ლეგიონი. ქართველები კვლავ ლიდერობენ

მპიონატის ელიტურ, პირველ დივიზიონში მე-19 ტურის შემდეგ, მარცხის მიუხედავად, ლიდერობის შენარჩუნება შეძლო ქართველ მორაგბეთა "მონპელიემ". მას კვალში უდგას კიდევ ერთი "ქართული გუნდი" "მეტრო რასინგი".

მიხეილ ნარიაშვილის, დავით ქუბრიაშვილის, კონსტანტინე მიქაუტაძისა და გელა აფრასიძის "მონპელიემ" სტუმრად წააგო დივიზიონში დარჩენისთვის მებრძოლ, თამაზ მჭედლიძისა და ნიკოლოზ ხატიაშვილის "აჟენთან" - 29:31.

ამ მატჩში მჭდლიძის მიერ გატანილი ლელოს თაობაზე უკვე ვწერდით. კიდევ ერთი საგულისხმო ფაქტი ის იყო, რომ ტრავმა მოიშუშა და "მონპელიეს" ძირითად შემადეგნლობაში იყო შერკინების ბურჯი ქუბრიაშვილი.

ის 48-ე წუთზე შეცვალეს. ოპერაცია გაიკეთა და, სავარაუდოდ, მიმდინარე სეზონშივე დაუბრუნდება მოედანს საქართველოს ნაკრების მეორეხაზელი მიქაუტაძე.

ვასილ კაკოვინის "მეტრო რასინგმა", რომელიც ლიდერს სამი ქულით ჩამორჩება, ასევე დივიზიონში დარჩენისთვის მებრძოლ კარლენ ასიეშვილის, სოსო ბეკოშვილისა და ვასილ ლობჟანიძის "ბრივს" უმასპინძლა და 17:13 მოუგო.

ასიეშვილი ძირითად შემადგენლობაში იყო და 56-ე წუთზე შეცვალეს, ამავდროულადა ჩაერთო თამაშში ბეკოშვილი, ორი წუთით ადრე კი მოედანზე კაკოვინი გამოჩნდა.

ქართველ მორაგბეთა სხვა გუნდებიდან პლეი ოფში მოხვედრის უკეთესი შანსი მამუკა გორგოძის, ლევან ჩილაჩავასა და ბადრი ალხაზაშვილის "ტულონს" აქვს, მიუხედავად იმისა, რომ ქართველების არყოფნაში, ამ გუნდმა სტუმრად წააგო "ლიონთან" - 6:15.

ზედიზედ სამი მარცხის შემდეგ შინ გაიმარჯვა დავით ზირაქაშვილის, ვიქტორ კოლელიშვილის, ბეკა კაკაბაძისა და ოთარ გიორგაძის "კლერმონმა". "ვულკანებმა" წლეულს მშვენივრად მოთამაშე ლექსო ყაულაშვილის "ლა როშელი" დაამარცხეს - 21:17. ქართველთაგან მხოლოდ კაკაბაძემ ითამაშა, რომელიც მოედანზე 52-ე წუთიდან გამოჩნდა.

TOP-14 - XIX ტური

ლიონი-ტულონი 15:6
აჟენი-მონპელიე 31:29
კასტრი-პო 27:29
მეტრო რასინგი-ბრივი 17:13
ბორდო-ტულუზი 19:25
ოიონაქსი-სტად ფრანსე 33:27
კლერმონი-ლა როშელი 21:17

თ მ ფ წ ბ ქ(პ)
1. მონპელიე 19 13 0 6 +100 61(9)
2. რასინგი 19 13 0 6 +132 58(6)
3. ტულუზი 19 12 1 6 +114 57(7)
4. ტულონი 19 10 0 9 +119 52(12)
5. პო 19 12 0 7 +38 52(4)
6. კასტრი 19 11 0 8 +31 52(8)
7. ლა როშელი 19 11 1 7 +148 51(5)
8. ლიონი 19 11 0 8 +117 51(7)
9. ბორდო 19 8 1 10 +1 39(5)
10. კლერმონი 19 7 1 11 -28 36(6)
11. აჟენი 19 7 0 12 -170 31(3)
12. სტად ფრანსე 19 6 0 13 -175 28(4)
13. ბრივი 19 5 1 13 -202 26(4)
14. ოიონაქსი 19 3 3 13 -224 22(4)

II დივიზიონში პლეი ოფში მოხვედრისთვის ისევ ორი ""ქართული გუნდი" იბრძვის. ესენია: "მონ დე მარსანი" და "გრენობლი". მეტიც, ბექა გორგაძის "მონ დე მარსანს" პირველი ადგილის დაკავების რეალური შანსიც გაუჩნდა. ის მხოლოდ სამი ქულით ჩამორჩება დაწინაურებულ "პერპინიანს".

მარსანელებმა შინ მიიღეს უშუალო კონკურენტი "მონტობანი" და 17:12 დაამარცხეს. გორგაძემ ტრავმა მოირჩინა და ახლა რეაბილიტაციის კურსს გადის.
გაიმარჯვა ბექა გიგაშვილის "გრენობლმაც". "ალპელებმა" შინ "დაქსი" დაამარცხეს - 28:14. ქართველ შერკინების ბურჯს არ უთამაშია.

ზედიზედ მესამედ მოიგო ამირან ბურდულის "კარკასონმა" და საგრძნობლად გაიუმჯობესა სატურნირო მდგომარეობა. ჩვენებურის გუნდმა შინ შეძლო მერაბ შარიქაძისა და გიორგი თეთრაშვილის "ორიაკის" დამარცხება - 40:14.

ბურდული ძირითად შემადგენლობაში იყო და 39-ე წუთზე შეცვალეს, შარიქაძე ტრავმირებულია, თეთრაშვილი განაცხადში არ იყო.

PRO D2 - XXV ტური

მონ დე მარსანი-მონტობანი 17:12
ანგულემი-კოლომიე 30:10
ბიარიცი-ვანი 46:25
კარკასონი-ორიაკი 40:14
გრენობლი-დაქსი 28:14
მასი-ნარბონი 42:18
ნევერი-პერპინიანი 34:9
ბეზიე-ბაიონი 35:30

თ მ ფ წ ბ ქ(პ)
1. პერპინიანი 25 17 1 7 +219 81(11)
2. მარსანი 25 16 0 9 +245 78(14)
3. მონტობანი 25 17 1 7 +119 77(7)
4. გრენობლი 25 16 1 8 +52 71(5)
5. ბიარიცი 25 15 0 10 +111 69(9)
6. ბეზიე 25 15 0 10 -2 64(4)
7. ბაიონი 25 12 1 12 0 60(10)
8. ანგულემი 25 12 1 12 -20 55(5)
9. კოლომიე 25 11 1 13 -20 55(9)
10. ნევერი 25 11 0 14 +19 51(7)
11. მასი 25 11 0 14 -21 50(6)
12. ორიაკი 25 10 1 14 -44 48(6)
13. ვანი 25 9 0 16 -89 47(11)
14. კარკასონი 25 9 0 16 -112 44(8)
15. დაქსი 25 8 1 16 -131 41(7)
16. ნარბონი 25 6 2 17 -306 31(3)

ყოველდღიური სპორტული გაზეთი "ლელო"
1065
მკითხველის კომენტარები / 0 /
მსგავსი ამბები
რუბრიკის სხვა სიახლეები
;