ლეგიონის მიმოხილვა. გოლები გერმანიასა და დანიაში [VIDEO]

აკაკი გოგიამ გერმანიის მეორე ბუნდესლიგაში, ხოლო საბა ლობჟანიძემ დანიაში თავიანთი მე-5 გოლები გაიტანეს.

იტალია
სერია A. ლევან მჭედლიძის “ემპოლიმ” უქმეებამდე ითამაშა - “ლაციოს” ესტუმრა და 0:1 დამარცხდა. ქართველი ფეხბურთელი მოედანზე 88-ე წუთზე შევიდა.

ესპანეთი
ლა ლიგა 2. გიორგი აბურჯანიას (სათადარიგო) “ლუგო” შინ გიორგი პაპუნაშვილის (ტრავმა) “სარაგოსასთან” შინ 1:2 დამარცხდა.

გერმანია
II ბუნდესლიგა. ბერლინში აკაკი გოგიას “უნიონმა” “ზანდჰაუზენს” 2:0 მოუგო. ქართველი ფეხბურთელი 67-ე წუთზე გამოვიდა, 87-ეზე მარჯვნიდან შეიჭრა საჯარიმოში და შესანიშნავი გოლი გაიტანა. “უნიონი” 37 ქულით მე-3 ადგილზეა და ბუნდესლიგაში გადასვლისთვის იბრძვის. ეს გოგიას მე-5 გოლია ჩემპიონატში. გიორგი ლორიას “მაგდებურგი” შინ “ჰოლშტაინს” დაუზავდა - 1:1. ლორიამ გერმანიაში პირველი გოლი გაუშვა.
III ლიგა. ლუკას ჰუფნაგელის (84-ე წუთზე გამოცვალეს) “უნტერჰახინგი” სტუმრად “ჰანზასთან” დამარცხდა - 0:2. ლუკასი პირველ ტაიმში გააფრთხილეს.

საფრანგეთი
ლიგა 2. ჯაბა ჯიღაურის “გრენობლი” შინ “ლორიენთან” დამარცხდა - 0:1. ნაკრების ნახევარმცველს კვლავ არ ეძლევა თამაშის შანსი - ის სათადარიგო იყო.
ნასიონალი. ლიდერთა ჯგუფის მატჩში კაპიტან ამირან სანაიას (90 წუთი) “როდეზმა” “შამბლის” უმასპინძლა და 2:1 მოუგო. “როდეზი” 41 ქულით მე-2 ადგილზე გადავიდა.

პორტუგალია
პრიმეირა. ქართველთა “ნასიონალი” “და ლუჟზე” შეარცხვინეს - “ბენფიკამ” 10 (!) უპასუხო გოლი გაუტანა. გიორგი არაბიძემ მეორე ტაიმი ითამაშა, ავთო ებრალიძის დებიუტს ჯერ ველით.

ბელგია
ჟუპილერლიგა. გიორგი ჩაკვეტაძე ტრავმირებულია. ამიტომ “მუსკრონთან” საშინაო მატჩის განაცხადში არ ყოფილა. გიორგი ქვილითაია კი 61-ე წუთიდან ჩაერთო თამაშში, მაგრამ ვერაფერი უშველა “გენტს”, რომელიც კაცნაკლულ სტუმართან 1:2 დამარცხდა.
პროქსიმუს ლიგა. ირაკლი ბუღრიძის (სათადარიგო) “ბეერსხოტმა” 3:1 მოუგო “სან ჟილოას”.

შვეიცარია
სუპერ ლიგა. ლევან ხარაბაძის “ციურიხმა” 3:1 მოუგო “გრასჰოპერსს”. 19 წლის მცველმა, რომელმაც წინა ტურში საგოლე პასი მიითვალა, ამჯერად, ანგარიში თავურით გახსნა - მასპინძლებმა კუთხური მოაწოდეს და ხარაბაძემ მე-7 წუთზე თავით გაიტანა. ქართველმა ლეგიონერმა შეუცვლელად ითამაშა.
ციურიხი 28 ქულით სუპერ ლიგაში მე-4 ადგილზეა და ევროსაგზურისთვის იბრძვის. ტრავმირებული ოთარ კაკაბაძის “ლუცერნი” სტუმრად აუტსაიდერ “ქსამაქსთან” 1:2 დამარცხდა.

დანია
სუპერლიგა. განახლდა დანიის ჩემპიონატიც. ლაშა პარუნაშვილის (90 წუთი) “ესბიერგი” სტუმრად “ორჰუსთან” დამარცხდა - 0:2. საბა ლობჟანიძემ თავი გოლით გამოიჩინა, მისმა “რანდერსმა” სტუმრად 3:0 მოუგო “ოლბორგს”. 65-ე წუთზე ქართველმა შემტევმა ორ მცველს შორის მოასწრო დარტყმა და სტუმართა მეორე გოლის გატანა. ლობჟანიძე 82-ე წუთზე გამოცვალეს. ლობჟანიძემ სუპერლიგაში მეხუთე გოლი გაიტანა.



პოლონეთი
ექსტრაკლასა. აუტსაიდერი სოსნოვიეცის “ზაგლემბიე” სტუმრად “შლიონსკთან” 0:2 დამარცხდა. გიორგი გაბედავას ცუდი დებიუტი გამოუვიდა, ის 28-ე წუთზე გააფრთხილეს, ერთ წუთში კი გააძევეს. გიორგი ივანიშვილი 61-ე წუთზე შეცვალეს. ვატო არველაძის (სათადარიგო) “კორონამ” სტუმრად მოუგო ლუკა ზარანდიას (90 წუთი) “არკას” - 2:1. გიორგი მერებაშვილის (90 წუთი) “პლოცკი” შინ “ლეგიასთან” დამარცხდა - 0:1.

საბერძნეთი
სუპერ ლიგა. ლაშა შერგელაშვილის (არ უთამაშია) “იანინამ” “პანათინაიკოსს” 1:0 მოუგო. გიორგი რეხვიაშვილის (90 წუთი) “ლევადიაკოსმა” სტუმრად “ატრომიტოსთან” დათმო - 0:1.

ჩეხეთი
1 ლიგა. ტრავმირებული ვახტანგ ჭანტურიშვილის “ზლინი” შინ “სლოვაცკოსთან” დამარცხდა - 0:1.

უნგრეთი
OTP ბანკ ლიგა. მძიმედ ტრავმირებული ზაქარია ბეგლარიშვილის “ჰონვედმა” 2:1 მოუგო “პუშკაშ აკადემიას”, რომლის რიგებში 57-ე წუთზე გამოჩნდა ბაჩანა არაბული. ბუბა დაუშვილის (90 წუთი, გააფრთხილეს) “ჰალადაში” სტუმრად “პაკშს” დაუზავდა - 1:1. გიორგი ბერიძის “უიპეშტი” 1:1 დაუზავდა “ფერენცვაროშს”, რომლის შემადგენლობაში შეუცვლელად ითამაშა ლაშა დვალმა (გააფრთხილეს). ბერიძე 56-ე წუთზე გამოცვალეს.

ხორვატია
HNL. გიორგი მჭედლიშვილის (არ უთამაშია) “გორიცამ” სტუმრად “სლავენთან” წააგო - 0:2.

კვიპროსი
I დივიზიონი. ქართველთა “ანორთოსისმა” სტუმრად 2:0 მოუგო “ნეა სალამინას”. ბექა მიქელთაძემ შეუცვლელად ითამაშა, ნიკა კაჭარავა კი სათადარიგო იყო. ირაკლი მაისურაძის (90 წუთი) “პარალიმნი” შინ აპოელ-თან დამარცხდა - 0:2.

ალბანეთი
სუპერლიგა. ირაკლი ძარიას “კუკესი” შინ 0:1 დამარცხდა “ტირანასთან”.

აზერბაიჯანი
პრემიერ ლიგა. დავით ვოლკოვის (77-ე წუთზე გამოცვალეს) “გაბალამ” სტუმრად 1:0 მოუგო “საბაჰს” და 23 ქულით მე-4 ადგილზეა. თამაზ ცერცვაძის (სათადარიგო) “საბაილი” შინ “ზირასთან” 0:2 დამარცხდა. “საბაილი” 24 ქულით მე-3 ადგილზეა.

დღეს ითამაშებს
* პოლონეთში ვაკო გვილიას “გურნიკმა” “ვისლას” უნდა უმასპინძლოს.

ყოველდღიური სპორტული გაზეთი "ლელო"
926
მკითხველის კომენტარები / 0 /
მსგავსი ამბები
რუბრიკის სხვა სიახლეები
;