18 წლის ხვიჩა კვარაცხელია სიომინმა 'ზენიტთან' მატჩში 'ლოკომოტივის' სასტარტოში დააყენა [ლეგიონის უქმეები, VIDEO+PHOTO]

ამ უქმეებზე ქართული გოლი არ გასულა, თუმცა იყო საგოლე პასები, მთავარი მაინც ისაა, რომ, შესაბამისად, 2-თვიანი და ერთთვიანი იძულებითი პაუზის შემდეგ, მოედანს გიორგი ჩაკვეტაძე და ლევან მჭედლიძე დაუბრუნდნენ...

იტალია

სერია A. ლევან მჭედლიძის "ემპოლი" სტუმრად "უდინეზესთან" 2:3 დამარცხდა. ამ შეხვედრაში გუნდს ქართველი ფორვარდი დაუბრუნდა, ის 72-ე წუთზე შევიდა. ჩვენებურს ზუსტად ერთ-თვიანი პაუზა ჰქონდა.

ესპანეთი

ლა ლიგა 2. გიორგი აბურჯანიას "ლუგო" გალისიაში "ოსასუნას" დაუზავდა - 2:2. ქართველმა ლეგიონერმა შეუცვლელად ითამაშა.

გერმანია

II ბუნდესლიგა. აკაკი გოგიას (67-ე წუთზე შეცვალეს) "უნიონი" დრეზდენში "დინამოს" დაუზავდა - 0:0.  

III ლიგა. ლუკას ჰუფნაგელის (არ უთამაშია) "უნტერჰახინგმა" სტუმრად 0:4 დათმო "კარლსრუესთან".

საფრანგეთი

ლიგა 2. ჯაბა ჯიღაურის (სათადარიგო) "გრენობლი" შინ 0:4 განადგურდა "ორლეანთან".

ნასიონალი. ამირან სანაიას "როდეზმა" სტუმრად 1:0 მოუგო "რუენს".  

პორტუგალია

პრიმეირა. "ნასიონალის" სასტარტოში გიორგი არაბიძე ვიხილეთ, მაგრამ მას არ გაუმართლდა - 39-ე წუთზე თანაგუნდელი გაუძევეს, და ორ წუთში მწვრთნელი იძულებული გახდა, არაბიძე მოეხსნა, მატჩი მადეირაზე 0:0 დასრულდა, ავთო ებრალიძე ჯერაც ტრავმირებულია და "ნასიონალის" რიგებში დებიუტს ელის. გიორგი მაკარიძემ კარი მშრალად შეინახა მადეირას "მარიტიმუსთან" 1:0 მოგებულ მატჩში, "სეტუბალის" გოლკიპერის ანგარიშზე 2 "სეივია".

ბელგია

ჟუპილერლიგა. საჩემპიონო ჯგუფის მე-3 ტურის მატჩში ქართველთა "გენტი" ლიდერ "გენკს" ესტუმრა და 1:2 დამარცხდა. ამ შეხვედრაში ფეხბურთს დაუბრუნდა ტრავმამოშუშებული გიორგი ჩაკვეტაძე. 19 წლის შემტევი ნახევარმცველი იეს ტორუპმა მოედანზე 74-ე წუთზე შეუშვა და ამის შემდეგ მოედანზე საუკეთესო სწორედ ის იყო. 87-ე წუთზე ჩაკვეტაძემ ტიმოტი დერეიკს გაატანინა. გიორგი ქვილითაია ამ მატჩში სათადარიგო იყო.

გიორგის ჟუპილერლიგაში 21 მატჩში 4 გოლი და 4 საგოლე პასი აქვს. ჩაკვეტაძემ 30 იანვრის მერე პირველად ითამაშა, ხოლო ჩემპიონატში 27 იანვრის მერე პირველად გამოჩნდა.

პროქსიმუს ლიგა. ირაკლი ბუღრიძის (90 წუთი) "ბეერსხოტი" სტუმრად "ოოსტენდესთან" დამარცხდა - 1:2. ბუღრიძემ პირველი საგოლე პასი მიითვალა ბელგიურ კარიერაში.

ავსტრია

ბუნდესლიგა. ოთარ კიტეიშვილის "შტურმმა" სტუმრად 1:0 მოუგო ვენის "აუსტრიას". ქართველი ფეხბურთელი 89-ე წუთზე გამოცვალეს.  

ერსტე ლიგა. ლევან ელოშვილის (81-ე წუთზე შევიდა) "კაპფენბერგი" სტუმრად "ვატენსთან" 1:2 დამარცხდა.

დანია

სუპერლიგა. საბა ლობჟანიძის "რანდერსი" შინ "ვენდსისელს" დაუზავდა - 1:1. ქართველმა შეუცვლელად ითამაშა. ლაშა პარუნაშვილის (დისკვალიფიკაცია) "ესბიერგი" შინ "მიდტიულანდს" დაუზავდა - 2:2.

შვედეთი

ოლსვენსკანი. გიორგი ხარაიშვილის "გიოტებორგმა" 3:0 მოუგო "ელფსბორგს", მეტსაც შეძლებდა, 65-ე წუთზე ქართველ ნახევარმცველს პენალტი რომ არ გაეფუჭებინა. მან შეუცვლელად ითამაშა.

პოლონეთი

ექსტრაკლასა. ვატო არველაძის (58-ე წუთზე შეცვალეს) "კორონა" შინ "ზაგლემბიესთან" 0:2 დამარცხდა. გიორგი გაბედავამ "იაგელონიასთან" მატჩში ტრავმა მიიღო და ის 41-ე წუთზე გამოცვალეს - "სოსნოვიეცი" სტუმრად 1:2 დამარცხდა. გიორგი ივანიშვილი ტრავმირებულია. გიორგი მერებაშვილის "პოგონი" შინ ლუკა ზარანდიას "არკას" დაუზავდა - 3:3. არცერთ ქართველს არ უთამაშია. ვაკო გვილიას "გურნიკი" შინ "ლეგიასთან" 1:2 დამარცხდა. ანგულომ 28-ე წუთზე "გურნიკი" გვილიას საგოლე პასით დააწინაურა, მაგრამ შემდეგ ვარშაველებმა თამაში შემოატრიალეს, გვილია ბოლო წუთზე გამოცვალეს.      

I ლიგა. გუგა ფალავანდიშვილის (90 წუთი) "პოდბესკიძიემ" შინ 2:0 მოუგო "ტიხის".

შვეიცარია

სუპერ ლიგა. ლევან ხარაბაძის "ციურიხი" სტუმრად "გრასჰოპერსს" ქალაქის დერბიში დაუზავდა - 1:1. ქართველის პასით ანგარიში სისეიმ გახსნა, თუმცა მეორე ტაიმში მასპინძლებმა გაათანაბრეს. ხარაბაძემ შეუცვლელად ითამაშა. ოთარ კაკაბაძის "ლუცერნი" სტუმრად "სიონს" დაუზავდა - 2:2. კაკაბაძეს არ უთამაშია.

სლოვაკეთი

ფორტუნა ლიგა. "ჟილინაში" დებიუტი ჰქონდა ლუკა ლოჩოშვილს (90 წუთი), მისი გუნდი კი სტუმრად "დუნაისკა სტრედასთან" დამარცხდა.

საბერძნეთი

სუპერ ლიგა. ლაშა შერგელაშვილის (90 წუთი, გააფრთხილეს) "იანინა" კრეტაზე ოფი-სთან დამარცხდა - 0:1. გიორგი რეხვიაშვილის (სათადარიგო) "ლევადიაკოსი" სტუმრად 0:0-ს ეთამაშა "ასტერასს".  

ხორვატია

HNL. გიორგი მჭედლიშვილის (90 წუთი) "გორიცამ" შინ "რიეკას" 1:0 აჯობა.

უნგრეთი

OTP. ბუბა დაუშვილის "ჰალადაშმა" სტუმრად "დიოშდიორს" მოუგო 1:0. ქართველს ყოფილი გუნდის წინააღმდეგ არ უთამაშია. ლაშა დვალის "ფერენცვაროშმა" "პაკშს" 3:0 მოუგო. პირველ წუთზე ლაშას დარტყმულს რიკოშეტი მოჰყვა და გოლი სტუმართა კარში გავიდა. დვალმა შეუცვლელად ითამაშა. ბაჩანა არაბულის (78-ე წუთზე შევიდა) "პუშკაშ აკადემია" შინ "კიშვარდასთან" განადგურდა - 0:4. გიორგი ბერიძის (მე-12 წუთზე შევიდა) "უიპეშტმა" შინ 2:1 მოუგო "მეჟოკოვეშდს". ტრავმირებული ზაქარია ბეგლარიშვილის "ჰონვედი" შინ "მოლ ვიდისთან" დამარცხდა - 0:1.  

ბულგარეთი

პარვა ლიგა. ქართველთა "ვერეია" შინ 0:2 დამარცხდა "ბისტრიცასთან". მეორე ტურია, რაც არც შოთა გვაზავას უთამაშია და არც გოდერძი მაჩაიძეს.

კვიპროსი

I დივიზიონი. ირაკლი მაისურაძის (პირველი ტაიმი ითამაშა) "პარალიმნი" სტუმრად 0:2 დამარცხდა "ალკისთან". ქართველთა "ანორთოსისი" სტუმრად "დოხას" 3:3-ს ეთამაშა. ნიკა კაჭარავა პირველი ტაიმის მიწურულს შევიდა, ბექა მიქელთაძეს არ უთამაშია.

ალბანეთი

სუპერლიგა. ირაკლი ძარიას "კუკესი" სტუმრად "კასტრიოტისთან" დამარცხდა - 1:2.

ლუქსემბურგი

ნასიონალი. ლევან ყენიას "დუდელანჟმა" სტუმრად 3:1 მოუგო "უნიონს", ხოლო ლაზარე კუპატაძის "ჟენეს ეშმა" შინ 1:2 წააგო "შტრასენთან".

მალტა

პრემიერ ლიგა. გეგი კეკუას (არ უთამაშია) "პიეტამ" შინ 3:1 მოუგო "სენტ ენდრიუსს".

რუსეთი

პრემიერ-ლიგა. ჯანო ანანიძემ შეუცვლელად ითამაშა, მისი "კრილია სოვეტოვი" კი სტუმრად "კრასნოდართან" 0:1 დამარცხდა. ეს ჯანოს გუნდის ზედიზედ მესამე წაგებაა. "ჩემპიონატმა" ჯანოს 6 ბალი დაუწერა. ჯიმი ტაბიძის "უფამ" შინ "როსტოვს" მოუგო 1:0. ქართველი მცველი ტრავმირებულია. გია გრიგალავას (არ უთამაშია) "არსენალი" სტუმრად "რუბინს" დაუზავდა - 0:0. ქართველთა "ლოკომოტივი" მოსკოვში "ზენიტს" 1:1 დაუზავდა. საბა კვერკველიამ შეუცვლელად ითამაშა, ხოლო ხვიჩა კვარაცხელია პირველად იყო სასტარტო შემადგენლობაში, ის შესვენებაზე შეცვალეს. ქართველთა შეფასებები: კვერკველია - 6.5, კვარაცხელია - 6.

I დივიზიონი. ირაკლი კვეკვესკირის (90 წუთი) "სკა-ხაბაროვსკმა" შინ "შინიკს" 1:0 მოუგო.

უკრაინა

პრემიერ ლიგა. ჯაბა ლიპარტიას "არსენალმა" სტუმრად 3:1 მოუგო ოდესის "ჩერნომორეცს". ლიპარტია მოედანზე 63-ე წუთზე გამოჩნდა.

თასი. ნიკა სანდოხაძის (81-ე წუთზე შევიდა) "კარპატი" სტუმრად "ინჰულეცს" ესტუმრა, 1:1 ეთამაშა და პენალტების სერიაში 4:5 დათმო. სხვათა შორის, მასპინძელთა რიგებში 88-ე წუთიდან ითამაშა ნიკოლოზ სიჭინავამ. ზაურ მახარაძის (სათადარიგო) "ზორიამ" სტუმრად 1:0 მოუგო "ლვივს" და შემდეგ ეტაპზეა. "ვორსკლა" სტუმრად "დნიპროსთან" დამარცხდა - 0:2. სანდრო კობახიძესა და ანდრო გიორგაძეს არ უთამაშიათ. ყველაზე დიდ ინტერესს "შახტარისა" და კიევის "დინამოს" დაპირისპირება იწვევდა, მატჩი 1:1 მორჩა, პენალტების სერიაში კი დავით ხოჭოლავას გუნდმა 4:3 იმარჯვა და ნახევარფინალშია. ქართველმა მცველმა შეუცვლელად ითამაშა.

ბელარუსი

ვისშაია ლიგა. აკაკი ხუბუტიას (90 წუთი) "ვიტებსკი" სტუმრად "გოროდეიას" დაუზავდა - 1:1. გიორგი ქანთარიას (90 წუთი) "ნემანი" შინ "შახტიორთან" დამარცხდა - 0:3.

ლიტვა

A ლიგა. ლევან მაჭარაშვილის (70-ე წუთზე გამოცვალეს) "შტუმბრასი" შინ "კაუნოსთან" 0:1 დამარცხდა.

ლატვია

ვირშლიგა. ქართველთა "იელგავა" შინ "ლიეპაიასთან" დამარცხდა - 1:2. ირაკლი ბიძინაშვილმა სასტარტოში დაიწყო, 55-ე წუთზე მან პენალტი გაიტანა, ხოლო მე-80 წუთზე ის გურამ ლუკავათი შეცვალეს. ბექა ვაჩიბერაძის (90 წუთი, გააფრთხილეს) "რიგასმა" სტუმრად "მეტას" მოუგო - 2:1. დავით სხირტლაძის (სათადარიგო) "რიგამ" სტუმრად 1:0 მოუგო "დაუგავპილსს". თამაზ პერტიას "ვალმიერა" შინ "ვენტსპილსს" დაუზავდა - 1:1.

აზერბაიჯანი

პრემიერ ლიგა. თამაზ ცეცხლაძის (სათადარიგო) "საბაილი" სტუმრად "საბაჰთან" დამარცხდა - 1:3. დავით ვოლკოვის (90 წუთი, გააფრთხილეს) "გაბალამ" შინ "ყარაბაღთან" დათმო - 1:2.

ყაზახეთი

პრემიერ ლიგა. ელგუჯა ლობჯანიძის (90 წუთი) "თარაზი" სტუმრად "ერტისთან" დამარცხდა - 0:2. აღსანიშნავია, რომ ორივე გოლი სტუმრებმა საკუთარ კარში გაიტანეს. ქართველთა "ტობოლმა" შინ "აქტობეს" მოუგო - 2:1. ჯაბა კანკავამ და ნიკა კვეკვესკირმა შეუცვლელად ითამაშეს. კახა ცხადაძის "ორდაბასიმ" შინ "ჟეტისუს" 1:0 მოუგო.

უზბეკეთი

სუპერ ლიგა. შოთა არველაძის "ფახთაქორმა" შინ "ნასაფს" 2:1 მოუგო და 3 მატჩიდან 9 ქულით ლიდერია. ელგუჯა გრიგალაშვილის (90 წუთი) "ყიზილქუმი" სტუმრად "ბუხოროს" დაუზავდა - 1:1. კახა მახარაძის (90 წუთი, გააფრთხილეს) "სოგდიანა" შინ "ტერმეზთან" დამარცხდა - 0:3.  

ირანი

სპარსეთის ყურის პრო ლიგა. გიორგი გველესიანის (90 წუთი) "ნასაჯიმ" მაზანდარანში "სეფაჰანს" უმასპინძლა და 0:0 დაუზავდა, ლაშა თოთაძეს არ უთამაშია.

აშშ

MLS. "სან ხოსემ" სეზონში პირველად იმარჯვა, "პორტლენდს" 3:0 მოუგო. გურამ კაშიამ ტრავმის გამო ვერ ითამაშა. ვაკო ყაზაიშვილი მოედანზე 76-ე წუთზე გამოვიდა.

დღეს ითამაშებენ

* ჩეხეთში ვახტანგ ჭანტურიშვილის "ზლინი" პრაღაში "სპარტას" ესტუმრება.
* გერმანიაში გიორგი ლორიას "მაგდებურგი" "ჰამბურგს" ესტუმრება.
* პოლონეთში გიორგი მერებაშვილის "პლოცკი" "შლიონსკს" მასპინძლობს.
* ესპანეთში გიორგი პაპუნაშვილის "სარაგოსა" "კადისს" ესტუმრება.

ყოველდღიური სპორტული გაზეთი "ლელო"
1455
მკითხველის კომენტარები / 0 /
მსგავსი ამბები
რუბრიკის სხვა სიახლეები
;