ლეგიონი. თამაზ მჭედლიძემ ლიდერს ლელო გაუტანა

საფრანგეთის სარაგბო ჩემპიონატის ელიტურ, პირველ დივიზიონში თამაზ მჭედლიძისა და გიორგი თეთრაშვილის "აჟენმა", რომელიც დივიზიონში დარჩენისთვის იბრძვის, შინ დაამარცხა გათამაშების ლიდერი "მონპელიე" - 31:29.

ამ გამარჯვებაში წვლილი მჭედლიძემაც შეიტანა, მან თავის ჩვეულ, გარემარბის პოზიციაზე (აქამდე მას შერკინების მესამე ხაზში ათამაშებდნენ) სრულად ითამაშა და მე-20 წუთზე, როცა აჟენელები 0:14 აგებდნენ, ლელო გაიტანა.

ამის მერე მასპინძლებმა კიდევ სამი ლელო და, როგორც უკვე ვთქვით, უმნიშვნელოვანესი გამარჯვება მიითვალეს. თეთრაშვილი თადარიგში იყო და მატჩში 53-ე წუთიდან ჩაერთო. "აჟენი" ახლა 31 ქულით მე-11 ადგილზეა.

ყოველდღიური სპორტული გაზეთი "ლელო"
1022
მკითხველის კომენტარები / 0 /
მსგავსი ამბები
რუბრიკის სხვა სიახლეები
;