ლეგიონი. სკიტას 23 ქულა - ნანატრი გამარჯვება

ნიკოლოზ ცქიტიშვილის "ბიბლოსმა" ქართველის ჩასვლის შემდეგ მეორე მატჩი მოიგო და ამაში დიდი წვლილი ჩვენმა ფორვარდმა დაიდო.

შეგახსენებთ, რომ ლიბანის ჩემპიონატის რეგულარულ ჩემპიონატში გუნდები 2 ჯგუფად გაიყო. ცქიტიშვილის "ბიბლოსი" ვერ მოხვდა მოწინავე ხუთეულში და უმაღლეს ლიგაში დასარჩენად იბრძვის.

მარცხიანი სერიის შემდეგ, ბიბლოსელები ქვედა ხუთეულის ლიდერ "მუტაჰედს" ესტუმრნენ და 89:87 იმარჯვეს.

ცქიტიშვილი სასტარტო ხუთეულში იყო, 38 წუთში 23 ქულა, 8 მოხსნა (6 შეტევაში), 2 პასი, 1 ჩაჭრა და 2 დაფარება მოაგროვა.

სკიტამ 13-დან 8 ორქულიანი და 7-ვე საჯარიმო ჩააგდო, 3 სამქულიანი ააცილა, ბურთი 4-ჯერ დაკარგა, ერთხელ დაუფარეს, 4 პერსონალური ფოლი მიიღო, მის წინააღმდეგ კი 6-ჯერ დაჯარიმდნენ.

ქართველი ლეგიონერის სარგებლიანობის კოეფიციენტი 25-ს გაუტოლდა და თანაგუნდელთა შორის მხოლოდ ამერიკელ გერონ ჯონსონს ჩამორჩა, რომელმაც 30 ქულა, 10 მოხსნა, 4 პასი და 4 ჩაჭრა მოაგროვა.

"ბიბლოსმა" 17 მარცხის წილ მესამე გამარჯვება იზეიმა, თუმცა, სატურნირო ცხრილში კვლავ ბოლოსწინა ადგილზეა.

ყოველდღიური სპორტული გაზეთი "ლელო"
1020
მკითხველის კომენტარები / 0 /
მსგავსი ამბები
რუბრიკის სხვა სიახლეები
;