ლეგიონი. ქართველების მონაგარი TOP-14-ში

საფრანგეთის სარაგბო ჩემპიონატის ელიტურ, პირველ დივიზიონში რეგულარული გათამაშების დასრულებამდე ხუთი ტურიღა დარჩა.

სატურნირო ცხრილში ამ დროისთვის პირველი ორი ადგილი ქართველ მორაგბეთა გუნდებს "მონპელიესა" და "მეტრო რასინგს" უკავიათ. კიდევ ორი კი ("ტულონი" და "ლა როშელი") პლეი ოფში მოხვედრისთვის იბრძვის.

21-ე ტურში სტუმრად, უშუალო კონკურენტ "ტულუზთან" მარცხი განიცადა გათამაშების ლიდერმა, მიხეილ ნარიაშვილის, კონსტანტინე მიქაუტაძის, დავით ქუბრიაშვილისა და გელა აფრასიძის "მონპელიემ" - 14:22.

ჩვენებურთაგან მიქაუტაძე ტრავმირებულია, ნარიაშვილმა და აფრასიძემ ეროვნულ ნაკრებში ითამაშეს, ქუბრიაშვილი კი თადარიგში იყო და მოედანზე 46-ე წუთიდან გამოჩნდა.

ვასილ კაკოვინის "მეტრო რასინგმა", რომელიც "მონპელიეს" ოთხი ქულით ჩამორჩება, შინ დაამარცხა ზურაბ ჟვანიას "სტად ფრანსე" - 28:22. ჟვანია, რომელიც 49-ე წუთზე შეცვალეს, მატჩის არბიტრმა მე-12 წუთზე სინბინში გაუშვა. ძირითად შემადგენლობაში იყო კაკოვინიც, რომელმაც მოედანი 45-ე წუთზე დატოვა.

ლექსო ყაულაშვილის "ლა როშელმა" შინ დაამარცხა "ლიონი" 19:15 და პლეი ოფში მოხვედრისთვის ბრძოლაში დაბრუნდა. ქართველმა შერკინების ბურჯმა ძირითად შემადგენლობაში ითამაშა და 47-ე წუთზე შეცვალეს.

ლიდეთა ჯგუფის კიდევ ერთმა წარმომადგენელმა, ლევან ჩილაჩავას, მამუკა გორგოძისა და ბადრი ალხაზაშვილის "ტულონმა" სტუმრად წააგო ერთ-ერთ აუტსაიდერთან, ირაკლი მირცხულავას "ოიონაქსთან" - 26:29. ქართველთაგან ამ მატჩში მხოლოდ მირცხულავამ ითამაშა, ის ძირითად შემადგენლობაში იყო და 67-ე წუთზე შეცვალეს.

დივიზიონში დარჩენისთვის ბრძოლას განაგრძობს გიორგი თეთრაშვილისა და თამაზ მჭედლიძის "აჟენი", რომელიც შინ დამარცხდა "ბორდოსთან" - 10:15. თეთრაშვილი თამაშში 57-ე წუთიდან ჩაერთო, მჭედლიძე მოედანზე ხუთი წუთის შემდეგ გამოჩნდა.

TOP-14

XXI ტური
მეტრო რასინგი-სტად ფრანსე 28:22
აჟენი-ბორდო 10:15
ლა როშელი-ლიონი 19:15
ოიონაქსი-ტულონი 29:26
კლერმონი-პო 38:14
კასტრი-ბრივი 37:28
ტულუზი-მონპელიე 22:14

თ მ ფ წ ბ ქ(პ)
1. მონპელიე 21 14 0 7 +130 66(10)
2. რასინგი 21 14 0 7 +100 62(6)
3. ტულუზი 21 13 1 7 +115 61(7)
4. ტულონი 21 11 0 10 +165 58(14)
5. ლა როშელი 21 12 1 8 +149 56(6)
6. ლიონი 21 12 0 9 +120 56(8)
7. კასტრი 21 12 0 9 +34 56(8)
8. პო 21 13 0 8 +17 56(4)
9. კლერმონი 21 9 1 11 -2 45(7)
10. ბორდო 21 9 1 11 0 43(5)
11. სტად ფრანსე 21 7 0 14 -176 32(4)
12. აჟენი 21 7 0 14 -224 32(4)
13. ოიონაქსი 21 5 3 13 -215 30(4)
14. ბრივი 21 5 1 15 -213 27(5)

მეორე დივიზიონში რეგულარული გათამაშების დასრულებამდე სამი ტურით ადრე სატურნირო ცხრილის სათავეში რაიმე ცვლილება არ მომხდარა. პლეი ოფში მოხვედრის შანსს ქართველ მორაგბეთა გუნდები "გრენობლი" და "მონ დე მარსანი" ინარჩუნებენ.

ქართველი მორაგბეებიდან 27-ე ტურში მხოლოდ ელიზბარ ყუფარაძემ ითამაშა. მისმა "დაქსმა", რომელიც ახლა ბოლოსწინა ადგილზეა, სტუმრად წააგო "ნევერთან" - 13:30. ყუფარაძე თამაშში 66-ე წუთიდან ჩაერთო.

PRO D2

XXVII ტური
ანგულემი-ბაიონი 19:6
კარკასონი-ნარბონი 52:17
მასი-პერპინიანი 19:11
ბიარიცი-ორიაკი 38:16
ვანი-კოლომიე 37:0
ნევერი-დაქსი 30:13
ბეზიე-მონტობანი 12:12
მონ დე მარსანი-გრენობლი 13:19

თ მ ფ წ ბ ქ(პ)
1. პერპინიანი 27 18 1 8 +264 86(12)
2. მონტობანი 27 18 2 7 +134 84(8)
3. მარსანი 27 16 0 11 +216 78(14)
4. გრენობლი 27 17 1 9 +51 75(5)
5. ბიარიცი 27 16 0 11 +80 74(10)
6. ბეზიე 27 16 1 10 +45 71(5)
7. ნევერი 27 13 0 14 +54 60(8)
8. ბაიონი 27 12 1 14 -31 60(10)
9. ანგულემი 27 13 1 13 -22 59(5)
10. კოლომიე 27 12 1 14 -70 59(9)
11. ვანი 27 11 0 16 -29 56(12)
12. მასი 27 12 0 15 -17 55(7)
13. კარკასონი 27 11 0 16 -72 53(9)
14. ორიაკი 27 11 1 15 -62 52(6)
15. დაქსი 27 8 1 18 -153 42(8)
16. ნარბონი 27 6 2 19 -388 31(3)

ყოველდღიური სპორტული გაზეთი "ლელო"
869
მკითხველის კომენტარები / 0 /
მსგავსი ამბები
რუბრიკის სხვა სიახლეები
;