ვაკო ყაზაიშვილის "სან ხოსემ" MLS-ში მორიგი მატჩი გამართა და გასვლაზე "ვანკუვერს" დაუზავდა - 1:1.
მატჩის დასრულებამდე 13 წუთით ადრე, ვონდოლოვსკის პასით, "სან ხოსეს" ქულა სწორედ ქართველმა გადაურჩინა. ყაზაიშვილმა მინდორზე 88 წუთი გაატარა.
* * *
კვიპროსის ჩემპიონატში ახნას "ეთნიკოსი" გასვლაზე ფრედ (0:0) ეთამაშა "ნეა სალამინას". სტუმართა შემადგენლობაში 88 წუთი ითამაშა გიორგი ილურიძემ.
* * *
პოლონეთის ექსტრაკლასაში "პოგონმა" სტუმრად 0:3 წააგო "კრაკოვიასთან". სტუმართა რიგებში 90 წუთი ითამაშა ლაშა დვალმა, ხოლო მათე ცინცაძე განაცხადში არ ყოფილა.
* * *
ნიკა ძალამიძის "იუვენტუსი" (რუმინეთი) ბუქარესტულ დერბიში "დინამოს" დაუპირისპირდა და 0:3 დამარცხდა. ჩვენებურმა ბოლო ნახევარი საათი ითამაშა.
* * *
ლუკას ჰუფნაგელს არ უთამაშია "ნიურნბერგისა და "დარმშტადტის" მეორებუნდესლიგურ მატჩში.
ყოველდღიური სპორტული გაზეთი "ლელო"
