ლეგიონის მიმოხილვა. ლევან ყენიამ 3 წლისა და 2 თვის შემდეგ გაიტანა, ხარაიშვილმა პანენკათი [VIDEO]

ქართველი ლეგიონერების ნაწილისთვის სეზონი დასრულებულია - შვედეთში, ნორვეგიაში, ბალტიის ქვეყნებში ჩემპიონატები დასრულდა.

"გიოტებორგში" ახალგაზრდა გიორგი ხარაიშვილმა კვლავ გაიტანა (პენალტი პანენკას სტილში) და ჩემპიონატი 9 გოლით დაასრულა. კიდევ ერთ ქართულ გოლს გამოვარჩევთ - ლევან ყენიამ საკლუბო კარიერაში 3 წლისა და 2 თვის შემდეგ გაიტანა.

იტალია
სერია A. ლევან მჭედლიძის (ტრავმა) "ემპოლი" შინ "უდინეზეს" გაუსწორდა - 2:1. ახალი მწვრთნელის, იაკინის დებიუტი წარმატებული გამოდგა.

ესპანეთი
ლა ლიგა 2. გიორგი პაპუნაშვილის "სარაგოსა" დღეს ესტუმრება "ჟიმნასტიკს", პაპუნაშვილი ჯერაც ტრავმირებულია. ლადო მოხევიშვილის (არ უთამაშია) "ალბასეტე" სტუმრად 0:0 დაუზავდა "ტენერიფეს". გიორგი აბურჯანიას (სათადარიგო) "ლუგო" შინ 0:1 დამარცხდა "ალკორკონთან".

გერმანია
II ბუნდესლიგა. აკაკი გოგიას "უნიონმა" ბერლინში "ფიურტი" გაანადგურა - 4:0. გოგია განაცხადშიც არ ყოფილა.
III ლიგა. ლუკას ჰუფნაგელის "უნტერჰახინგმა" 6:0 გაანადგურა "ფორტუნა კიოლნი", ლუკასი სათადარიგო იყო.

საფრანგეთი
ლიგა 2. ჯაბა ჯიღაურის (სათადარიგო) "გრენობლმა" შინ "აიაჩო" დაამარცხა - 2:0.
ნასიონალი. ამირან სანაიას (90 წუთი) "როდეზი" შინ 0:1 დამარცხდა "რუენთან".

პორტუგალია
პრიმეირა. გიორგი მაკარიძის (ტრავმა) "რიუ ავე" სტუმრად "ავეშთან" დამარცხდა - 1:2. ავთო ებრალიძის "შავეში" ლისაბონში "სპორტინგთან" დამარცხდა - 1:2. ავთო მე-80 წუთზე შეცვალეს. მადეირულ დერბიში "ნასიონალმა" "მარიტიმუს" აჯობა - 1:0. გამარჯვებულთა განაცხადშიც არ ყოფილა გიორგი არაბიძე.

ბელგია
ჟუპილერლიგა. ქართველთა "გენტი" "ანდერლეხტს" ესტუმრა და 0:2 დამარცხდა. სტუმრებმა 9 კაცით დაასრულეს მატჩი, გიორგი ჩაკვეტაძემ წაგებულთა რიგებში თავიდან ბოლომდე ითამაშა, ხოლო გიორგი ქვილითაია კვლავ ტრავმირებულია.

დანია
სუპერლიგა. ლაშა პარუნაშვილის (90 წუთი) "ესბიერგი" სტუმრად "ოდენსესთან" დამარცხდა - 1:2. საბა ლობჟანიძის (81-ე წუთზე გამოცვალეს) "რანდერსი" შინ "ნორდსიელანდს" დაუზავდა - 1:1.

შვეიცარია
სუპერლიგა. ქართველთა გარეშე მოუგო "ლუცერნმა" სტუმრად "ლუგანოს" - 4:1. ოთარ კაკაბაძე სათადარიგო იყო, ვაკო გვილია კი განაცხადში არ ყოფილა.

პოლონეთი
ექსტრაკლასა. ლაშა დვალის (90 წუთი, გააფრთხილეს) "პოგონმა" შინ "ლეგია" დაამარცხა - 2:1. ლუკა ზარანდიას (დისკვალიფიკაცია) "არკამ" სტუმრად "ლეგნიცა" გაანადგურა - 4:0. ვატო არველაძის (სათადარიგო) "კორონამ" შინ 1:0 მოუგო "პიასტს". გიორგი მერებაშვილის (86-ე წუთზე შეცვალეს) "პლოცკმა" 2:0 აჯობა "ზაგლებიეს".

სლოვაკეთი
ფორტუნა ლიგა. ქართველთა "ტრნავა" სტუმრად "მიხალოვცესთან" დამარცხდა - 0:1. ვახტანგ ჭანტურიშვილმა შეუცვლელად (გააფრთხილეს) ითამაშა, ხოლო დავით სხირტლაძე 31-ე წუთზე გამოცვალეს.

უნგრეთი
OTP ბანკ ლიგა. გიორგი ბერიძის (84-ე წუთზე შეცვალეს) "უიპეშტმა" სტუმრად გაანადგურა "ვარდა" - 4:1. ბუბა დაუშვილის (არ უთამაშია) "ჰალადაშმა" "ფერენცვაროშს" 1:0 მოუგო. ბაჩანა არაბულის (90 წუთი) "პუშკაშის აკადემია" სტუმრად მტკ-სთან დამარცხდა - 2:3. შეხვედრის 38-ე წუთზე არაბულმა ანგარიში გაათანაბრა (1:1). არაბულმა ჩემპიონატში მესამე, ნოემბერში კი მეორე გოლი გაიტანა.

ხორვატია
HNL. გიორგი მჭედლიშვილის (სათადარიგო) "გორიცამ" სტუმრად მოუგო "რუდეშს" - 1:0.

ბულგარეთი
პერვა ლიგა. გოდერძი მაჩაიძის (სათადარიგო) "ვერეია" შინ "ეტართან" დამარცხდა - 0:1.

კვიპროსი
I დივიზიონი. ქართველთა "ანორთოსისმა" "შინ" 1:0 მოუგო "ნეა სალამინას". ნიკა კაჭარავა 61-ე წუთზე თანამემამულე ბექა მიქელთაძემ გამოცვალა. ირაკლი მაისურაძის (90 წუთი, გააფრთხილეს) "ენოსისი" სტუმრად აპოელ-თან დამარცხდა - 0:3.

შვედეთი
ოლსვენსკანი. ბოლო ტურში გიორგი ხარაიშვილის "გიოტებორგმა" სტუმრად 3:1 მოუგო "იორებროს". 57-ე წუთზე ხარაიშვილმა პენალტი გაიტანა. ეს მისი მე-9 გოლია ჩემპიონატში.

სუპერეტანი. ზურაბ ცისკარიძის (არ უთამაშია) "ესკილსტუნა" მე-3 ადგილზე გავიდა და გადათამაშებაში ითამაშებს. ბოლო ტურში "ესკილსტუნა" სტუმრად "გეფლეს" დაუზავდა - 2:2.

ნორვეგია
ობოს-ლიგაენი. ოთარ ჯავაშვილის (არ უთამაშია) "ფლორიო" შინ"მიოდალენთან" 0:2 დამარცხდა და გავარდა.

ალბანეთი
სუპერ ლიგა. ირაკლი ძარიას "კუკესი" დღეს მასპინძლობს "ტეუტას".

ლუქსემბურგი
ნასიონალი. ლევან ყენიას "დუდელანჟმა" 4:2 მოუგო "ეტცელას". 49-ე წუთზე მასპინძელთა მეოთხე გოლი ქართველი ლეგიონერის ანგარიშზეა. საკლუბო დონეზე ბოლო გოლი მას 2015 წლის სექტემბერში ჰქონდა გატანილი "სლავიას" რიგებში.

მალტა
პრემიერლიგა. რომან ჭანტურიას (65-ე წუთზე შევიდა, გააფრთხილეს) "შენგლეა ატლეტიკი" სტუმრად "ჰამრუნს სპარტანსთან" დამარცხდა - 0:1.

რუსეთი
პრემიერლიგა. ჩემპიონი "ლოკომოტივი" ყაზანში "რუბინს" დაუზავდა - 0:0. საბა კვირკველიამ ყოფილი გუნდის წინააღმდეგ შეუცვლელად ითამაშა. ჯანო ანანიძის (არ უთამაშია) "სპარტაკი" სტუმრად "უფასთან" დამარცხდა - 0:2. ჯიმი ტაბიძემ მასპინძელთა რიგებში 90 წუთი ითამაშა და ორივე საგოლე პასი მან მიითვალა. გია გრიგალავას (90 წუთი) "არსენალმა" ტულაში 2:0 მოუგო "ანჟის". გიორგი ჭანტურიას (სათადარიგო) "ურალმა" შინ 2:1 მოუგო "ორენბურგს". ტრავმირებული თორნიკე ოქრიაშვილის "კრასნოდარმა" შინ დიდი ანგარიშით მოუგო "ენისეის" და მეორე ადგილზეა.

უკრაინა
პრემიერლიგა. დავით ხოჭოლავას (90 წუთი) "შახტარმა" სტუმრად "ვორსკლა" დაამარცხა - 2:0. "ვორსკლას" რიგებში არ ყოფილან სანდრო კობახიძე (ტრავმა) და ანდრო გიორგაძე. ზაურ მახარაძის (სათადარიგო) "ზორიამ" შინ 2:1 მოუგო "კარპატის". ლუკა კობერიძის (არ უთამაშია) "დესნამ" 2:0 მოუგო "ჩორნომორეცს"

ბელარუსი
ვისშაია ლიგა. გიორგი ნავალოვსკის (არ უთამაშია) "დინამომ" მინსკში "სლუცკს" 2:0 მოუგო. გიორგი ქანთარიას (90 წუთი) "ნემანი" შინ 1:1 დაუზავდა "სმოლევიჩის".

ლიტვა
A ლიგა. ბოლო ტურში ლევან მაჭარაშვილის (90 წუთი) "შტუმბრასმა" სტუმრად 2:1 მოუგო "კაუნო ჟალგირისს". მაჭარაშვილმა 56-ე წუთზე გახსნა ანგარიში. "შტუმბრასი" მე-4 ადგილზე გავიდა, მაჭარაშვილმა ჩემპიონატი 3 გოლით დაასრულა.

ლატვია
ვირშლიგა. გურამ ლუკავას (90 წუთი, გააფრთხილეს) "იელგავა" სტუმრად "ვალმიერასთან" დამარცხდა - 0:1. ბოლო ტურის მატჩში ქართველთა "რიგასი" შინ 0:1 დამარცხდა "ლიეპაიასთან". სამი ქართველი ლეგიონერი სასტარტოში იყო - ბექა ვაჩიბერაძემ ბოლომდე ითამაშა, ირაკლი სიხარულიძე შესვენებაზე შეცვალეს, ხოლო ლაშა შერგელაშვილი 67-ე წუთზე, ნიკა სანდოხაძეს არ უთამაშია. "რიგასი" 55 ქულით მესამე ადგილზე გავიდა.

ესტონეთი
პრემიუმ ლიიგა. ბოლო ტურში ზაქარია ბეგლარიშვილის "ფლორა" სტუმრად "ლევადიასთან" დამარცხდა - 1:2. ზაქარია 92-ე წუთზე გამოცვალეს. "ფლორა" მესამე ადგილზე გავიდა, ზაქარიამ კი 30 გოლი და 21 საგოლე პასი მიითვალა. ჩვენ ალბათ ბოლოჯერ მოვიხსენიეთ იგი ქართველ ლეგიონერად, რადგან სულ მალე ის სრულფასოვანი ესტონელი გახდება და ესტონეთის ნაკრებშიც ითამაშებს. ზედიზედ მე-10 თამაში წააგო გეგი კეკუას (90 წუთი) "პარნუმ", რომელსაც "კურესაარემ" აჯობა - 2:1. "პარნუ" ბოლო ადგილზე გავიდა, კეკუამ კი 18 თამაშში 3 გოლი გაიტანა.

ყაზახეთი
პრემიერლიგა. ბოლო ტურში ქართველთა გუნდები დაუპირისპირდნენ ერთმანეთს - "ტობოლმა" 3:0 მოუგო "ყიზილ-ჟარს". ამით "ტობოლმა" ჩემპიონატი მე-3 ადგილზე დაასრულა, ხოლო "ყიზილ-ჟარი" 35 ქულით გავარდა. ნიკა კვეკვესკირმა სტუმრებს უკვე 56-ე წამზე გაუტანა. გოლის ავტორი 67-ე წუთზე გამოცვალეს. გამარჯვებულთა რიგებში სათადარიგო იყო ტრავმამოშუშებული ჯაბა კანკავა. წაგებულთა რიგებში გიორგი ფოფხაძემ შეუცვლელად ითამაშა, ხოლო შოთა გრიგალაშვილმა - მეორე ტაიმი. კახა ცხადაძის გაწვრთნილმა "ორდაბასიმ" მოგებით დაასრულა სეზონი, 1:0 მოუგო "ატირაუს". "ორდაბასიმ" 46 ქულა მოაგროვა და მე-4 ადგილზე გავიდა. ლაშა კასრაძის "ჟეტისუმ" 3:1 მოუგო "აკჟაიკს". კასრაძემ 90 წუთი ითამაშა.

უზბეკეთი
სუპერლიგა. შოთა არველაძის "ფახთაქორმა" 2:1 მოუგო "მეტალურგს". კახა მახარაძის (90 წუთი) "ლოკომოტივმა" 4:0 გაანადგურა "ბუხორო".

ირანი
სპარსეთის ყურის პროლიგა. გიორგი გველესიანის (90 წუთი) "ნასაჯიმ" შინ 2:0 მოუგო ხუზესტანის "ესტეღლალს".

ყოველდღიური სპორტული გაზეთი "ლელო"
953
მკითხველის კომენტარები / 0 /
მსგავსი ამბები
რუბრიკის სხვა სიახლეები
;