ლეგიონი. კაშია ვიტესის ლეგენდაა,-ქვილითაიამ კვლავ გაიტანა

ამ უქმეებზე ქართველებმა 5 გოლი გაიტანეს, რომელთაგანაც აღვნიშნავთ გიორგი ქვილითაიას გოლს ვენურ დერბიში - ქვილითაიამ ამ გოლით პირადი რეკორდი დაამყარა, ხოლო გიორგი პაპუნაშვილმა "სარაგოსას" რიგებში სეზონში მესამე გოლი გაიტანა.

რეკორდი ვახსენეთ და შაბათს გურამ კაშია "ვიტესის" ლეგენდა ოფიციალურად გახდა...

ესპანეთი

ლა ლიგა 2. გიორგი პაპუნაშვილმა "რაიო ვალეკანოს" კარში 89-ე წუთზე გაიტანა, მაგრამ გვიანი იყო, "სარაგოსა" სტუმრად 1:2 დამარცხდა და 55 ქულით მე-7 ადგილზეა. ეს 22 წლის ქართველი შემტევის მესამე გოლია ჩემპიონატში. გიორგი აბურჯანიას (74-ე წუთზე შევიდა) "სევილია ატლეტიკო" შინ "გრანადას" დაუზავდა - 0:0. "სევილიას" დუბლშემადგენლობა 23 ქულით ბოლო ადგილზეა. ოთარ კაკაბაძის (90 წ) "ჟიმნასტიკი" სტუმრად "ოვიედოსთან" დამარცხდა და 42 ქულით მე-16 ადგილზეა.



გერმანია

II ბუნდესლიგა. აკაკი გოგიას (სათადარიგო) "უნიონმა" ჰამბურგში მოუგო "ზანკტ პაულის" - 1:0. ლუკას ჰუფნაგელის (არ უთამაშია) "ნიურნბერგი" სტუმრად "ინგოლშტადტს" დაუზავდა - 1:1. ქართველის გუნდი 51 ქულით მეორეა და თუ ეს ადგილი შეინარჩუნა, ბუნდესლიგაში დაწინაურდება.

იტალია
სერია B. ტრავმირებული ლევან მჭედლიძის "ემპოლიმ" შინ "პრო ვერჩელის" 3:2 მოუგო და 70 ქულით ლიდერობს.

სერია C. ირაკლი შეყილაძის "ლუკეზემ" სტუმრად "ჯანა ერმინიო" 2:0 დაამარცხა. შეყილაძე 63-ე წუთზე გამოვიდა, ის გააფრთხილეს.

ჰოლანდია

ერედივიზიე. გურამ კაშიას "ვიტესმა", როგორც იქნა, მოიგო და თანაც 7:0. ასეთი ანგარიშით არნემელებმა როტერდამის "სპარტა" დაამარცხეს. კაშიამ შეუცვლელად ითამაშა. კაშია ჩემპიონატში მატჩების რაოდენობით "ვიტესის" ლეგენდა თეო იანსენს გაუტოლდა, ერთიც და კლუბის რეკორდი ქართველის ერთპიროვნულად ქართველის იქნება.

ბელგია

ჟუპილერლიგა. წარუმატებელი გამოდგა გიორგი ჩაკვეტაძისა და მისი "გენტისთვის" მატჩი ლიეჟში "სტანდარდის" წინააღმდეგ - 0:1. გიორგიმ მეორე ტაიმი ითამაშა, მან ყვითელი ბარათი მიიღო.

პორტუგალია

სეგუნდა. ავთო ებრალიძის "ვიზეუ" შინ გავარდნის პირას მყოფ "უნიაო მადეირასთან" დამარცხდა - 1:3. ავთო მოედანზე 27-ე წუთზე შევიდა.

პოლონეთი

ექსტრაკლასა. ნიკა კაჭარავას (არ უთამაშია) "კორონამ" სტუმრად "ლეხს" 1:0 მოუგო. ქართველ ფორვარდს კუნთი აქვს გაჭიმული. ლუკა ზარანდიას (90 წ) "არკამ" შინ "ლეხიასთან" 1:2 დათმო. ლაშა დვალის (90 წ) "პოგონმა" 2:0 მოუგო ნიკა კვანტალიანის (არ უთამაშია) "ტერმალიცას".

შვეიცარია

სუპერ ლიგა. ვაკო გვილია ვერ თამაშობს და მისმა "ლუცერნმა" ზედიზედ მეორე მატჩი დათმო, შინ "სიონთან" 0:1 წააგო. "ლუცერნი" 40 ქულით მე-4 ადგილზეა.

დანია

სუპერლიგა. საბა ლობჟანიძის "რანდერსი" გავარდნის საშიშროების წინაშეა - ჯგუფში ბოლოსწინა ადგილზე მყოფმა გუნდმა სტუმრად "ოდენსესთან" 0:3 დათმო, ლობჟანიძემ შეუცვლელად ითამაშა.

შვედეთი

ოლსვენსკანი. გიორგი ხარაიშვილის "გიოტებორგი" სტუმრად "ოსტერსუნდსთან" დამარცხდა - 1:2. ქართველი ახალწვეული მოედანზე მე-80 წუთზე გამოჩნდა.

ავსტრია

ბუნდესლიგა. ვენის დერბიში, "აუსტრიასა" და "რაპიდს" შორის, გიორგი ქვილითაია 72-ე წუთზე გამოვიდა და ერთ წუთში დასწრებაზე იყოჩაღა და სტუმართა მე-4 გოლი გაიტანა, "რაპიდმა" 4:0 იმარჯვა. ქართველი ფორვარდის გუნდი 52 ქულით მე-3 ადგილზეა, ქვილითაიამ სეზონში მე-8 გოლი გაიტანა, რაც ერთით მეტია მის შარშანდელ შედეგზე.


ერსტე ლიგა. ლევან ელოშვილის (სათადარიგო) "კაპფენბერგერი" სტუმრად "ლიფერინგს" 1:1 დაუზავდა. ქართველის გუნდს 28 თამაშიდან 28 ქულა აქვს და მე-8 ადგილზეა.

რეგიონალლიგა. ლუკა ძიძიგურის "გრიოდიგმა" სტუმრად მოუგო "ჰოჰენემსს". ძიძიგურმა 69-ე წუთზე გახსნა ანგარიში.

ჩეხეთი

I ლიგა. ირაკლი სიხარულიძის (სათადარიგო) "სლოვაცკომ" შინ 1:0 მოუგო "ბრნოს".

სლოვაკეთი

ფორტუნა ლიგა. გიორგი ბერიძის (57-ე წუთზე გამოვიდა) "ტრენჩინმა" სტუმრად "სლოვანს" აჯობა - 3:1. ვახტანგ ჭანტურიშვილის (90 წ) "ტრნავამ" "რუჟომბეროკს" 1:0 მოუგო. ქართველმა შემტევმა ნახევარმცველმა საგოლე პასით გამოიჩინა თავი. "ტრნავა" 60 ქულით პირველ ადგილზეა, "ტრენჩინი" 42 ქულით მე-5 ადგილზეა.

უნგრეთი

OTP. ქართველთა "ბალმაზივაროშმა" 2:1 მოუგო "დიოშდიორს". ლაშა შინდაგორიძეს არ უთამაშია, ირაკლი მაისურაძე 56-ე წუთზე გამოცვალეს, ხოლო ბაჩანა არაბულმა შეუცვლელად ითამაშა და ყვითელი ბარათი მიიღო.

ალბანეთი

სუპერ ლიგა. ირაკლი ძარიას "კუკესიმ" "პარტიზანი" 4:0 გაანადგურა, 28-ე წუთზე მასპინძელთა მეორე გოლი ძარიამ გაიტანა.

მალტა

პრემიერ ლიგა. გიორგი გოროზიას (90 წ) "ჰიბერნიანსი" "ტარქსიენს" შინ დაუზავდა - 2:2.

რუსეთი

პრემიერ ლიგა. მას მერე, რაც "დინამოს" მოსკოვური დერბი სტუმრად 4:0 მოუგო, საბა კვირკველიას "ლოკომოტივი" 25 თამაშიდან 55 ქულით ლიდერობს და ჩემპიონობის მთავარი ფავორიტია. საბამ შეუცვლელად ითამაშა და დერბიში "ჩემპიონატისგან" 10-ბალიანი სისტემით 7 დაიმსახურა.

ტრავმირებული თორნიკე ოქრიაშვილის "კრასნოდარმა" ასევე ტრავმირებული გია გრიგალავას "არსენალი" დაამარცხა - 3:0. ერთ-ერთი აუტსაიდერის, "ანჟის" ძირითადს დაუბრუნდა მეკარე გიორგი ლორია, რომელმაც სტუმრად "ზენიტთან" ერთი გოლი გაუშვა - 0:1.

ლორიამ "ჩემპიონატისგან" 7 ბალი მიიღო. ძალზე მნიშვნელოვან მატჩში დამარცხდა ჯანო ანანიძის "სპარტაკი" და საჩემპიონო რბოლაში "ლოკომოტივი" 5 ქულით გაუშვა წინ (თან მეტი თამაში აქვს ჩატარებული). ჯანო უკვე მოსკოვშია, თუმცა გამოჯანმრთელებამდე ძალიან ბევრი უკლია.

"სპარტაკმა" სტუმრად ტრავმირებული გიორგი ჭანტურიას "ურალთან" წააგო - 1:2. ჯიმი ტაბიძის (90 წ) "უფა" ცსკა-ს დაუზავდა - 1:1. ქართველმა მცველმა "ჩემპიონატისგან" 6,5 ბალი დაიმსახურა. გიორგი ნავალოვსკის (90 წ) სკა სტუმრად "როსტოვთან" 0:2 დამარცხდა.

უკრაინა

პრემიერლიგა. 21-წლამდელთა ჩემპიონატში "შახტარმა" "დინამოს" 1:0 მოუგო. "შახტარს" დაუბრუნდა გამოჯანმრთელებული გიორგი არაბიძე, რომელიც 85-ე გამოჩნდა. კიეველთა რიგებში გიორგი წიტაიშვილმა ითამაშა. ელიტაში კი იმავე ანგარიშით "დინამომ" მოიგო და ჩამორჩენა 3 ქულამდე შეამცირა.

დამარცხებულთა რიგებში 90 წუთი ითამაშა დავით ხოჭოლავამ, რომელმაც ყვითელი ბარათი მიიღო. სამწუხაროდ, გოლის მომენტში სწორედ ჩვენი თანამემამულე შეცდა უხეშად. ქართველთა "ვორსკლამ" სტუმრად 3:0 გაანადგურა "ზორია", ანდრო გიორგაძემ და სანდრო კობახიძემ შეუცვლელად ითამაშეს.

"ვორსკლა" 44 ქულით მე-3 ადგილზეა. ტრავმირებული ნიკა სანდოხაძის "კარპატიმ" სტუმრად 1:0 მოუგო "სტალს".

ბელარუსი

ვისშაია ლიგა. გიორგი ქანთარიას (90 წ) "ნემანი" შინ "დნეპრს" დაუზავდა - 0:0.

ლატვია

ვირშლიგა. ქართველთა "რიგასმა" "იელგავას" 3:0 მოუგო, ლაშა შერგელაშვილმა და ბექა ვაჩიბერაძემ შეუცვლელად ითამაშეს.

ესტონეთი

პრემიუმ ლიიგა. ზაქარია ბეგლარიშვილის "ფლორა" სტუმრად "ლევადიასთან" 1:2 დამარცხდა. "ფლორა" მესამე ადგილზეა. ამ მატჩში ქართველმა პენალტით გაიტანა, მან შეუცვლელად ითამაშა და გოლის გარდა თავი ყვითელი ბარათითაც დაგვამახსოვრა.

აზერბაიჯანი

პრემიერლიგა. ქართველთა "საბაილმა" ერთ-ერთ ლიდერ "გაბალას" სტუმრად დაუზავდა - 1:1. ნიკა აფაქიშემ და თამაზ ცეცხლაძემ (გააფრთხილეს) შეუცვლელად ითამაშეს.

ყაზახეთი

პრემიერ ლიგა. V ტურში ჯაბა ჯიღაურის "ორდაბასი" სტუმრად "აკჟაიკთან" 1:4 განადგურდა. ქართველი ნახევარმცველი მოედანზე 88-ე წუთზე გამოვიდა. "ორდაბასის" აქამდე ყველა მატჩი ჰქონდა მოგებული.

ქართული დაპირისპირების მომსწრე გავხდით "ყიზილ-ჟარისა" და "ჟეტისუს" მატჩში (1:0). მასპინძელთა რიგებში 69-ე წუთზე შოთა გრიგალაშვილის ნაცვლად გიორგი ფოფხაძე გამოვიდა, ხოლო გოგიტა გოგუას არ უთამაშია.

სტუმართა რიგებში შეუცვლელად ითამაშა ლაშა კასრაძემ. "ჟეტისუს" მხოლოდ 4 ქულა აქვს, "ყიზილ-ჟარმა" კი ჩემპიონატში პირველი სამი ქულა ჩაიწერა. ქართველთა კიდევ ერთმა გუნდმა მოიგო - ჯაბა კანკავასა (90 წ) და ნიკა კვეკვესკირის (ტრავმა) "ტობოლმა" სტუმრად 1:0 დაამარცხა "აქტობე". "ტობოლი" 12 ქულით მე-2 ადგილზეა.

აშშ

MLS. ვაკო ყაზაიშვილის "სან ხოსემ" შინ "ჰიუსტონ დინამოსთან" 2:2 ითამაშა, ვაკო სასტარტოში იყო და 67-ე წუთზე გამოცვალეს.

დღეს ითამაშებენ

* პოლონეთში გიორგი მერებაშვილის "პლოცკი" "ვისლას" მასპინძლობს.

* დანიაში დავით სხირტლაძისა და მათე ვაწაძის "სილკებორგი" "ჰობროს" სტუმრობს.

* პორტუგალიაში პრიმეირაში გიორგი მაკარიძის "რიუ ავე" "ტონდელას" მასპინძლობს.

ყოველდღიური სპორტული გაზეთი "ლელო"
675
მკითხველის კომენტარები / 0 /
მსგავსი ამბები
რუბრიკის სხვა სიახლეები