[ლეგიონის უქმეები] აბურჯანია შევიდა და გაიტანა [VIDEO]

სანაკრებო პაუზის წინ ქართულმა ლეგიონმა მორიგი "ტური" გამართა და ახლა მისი ძირითადი ბირთვი ერთა ლიგაზე გადაერთვება, ყაზახეთთან და ლატვიასთან სათამაშოდ.

ესპანეთი
ლა ლიგა 2. "ლუგოსა" და "ნუმანსიას" მატჩის (3:2) 84-ე წუთზე მასპინძელთა რიგებში გიორგი აბურჯანია გამოჩნდა, რომელმაც 95-ე წუთზე თავით გამარჯვების გოლი გაიტანა. ეს 23 წლის აბურჯანიას პირველი გოლია "ლუგოს" მაისურით. მას 2016 წლის მაისის მერე გოლი არ გაუტანია.

"ძალიან მიხარია, რომ გავიტანე, განსაკუთრებით იმიტომ, რომ ეს გამარჯვების გოლი იყო", - განაცხადა მატჩის შემდეგ აბურჯანიამ. გიორგი პაპუნაშვილი განაცხადში არ იყო, მისი "სარაგოსა" კი არაგონში "ლას პალმასს" დაუზავდა.

გერმანია
II ბუნდესლიგა. აკაკი გოგიას (59-ე წუთზე შევიდა) "უნიონი" სტუმრად "ზანდჰაუზენს" დაუზავდა - 0:0.

III ლიგა. ლუკას ჰუფნაგელის (75-ე წუთზე შეცვალეს) "უნტერჰახინგმა" 3:0 მოუგო "ბრაუნშვაიგს". 6 ტურის შემდეგ ქართველი ნახევარმცველის გუნდი 14 ქულით ლიდერობს.

საფრანგეთი
ნასიონალი. ამირან სანაიას (90 წ) "როდეზი" სტუმრად "შამბლისთან" დამარცხდა - 1:2.

პორტუგალია
პრიმეირა. ავთო ებრალიძის (67-ე წუთზე გამოცვალეს) "შავეში" შინ "ბრაგასთან" 0:1 დამარცხდა.

დანია
სუპერლიგა. საბა ლობჟანიძის ანგარიშზე გოლი+პასია "რანდერსისა" და "ოლბორგის" მატჩში (2:2). საბამ მე-17 წუთზე რომერს გაატანინა, ორ წუთში კი თავად შეაგდო. ლობჟანიძემ შეუცვლელად ითამაშა.

ავსტრია
ერსტე ლიგა. ლევან ელოშვილის (სათადარიგო) "კაპფენბერგი" შინ "ვატენსს" დაუზავდა - 2:2.

პოლონეთი
ექსტრაკლასა. ტრავმირებული ლაშა დვალის "პოგონი" სტუმრად "გურნიკს" დაუზავდა - 1:1. 7 ტურის შემდეგ "პოგონს" მხოლოდ 3 ქულა აქვს. ვატო არველაძის (73-ე წუთზე შევიდა) "კორონა" სტუმრად "ლეხიასთან" დამარცხდა - 0:2. "არკა"-"ზაგლებიეს" მატჩის (2:2) 67-ე წუთზე მასპინძლებმა შესანიშნავი კომბინაცია გაითამაშეს და იანკოვსკის ქუსლური პასის შემდეგ ლუკა ზარანდიამ ანგარიში 2:1 გახადა.

ქართველმა ლეგიონერმა შეუცვლელად ითამაშა (გააფრთხილეს). 22 წლის ზარანდიამ ექსტრაკლასაში მეორე გოლი გაიტანა (ამ სეზონში პირველი). "პარტნიორებს კარგად ვუგებ მოედანზე, ამ სეზონში კიდევ ბევრჯერ გაგახარებთ. თამაში წამივიდა, მაგრამ დასანანია, რომ გამარჯვება ხელიდან გავუშვით", - განაცხადა ზარანდიამ.

გიორგი მერებაშვილის პასით გაიხსნა ანგარიში "პლოცკისა" და "იაგელონიას" მატჩში, რომელიც საბოლოოდ 1:1 დასრულდა. ქართველმა ნახევარმცველმა შეუცვლელად ითამაშა.

შვედეთი
ოლსვენსკანი. გიორგი ხარაიშვილმა 91-ე წუთზე პენალტის ნიშნულიდან იხსნა "გიოტებორგი" მარცხისგან. მისი გუნდი სტუმრად "დალკურდს" დაუზავდა - 1:1.

უნგრეთი
ოტპ. ბაჩანა არაბულის "პუშკაშ აკადემია" სტუმრად "მეზოკოვეშდთან" დამარცხდა - 0:2. არაბული 61-ე წუთზე გამოცვალეს. გიორგი ბერიძის "უიპეშტი" შინ 0:0 დაუზავდა "ჰონვედს". ბერიძე 58-ე წუთზე შეცვალეს.

სლოვაკეთი
ფორტუნა ლიგა. გიორგი თევზაძის (არ უთამაშია) "ჟილინა" შინ "სლოვანთან" 0:1 დამარცხდა.

ბულგარეთი
პარვა ლიგა. გოდერძი მაჩაიძის (არ უთამაშია) "ვერეია" შინ 0:0-ს ეთამაშა "სლავიას".

კვიპროსი
I დივიზიონი. ქართველთა "ანორთოსისი" სტუმრად "პაფოსს" დაუზავდა - 1:1. 84-ე წუთზე ნიკა კაჭარავამ ბექა მიქელთაძე შეცვალა.

ფინეთი
ვეიკაუსლიგა. გიორგი გოროზიას "როვანიემიმ" შინ "ჰონკას" მოუგო - 2:1. 23-ე წუთზე ქართველმა ნახევარმცველმა სეზონში პირველი გოლი გაიტანა - ეს მისთვის მე-6 მატჩში მოხდა. გოროზიამ პირველად ითამაშა შეუცვლელად (95-ე წუთზე გააფრთხილეს). "როვანიემი" 26 თამაშიდან 49 ქულით მე-2 ადგილზეა და ლიდერ ჰიკ-ს 4 ქულით ჩამორჩება.

რუსეთი
პრემიერ ლიგა. გიორგი ლორიას (განაცხადში არ იყო) "კრილია სოვეტოვმა" 1:0 მოუგო "ანჟის".

I დივიზიონი. ირაკლი კვეკვესკირის (31-ე წუთზე შეცვალეს, გააფრთხილეს) "სკა-ხაბაროვსკი" სტუმრად "ტომსკთან" 1:4 დამარცხდა. ტრავმირებული გიორგი ჭანტურიას "ურალი" სტუმრად ცსკა-სთან განადგურდა - 0:4.

ნიკა ძალამიძის (90 წ, გააფრთხილეს) "ბალტიკა" სტუმრად დამარცხდა მოსკოვის "სპარტაკის" სარეზერვო გუნდთან - 1:2.

საბა კვირკველიას "ლოკომოტივი" სტუმრად თორნიკე ოქრიაშვილის "კრასნოდართან" დამარცხდა - 1:2. კვირკველიამ სრულად ითამაშა, ოქრიაშვილი განაცხადში არ ყოფილა. გია გრიგალავას (სათადარიგო) ტულის "არსენალი" სტუმრად "ენისეის" 0:0-ს ეთამაშა.

უკრაინა
პრემიერ ლიგა. ქართველთა "ვორსკლა" ევროპალიგაში ითამაშებს. მე-7 ტურში ამ გუნდმა მე-3 გამარჯვება იზეიმა, "ჩერნომორეცი" 2:1 დაამარცხა. სანდრო კობახიძემ შეუცვლელად ითამაშა, ანდრო გიორგაძე სათადარიგო იყო. დავით ხოჭოლავამ შეუცვლელად ითამაშა, "შახტარმა" კი 2:0 მოუგო "მარიუპოლს". ლუკა კობერიძის (სათადარიგო) "დესნა" შინ 0:1 დამარცხდა დონეცკის "ოლიმპიკთან".

ლატვია
ვირშლიგა. ქართველთა "რიგასი" სტუმრად გიული მანჯგალაძის "ვენტსპილსთან" 0:2 დამარცხდა. ნიკა სანდოხაძე, ლაშა შერგელაშვილი და ბექა ვაჩიბერაძე სასტარტოში იყვნენ, ირაკლი სიხარულიძე კი - სათადარიგო. მეორე გოლი სწორედ გიულიმ გაუტანა რიგელებს, ეს 86-ე წუთზე მოხდა. ის მოედანზე 67-ე წუთზე გამოჩნდა.

ესტონეთი
პრემიუმ ლიიგა. 22 წლის გეგი კეკუამ სეზონში პირველი გოლი გაიტანა და "პარნუს" 4-მატჩიანი წაგებათა სერიაც შეწყდა - ექს-ბათუმელის გუნდი სტუმრად "ნარვას" დაუზავდა - 1:1. კეკუამ მე-2 ტაიმის დასაწყისში ყვითელი ბარათი მიიღო, 63-ე წუთზე კი შეცვალეს. "პარნუმ" გოლი ამის მერე გაუშვა. ქართველი მარჯვენაფლანგელის გუნდი 10 ქულით ბოლო ადგილზეა.

აშშ
MLS. სანაკრებო მატჩის წინ შესანიშნავ ფორმაშია ვაკო ყაზაიშვილი, რომელმაც კიდევ გაიტანა ჩემპიონატში - ვაკომ 91-ე წუთზე შეაგდო და "სან ხოსეს" ვეღარ უშველა, კალიფორნიული კლუბი "ვანკუვერთან" 1:2 დამარცხდა. მან და გურამ კაშიამ შეუცვლელად ითამაშეს. ყაზაიშვილმა სეზონში მე-9 გოლი გაიტანა.

1130
მკითხველის კომენტარები / 1 /
რაჭველი
0
სასწაულებს ახდენს ვაისი არ იწვევს ბომბარდირ ბეგლარიშვილს,ლობჟანიძეს,სიხარულიძეს,ხარაიშვილს,ზარანდიას დაიწვევს დაბალი ლიგებიდან ხალხს რომლებსაც
დიდი ხანია არ უთამაშიათ განაცხადში ვერ ხვდებიან რა ხდება შემოგზავნილი ხომ არაა რას უყურებს კალაძე
ხომ ხედავს რომ პარლამენტარებს ფეხბურთისთვის არ
სცალიათ.
მიკვირს ანანიძეც რომ არ გამოიძახეს,კახა ჩაერიე თორემ ფედერაციის ეს ხალხი დაღუპავენ ქართულ ფეხ
ბურთს იმიტომ რომ უსამართლობა და არაკომპენტაცია
აშკარაა,ურემი რომ დადაბრუნდება მერე გვიან იქნება
გახსოვს ალბათ როგორ დაგშალათ ქეცბაიამ ხორვატიისათვის მომგებები.ვინ აგო პასუხი,მაშინ როდემდე ნდა გაგრძელდეს.ხომ გვყავს ჭიაბრიშვილი
რომელიც საქმით ამტკიცებს რომ ვაისზე ათი თავით
მაღლაა.გამახსენეთ რომელი ოფიციალური თამაში მოიგო ვაისმა.( გთხოვთ არ დაბლოკოთ)
მსგავსი ამბები
რუბრიკის სხვა სიახლეები
;