[ლეგიონის უქმეები + 7 VIDEO] გამოღვიძების დღეები, ნაირნაირი გოლები, საგოლე პასები...

ქართულმა ლეგიონმა, თითქოს, ზამთრის ძილისგან გამოიღვიძაო... ნაირ-ნაირი გოლები და საგოლე პასები, თანაც, ნაკრების კანდიდატების შესრულებით. ჩვენ ამას მხოლოდ მივესალმებით, ევრო 2020-ის პლეი ოფამდე ცოტა დრო რჩება, ქართულ ფეხბურთს ორი მოგება აშორებს ევროპულ ოცნებასთან...

გერმანია. ბუნდესლიგა. აკაკი გოგიას (ტრავმა) "უნიონი" ბერლინში "ლევერკუზენთან" დამარცხდა - 2:3.

გერმანია. III ლიგა. ლუკას ჰუფნაგელის (არ უთამაშია) "უნტერჰახინგში" შინ კიოლნის "ვიქტორიას" დაუზავდა - 1:1.

ესპანეთი. ლა ლიგა 2. გიორგი პაპუნაშვილის (76-ე წუთზე შევიდა) "რასინგი" შინ "ხიხონთან" 0:2 დამარცხდა.

საფრანგეთი. ლიგა 2. ამირან სანაიას (სათადარიგო) "როდეზი" ქართველის ყოფილ გუნდს "ლე მანს" სტუმრად 0:0 დაუზავდა.

პორტუგალია. პრიმეირა. გიორგი მაკარიძის (90 წუთი) "სეტუბალი" შინ "ჟილ ვისენტესთან" 1:2 დამარცხდა.

პორტუგალია. ლიგა პრო. ავთო ებრალიძის (90 წუთი) "ლეიშოიში" სტუმრად "ფეირენშესთან" დამარცხდა - 0:1.

ჰოლანდია. ერედივიზიე. გიორგი აბურჯანიას (90 წუთი) "ტვენტემ" 2:0 მოუგო "ალკმაარს". 25-ე წუთზე ქართველმა სუპერ საჯარიმო გაიტანა, ეს მისი მე-2 გოლია ჩემპიონატში.

ბელგია. ჟუპილერ ლიგა. გიორგი ქვილითაიასა (68-ე წუთზე შეცვალეს) და გიორგი ჩაკვეტაძის (68-ე წუთზე შევიდა) "გენტმა" სტუმრად 3:2 მოუგო "ეუპენს", 84-ე წუთზე გადამწყვეტი საგოლე პასი ჩაკვეტაძის ანგარიშზეა. ლუკა ზარანდიას (სათადარიგო) "ვარეგემი" შინ 1:2 დამარცხდა "მუსკრონთან".

ბელგია. პროქსიმუს ლიგა. გიორგი ბერიძის (90 წუთი) "ლოკერენი" შინ 0:2 დამარცხდა "ვირტონთან". ქართველი ლეგიონერი ბოლო წუთზე გააძევეს. ბექა ვაჩიბერაძის (სათადარიგო) "ლომელი" შინ 0:1 დამარცხდა "ვესტერლოსთან".

შვეიცარია. სუპერ ლიგა. ოთარ კაკაბაძის (ტრავმა) "ლუცერნმა" შინ 1:0 მოუგო "სენტ გალენს". ლევან ხარაბაძის (ტრავმა) "ციურიხი" სტუმრად "სერვეტთან" 1:4 დამარცხდა.

ავსტრია. ბუნდესლიგა. ოთარ კიტეიშვილის (არ უთამაშია) "შტურმი" შინ 1:2 დამარცხდა "მატერსბურგთან".

დანია. სუპერლიგა. ლაშა პარუნაშვილის (90 წუთი) "ესბიერგმა" შინ "კოპენჰაგენის" დამარცხება შეძლო - 1:0.

პოლონეთი. ექსტრაკლასა. დავით სხირტლაძის (ტრავმა) "არკა" სტუმრად 0:2 დამარცხდა "გურნიკთან". ვატო არველაძის (არ უთამაშია) "კორონა" სტუმრად "იაგელონიას" დაუზავდა - 0:0. ვაკო გვილიას (54-ე წუთზე შევიდა) "ლეგია" სტუმრად "რაკოვს" დაუზავდა - 2:2. ვაკომ 74-ე წუთზე კანტეს გაატანინა. გიორგი მერებაშვილის (90 წუთი) "პლოცკი" "ლოძს" სტუმრად დაუზავდა - 0:0.

ჩეხეთი. 1 ლიგა. ვახტანგ ჭანტურიშვილის (90 წუთი) "ზლინი" სტუმრად "კარვინასთან" დამარცხდა - 0:2.

უნგრეთი. ოტპ. ლიდერთა დაპირისპირებაში ლაშა დვალის (არ უთამაშია) "ფენერცვაროში შინ გამარჯვებული დარჩა "ფეჰერვართან" - 1:0. ბუდუ ზივზივაძის (90 წუთი) "მეზოკოვეშდმა" სტუმრად მოუგო "დებრეცენს" - 3:1. სტუმართა მეორე გოლი ბუდუს ანგარიშზეა, ვინც ჩემპიონატში მე-7 გოლი გაიტანა.

საბერძნეთი. სუპერ ლიგა. ბაჩანა არაბულის (90 წუთი) "პანიონისი" პირეოსში "ოლიმპიაკოსთან" განადგურდა - 0:4.

თურქეთი. სუპერ ლიგი. საბა ლობჟანიძის (73-ე წუთზე შეცვალეს) "ანაკარაგიუჯუმ" შინ "ფენერბაჰჩეს" 2:1 მოუგო. ამ სენსაციის შემოქმედი კი საბა იყო, მან მე-13 წუთზე თურქეთში თავისი პირველი გოლი გაიტანა. ლევან შენგელიას (90 წუთი) "კონია" შინ "გიოზთეფესთან" 1:3 დამარცხდა. ქართველის ანგარიშზე საგოლე პასია. 

კვიპროსი. I დივიზიონი. თემურ ქეცბაიას "ანორთოსისმა" შინ "ნეა სალამინა" დაამარცხა - 3:2. ხუთიდან ოთხი ქართველი ლეგიონერი სასტარტოში იყო - გიორგი ლორიამ, ბუბა დაუშვილმა და თორნიკე ოქრიაშვილმა შეუცვლელად ითამაშეს, ნიკა კაჭარავა ქეცბაიამ შესვენებაზე გამოცვალა. 77-ე წუთზე თამაშში ჯანო ანანიძეც ჩაერთო. "ანორთოსისი" უშუალო კონკურენტს უკვე 4 ქულით უსწრებს. ირაკლი მაისურაძის (სათადარიგო) "პარალიმნი" შინ "პაფოსს" დაუზავდა - 1:1.

აზერბაიჯანი. პრემიერლიგა. მერაბ გიგაურის (90 წუთი) "გაბალა" სტუმრად "საბაილთან" 1:3 დამარცხდა. დავით ვოლკოვის (90 წუთი) "ზირა" შინ "ყარაბაღთან" 0:6 შერცხვა.

1555
მკითხველის კომენტარები / 0 /
მსგავსი ამბები
რუბრიკის სხვა სიახლეები
;