[ლეგიონის უქმეები, VIDEO] მაკარიძის მშრალი სერია, სხირტლაძის ორი, არაბულის ერთი...

დავით სხირტლაძემ დუბლი და საგოლე პასი შეასრულა


გასულ უქმეებზე სამი ქართული დუბლი ვიხილეთ, ახლა კი მხოლოდ ერთით დავკმაყოფილდით - თავი პოლონეთში დავით სხირტლაძემ გამოიჩინა. კიდევ ერთი გოლი ბაჩანა არაბულმა გაიტანა საბერძნეთში. შესანიშნავად თამაშობს პორტუგალიაში გიორგი მაკარიძე...

გერმანია.ბუნდესლიგა. აკაკი გოგიას (მეორე ტაიმი ითამაშა) "უნიონი" სტუმრად "ლევერკუზენთან" 0:2 დამარცხდა.

III ლიგა. ლუკას ჰუფნაგელის (91-ე წუთზე შეცვალეს) "უნტერჰახინგმა" 2:0 მოუგო "გროსასპახს". ქართველი ნახევარმცველის გუნდი 20 ქულით ერთპიროვნული ლიდერია.


ესპანეთი.ლა ლიგა 2. გიორგი პაპუნაშვილის (68-ე წუთზე შევიდა) "სარაგოსა" შინ "ლუგოს" 0:0-ს ეთამაშა.


პორტუგალია.პრიმეირა. გიორგი მაკარიძის "სეტუბალმა" 0:0 ითამაშა შინ "პორტიმონენშესთან". გიორგიმ ზედიზედ მე-4 მატჩში შეინახა კარი მშრალად.


ჰოლანდია.ერედივიზიე. გიორგი აბურჯანიას "ტვენტე" შინ "ჰერაკლესთან" 2:3 დამარცხდა. აბურჯანია მოედანზე მე-80 წუთზე შევიდა.


ბელგია.ჟუპილერლიგა. ლუკა ზარანდიას "ვარეგემი" შინ გიორგი ჩაკვეტაძისა და გიორგი ქვილითაიას "გენტს" დაუზავდა - 2:2. მე-12 წუთზე ლუკამ საგოლე პასით გამოიჩინა თავი, ის 69-ე წუთზე შეცვალეს. სტუმართა რიგებში განაცხადში ქართველები არ ყოფილან. 

პროქსიმუს ლიგა. გიორგი ბერიძის (49-ე წუთზე შევიდა) "ლოკერენმა" შინ 2:0 მოუგო "რუზელარეს". ეს "ლოკერენის" პირველი გამარჯვება იყო სეზონში. ირაკლი ბუღრიძის (არ უთამაშია) "ბეერსხოტი" სტუმრად "ვირტონთან" დიდი ანგარიშით წააგო - 0:3. ბექა ვაჩიბერაძის (მე-80 წუთზე შევიდა) "ლომელი" სტუმრად "ლუვენთან" დამარცხდა - 0:1.


შვეიცარია.სუპერ ლიგა. ოთარ კაკაბაძის (90 წუთი, გააფრთხილეს) "ლუცერნი" სტუმრად "ლუგანოს" დაუზავდა - 1:1. ლევან ხარაბაძის (46-ე წუთზე შევიდა, გააფრთხილეს) "ციურიხმა" შინ 2:0 მოუგო "თუნს".


ავსტრია.ბუნდესლიგა. ოთარ კიტეიშვილის (90 წუთი, გააფრთხილეს) "შტურმი" სტუმრად "მატერსბურგს" დაუზავდა - 3:3.

II ლიგა. ლევან ელოშვილის (62-ე წუთზე შეცვალეს) "კაპფენბერგი" შინ 1:1 დაუზავდა "ამშტეტენს".


პოლონეთი.ექსტრაკლასა. დავით სხირტლაძის (90 წუთი) "არკამ" სტუმრად "ლოძს" 4:1 მოუგო. 21-ე წუთზე სხირტლაძემ ანგარიში გახსნა, 43-ე წუთზე კი მან დუბლი შეასრულა. სხირტლაძის შოუ ამით არ ამოწურულა, სტუმართა ბოლო გოლი მისი პასით გავიდა. 26 წლის შემტევს უკვე 4 გოლი აქვს გატანილი. ვატო არველაძის (არ უთამაშია) "კორონა" სტუმრად "ლეხიასთან" 0:2 დამარცხდა.

დანია.სუპერლიგა. ლაშა პარუნაშვილის (90 წუთი) "ესბიერგმა" შინ 3:1 მოუგო "ბრონდბიუს".


შვედეთი.ოლსვენსკანი. გიორგი ხარაიშვილის (არ უთამაშია) "გიოტებორგმა" შინ "სირიუსს" სძლია - 2:1.


ჩეხეთი. I ლიგა. ქართველთა "ზლინი" სტუმრად "ბოჰემიანსს" დაუზავდა - 2:2. ვახტანგ ჭანტურიშვილმა შეუცვლელად ითამაშა, ხოლო ანდრო გიორგაძე მოედანზე 92-ე წუთზე გამოჩნდა.


თურქეთი.სუპერ ლიგი. ლევან შენგელიას (სათადარიგო) "ქონიასპორი" სტუმრად "გიოზთეფესთან" დამარცხდა - 0:1.


საბერძნეთი. სუპერ ლიგა. ბაჩანა არაბულის "პანიონიოსი" სტუმრად ქართველი ფორვარდის წყალობით დაუზავდა "ლამიას" - ბაჩანამ გოლი მე-3 კომპენსირებულ წუთზე გაიტანა. მან შეუცვლელად ითამაშა. 25 წლის ფორვარდს 2 გოლი აქვს გატანილი ამ სეზონში.


უნგრეთი.OTP ბანკ ლიგა. ლაშა დვალის (სათადარიგო) "ფერენცვაროშმა" სტუმრად "ზალაეგერშეგის" ძლია - 2:1.


რუმინეთი.ლიგა 1. ავთო ებრალიძის (90 წუთი) "ვოლუნტარი" შინ 1:2 დამარცხდა "აკადემიკასთან".


ფინეთი.ვეიკაუსლიგა. ზაქარია ბეგლარიშვილის (არ უთამაშია) სჯკ სტუმრად ჰიფკ-სთან დამარცხდა - 0:2.

იკონენლიგა. გიორგი ოსიტაშვილის (არ უთამაშია) ტპვ სტუმრად "იაროსთან" დამარცხდა - 1:3.


კვიპროსი. I დივიზიონი. თემურ ქეცბაიას "ანორთოსისმა" 2:0 მოუგო "პაფოსს". კარში გიორგი ლორია იდგა, თორნიკე ოქრიაშვილი 78-ე წუთზე გამოცვალეს, ის ბუბა დაუშვილმა ჩაანაცვლა, ხოლო ნიკა კაჭარავა კვლავ სათადარიგოს როლით დაკმაყოფილდა.


რუსეთი.პრემიერ-ლიგა. ჯიმი ტაბიძის (90 წუთი, გააფრთხილეს) "უფამ" შინ 1:0 დაამარცხა ჯანო ანანიძის (სათადარიგო) "სპარტაკი". "ჩემპიონატის" შეფასება ტაბიძე - 6.5. ქართველთა "რუბინი" სტუმრად "ზენიტთან" შერცხვა - 0:5. ხვიჩა კვარაცხელია 56-ე წუთზე გამოვიდა, ბექა მიქელთაძე - 76-ეზე, ზურიკო დავითაშვილი ტრავმირებულია. ყველა გოლი მას მერე გავიდა, რაც კვარაცხელია მინდორზე გამოჩნდა. საბა კვირკველიას (სათადარიგო) "ლოკომოტივმა" სტუმრად "ორენბურგს" 3:2 მოუგო. გია გრიგალავას (90 წუთი) "არსენალი" შინ 1:1 დაუზავდა "ურალს".

I დივიზიონი. ირაკლი კვეკვესკირის (50-ე წუთზე შეცვალეს) "სკა-ხაბაროვსკმა" შინ 2:0 მოუგო "ენისეის".


უკრაინა.პრემიერ ლიგა. სანდრო კობახიძის (არ უთამაშია) "დნიპრო-1-მა" შინ "კარპატის" 2:0 მოუგო. ტრავმირებული დავით ხოჭოლავას "შახტარმა" სტუმრად 1:0 მოუგო "დესნას".


ბელარუსი.ვისშაია ლიგა. გიორგი ქანთარიას (71-ე წუთზე შეცვალეს) "ნემანმა" შინ "დნიაპროს" 1:0 მოუგო. ლაშა შინდაგორიძის (65-ე წუთზე შევიდა) "შახტიორმა" შინ აკაკი ხუბუტიას (90 წუთი, გააფრთხილეს) "ვიტებსკი" გაანადგურა - 4:0.


ლატვია.ვირშლიგა. მათე ცინცაძისა (75-ე წუთზე შეცვალეს) და ირაკლი ბიძინაშვილის (სათადარიგო) "იელგავა" შინ "რიგასს" დაუზავდა - 1:1. ქართველთა "ვენტსპილსი" სტუმრად 3:3 დაუზავდა "მეტას". გუგა ფალავანდიშვილი მე-80 წუთზე შეცვალეს, გიორგი მჭედლიშვილი განაცხადში არ ყოფილა. თამაზ პერტიას "ვალმიერა" შინ "რიგასთან" დამარცხდა - 0:1.


აზერბაიჯანი.პრემიერ ლიგა. ქართველთა "გაბალა" სტუმრად "საბაილს" დაუზავდა - მერაბ გიგაურმა და დავით ვოლკოვმა სასტარტო შემადგენლობაში ითამაშეს.


ყაზახეთი.პრემიერ ლიგა. ქართველთა "თარაზი" შინ "ატირაუს" დაუზავდა, ქულა გუნდს ელგუჯა ლობჯანიძემ (69-ე წუთზე შევიდა) გადაურჩინა, რომელმაც 94-ე წუთზე გაიტანა. ლაშა კასრაძე განაცხადში არ ყოფილა. ქართველთა "ტობოლმა" სტუმრად 1:0 მოუგო "შახტარს". ჯაბა კანკავამ შეუცვლელად ითამაშა (გააფრთხილეს), ნიკა კვეკვესკირი განაცხადში არ ყოფილა. კახა ცხადაძის "ორდაბასიმ" შინ 4:1 გაანადგურა "აკტობე".


უზბეკეთი.სუპერ ლიგა. ელგუჯა გრიგალაშვილის (90 წუთი) აგმკ სტუმრად "თერმეზთან" დამარცხდა - 0:1. შოთა არველაძის "ფახთაქორმა" 2:1 მოუგო სტუმრად "მეტალურგს" და 6 ტურით ადრე გახდა ქვეყნის ჩემპიონი. ეს არველაძის პირველი ჩემპიონობაა უზბეკეთში. კახა მახარაძის (90 წუთი) "სოგდიანა" შინ "ნავბაჰორს" 0:0 დაუზავდა. მათე ვაწაძის (73-ე წუთზე შეცვალეს) "ყიზილქუმი" სტუმრად "ბუნიოდკორთან" დამარცხდა - 1:2. ქართველთა "ბუხორომ" სტუმრად 2:1 მოუგო "ნასაფს". ჯაბა ლიპარტიამ შეუცვლელად ითამაშა, ვილი ისიანი სათადარიგო იყო.


ირანი.სპარსეთის ყურის პრო ლიგა. გიორგი გველესიანის (90 წუთი) "სეფაჰანი" შინ 0:0 დაუზავდა "ნაფთს".


აშშ. MLS. ქართველთა "სან ხოსე" სტუმრად "ატლანტა იუნაიტედთან" 1:3 დამარცხდა, თუმცა ბოლო წუთამდე 1:1 იყო. გურამ კაშიამ და ვაკო ყაზაიშვილმა შეუცვლელად ითამაშეს.

დღეს ითამაშებენ

* დანიაში საბა ლობჟანიძის "რანდერსი" "ჰორსენსს" მასპინძლობს.
* კვიპროსში ირაკლი მაისურაძის "პარალიმნი" აპოელ-ს დაუხვდება.
* საფრანგეთში ამირან სანაიას "როდეზი" "ლორიანს" ესტუმრება.

1105
მკითხველის კომენტარები / 0 /
მსგავსი ამბები
რუბრიკის სხვა სიახლეები
;