ამბები
რუბრიკის სხვა სიახლეები
;