ლეგიონი. ჟვანიას ლელო და სიმბოლური

საფრანგეთის სარაგბო ჩემპიონატის ელიტურ, პირველ დივიზიონში რეგულარული გათამაშების დასრულებამდე სამი ტური დარჩა.

ერთადერთი გუნდი, რომელსაც პლეი ოფში თამაშის უფლება განაღდებული აქვს, ქართველ მორაგბეთა გუნდი "მონპელიეა".

დარჩენილი ხუთი ადგილისთვის კი ერთბაშად შვიდი გუნდი იბრძვის.

მიხეილ ნარიაშვილის, კონსტანტინე მიქაუტაძის, დავით ქუბრიაშვილისა და გელა აფრასიძის "მონპელიემ" შინ ითამაშა ერთ-ერთ კონკურენტთან, ლექსო ყაულაშვილის "ლა როშელთან" და დამაჯერებლად დაამარცხა - 40:24.

ამ შეხვედრაში ქართველთაგან მხოლოდ ორმა ითამაშა. ნარიაშვილი ძირითად შემადგენლობაში იყო და მე-60 წუთზე შეცვალეს, ყაულაშვილი კი თამაშში შვიდი წუთით ადრე ჩაერთო.

"მონპელიეს" კვალში უდგას ვასილ კაკოვინის "მეტრო რასინგი", რომელმაც შინ დაძაბულ ბრძოლაში მამუკა გორგოძისა და ლევან ჩილაჩავას "ტულონი" დაამარცხა - 17:13. აღსანიშნავია, რომ ტულონელები მთელი მატჩის განმავლობაში ფლობდნენ სათამაშო უპირატესობას. ის განსაკუთრებით ბოლო 15 წუთში გამოიკვეთა.

დროის ამ მონაკვეთში სტუმრებმა ხუთჯერ შეძლეს საჯარიმოს დარტყმის უფლების მოპოვება, მაგრამ კარში ერთიც არ დაარტყეს.
გორგოძემ სრულად ითამაშა, ჩილაჩავა 47-ე წუთზე შეცვალეს, კაკოვინი განაცხადში არ იყო.

კიდევ უფრო დაიძაბა ბრძოლა დივიზიონში დარჩენისთვის. ზურაბ ჟვანიასა და გიორგი მელიქიძის "სტად ფრანსემ" შინ მიიღი ქვეყნის მოქმედი ჩემპიონი, დავით ზირაქაშვილის, ვიქტორ კოლელიშვილის, ოთარ გიორგაძისა და ბექა კაკაბაძის "კლერმონი" და დიდი ანგარიშით, 50:13 დაამარცხა.

ჟვანიამ, რომელიც თამაშში 31-ე წუთიდან ჩაერთო, 72-ე წუთზე ლელო მიითვალა. ამასთან ერთად, ის ყოველდღიურმა სარაგბო გაზეთმა "მიდი ოლიმპიკმა" სიმბოლურ ნაკრებში შეიყვანა.

კოლელიშვილი ძირითად შემადგენლობაში იყო და 70-ე წუთზე შეცვალეს, ზირაქაშვილი თამაშში 54-ე წუთიდან ჩაერთო. სხვა ქართველი მორაგბეები განაცხადში არ იყვნენ.

ყველაზე ცუდი სატურნირო მდგომარეობა ირაკლი მირცხულავას "ოიონაქსს" აქვს, რომელმაც სტუმრად წააგო უშუალო კონკურენტთან, თამაზ მჭედლიძის, ვახტანგ ახობაძისა და გიორგი თეთრაშვილის "აჟენთან" - 21:36. ქართველებიდან მხოლოდ მირცხულავამ ითამაშა, რომელიც 63-ე წუთზე შეცვალეს.

ბოლოსწინა ადგილზეა და გავარდნის საფრთხე ემუქრება კარლენ ასიეშვილის, სოსო ბეკოშვილისა და ვასილ ლობჟანიძის "ბრივს", რომელმაც შინ წააგო "ლიონთან" - 25:27. ლობჟანიძე სათადარიგოთა შორის იყო, მაგრამ არ უთამაშია. სხვა ქართველები განაცხადში არ იყვნენ.

I დივიზიონი

XXIII ტური

კასტრი-ტულუზი 28:23
ბორდო-პო 19:18
ბრივი-ლიონი 25:27
სტად ფრანსე-კლერმონი 50:13
აჟენი-ოიონაქსი 36:21
მონპელიე-ლა როშელი 40:24
რასინგი-ტულონი 17:13

თ მ ფ წ ბ ქ(პ)
1. მონპელიე 23 16 0 7 +184 76(12)
2. რასინგი 23 16 0 7 +106 70(6)
3. ტულუზი 23 14 1 8 +114 66(8)
4. ტულონი 23 12 0 11 +210 64(16)
5. პო 23 14 0 9 +37 62(6)
6. ლა როშელი 23 13 1 9 +144 61(7)
7. ლიონი 23 13 0 10 +120 61(9)
8. კასტრი 23 13 0 10 +1 60(8)
9. ბორდო 23 10 1 12 -10 47(5)
10. კლერმონი 23 9 1 13 -88 45(7)
11. სტად ფრანსე 23 8 0 15 -143 38(6)
12. აჟენი 23 8 0 15 -212 38(6)
13. ბრივი 23 6 1 16 -212 32(6)
14. ოიონაქსი 23 5 3 15 -251 30(4)

II დივიზიონში რეგულარული გათამაშების დასრულებამდე ერთი ტურით ადრე, როგორც პლეი ოფში გასულების, ისე ხელმოცარულების ვინაობა გაირკვა. დასადგენი ისღაა, ვინ დაიკავებს პირველ ადგილს და პირველ დივიზიონში თამაშის უფლებას ავტომატურად მოიპოვებს.

ხელმოცარულთა შორის ორივე, ქართველ მორაგბეთა გუნდები, ბექა ბიწაძის "ნარბონი" და ელიზბარ ყუფარაძის "დაქსია". პლიე ოფში კი ასევე ორი "ქართული გუნდი" ბექა გორგაძის "მონ დე მარსანი" და ბექა გიგაშვილის "გრენობლი" მოხვდა.

"გრენობლმა" ბოლოსწინა ტურში შინ დაამარცხა მერაბ შარიქაძის "ორიაკი" - 46:23. ქართველ მორაგბეებს არ უთამაშიათ. მსუბუქად დაიწყო ვარჯიში ბექა გორგაძემ. "მონ დე მარსანმა" კი მის არყოფნაში გათამაშების ლიდერს, "პერპინიანს" მოუგო - 23:18.

ქართველ მორაგბეთა სხვა გუნდები სატურნირო ცხრილის შუაგულში გამაგრდნენ და არაფერი ემუქრებათ. შალვა სუთიაშვილის "ანგულემმა" სტუმრად წააგო "ნევერთან" - 19:34. სუთიაშვილი მე-60 წუთზე შეცვალეს, იქამდე კი 36-ე წუთზე მატჩის არბიტრმა სინბინში გაუშვა.

ილია კაიკაციშვილის "მასიმ" შინ დაამარცხა ბასკური "ბიარიცი" 31:24. შერკინების ქართველი ბურჯი ძირითად შემადგენლობაში იყო და 49-ე წუთზე შეცვალეს.

II დივიზიონი

XXIX ტურ
მარსანი-პერპინიანი 23:18
ბაიონი-კოლომიე 23:22
გრენობლი-ორიაკი 46:23
მასი-ბიარიცი 31:24
ნევერი-ანგულემი 34:19
ვანი-ნარბონი 50:28
კარკასონი-ბეზიე 19:38
მონტობანი-დაქსი 30:20

თ მ ფ წ ბ ქ(პ)
1. პერპინიანი 29 19 1 9 +282 92(14)
2. მონტობანი 29 20 2 7 +160 92(8)
3. გრენობლი 29 19 1 9 +99 84(6)
4. მარსანი 29 17 0 12 +218 83(15)
5. ბეზიე 29 18 1 10 +72 79(5)
6. ბიარიცი 29 16 0 13 +68 75(11)
7. ნევერი 29 15 0 14 +92 69(9)
8. ბაიონი 29 14 1 14 -27 68(10)
9. კოლომიე 29 13 1 15 -66 64(10)
10. ვანი 29 12 0 17 -12 62(14)
11. მასი 29 13 0 16 -26 59(7)
12. ანგულემი 29 13 1 15 -60 59(5)
13. ორიაკი 29 12 1 16 -80 56(6)
14. კარკასონი 29 11 0 18 -116 53(9)
15. დაქსი 29 8 1 20 -171 42(8)
16. ნარბონი 29 6 1 22 -433 31(3)

ყოველდღიური სპორტული გაზეთი "ლელო"
847
მკითხველის კომენტარები / 0 /
მსგავსი ამბები
რუბრიკის სხვა სიახლეები
;