ლეგიონი. ირაკლი შეყილაძე ლუკეზეში, ნიკა კვანტალიანი პოლონეთის მთავარ ლიგაში

25 წლის შემტევი ირაკლი შეყილაძე იტალიური "სპეციადან" იქვე, "ლუკეზეში" გადავიდა. კლუბსა და ქართველ ფეხბურთელს შორის კონტრაქტი 2018 წლის 30 ივნისამდე გაფორმდა.

"სპეცია" სერია B-ს გუნდია, სადაც შეყილაძეს საერთოდ არ უწევდა თამაში. რაც შეეხება "ლუკეზეს", ეს კლუბი ერთი რანგით დაბლა, სერია C-ში ასპარეზობს და ამ დროისთვის 19-გუნდიან ლიგაში 24 ქულით მე-11 ადგილი უკავია.

19 წლის შემტევი ნიკა კვანტალიანი პოლონეთის ექსტრაკლასაში (უმაღლესი ლიგა) ითამაშებს, რაც უდავოდ სასიხარულოა ქართულ ფეხბურთში ბოლო დროს განხორციელებული ტრანსფერების ფონზე. კვანტალიანი "ტერმალიცას" ღირსებას დაიცავს.

ეს გუნდი პოლონეთის 16-გუნდიან ჩემპიონატში მე-13 ადგილზეა. ქართველი ფეხბურთელის ტრანსფერი ოფიციალურად დაადასტურა კლუბის ოფიციალურმა საიტმა.

კვანტალიანს საქართველოს ყველა ასაკობრივ ნაკრებში უთამაშია. თავის დროზე ის სტაჟირებას გადიოდა მადრიდის "ატლეტიკოში", ბოლოს კი ბათუმის "დინამოს" ღირსებას იცავდა.

ყოველდღიური სპორტული გაზეთი "ლელო"
822
მკითხველის კომენტარები / 0 /
მსგავსი ამბები
რუბრიკის სხვა სიახლეები
;