ლევან ზუხბაია: კიტეიშვილის უცხოეთში გადასვლის საკითხი სერიოზულად დგას დღის წესრიგში

სააგენტო "სმარტბოლის" ორი დამფუძნებელი, ლევან ზუხბაია და მიხეილ ხუციშვილი ესპანეთში იმყოფება საქმიანი ვიზიტით. ქართული დელეგაცია დაესწრო პრემერაში აღზევებისათვის მებრძოლი "სარაგოსას" პირველ შეხვედრას, რომელშიც გიორგი პაპუნაშვილი და მისი თანაგუნდელები "ნუმანსიას" დაუზავდნენ საგარეო ჯახში (1:1).

გუშინ "ლელო" ესპანეთში დაუკავშირდა ლევან ზუხბაიას და მასთან ინტერვიუ ჩაწერა. ლევანმა არაერთი საინტერესო სიახლე გაგვიმხილა. რა თქმა უნდა, მასთან საუბარი "ნუმანსია" – "სარაგოსას" შეხვედრით დავიწყეთ და მერე ჩვენთვის საინტერესო სხვა თემებსაც გადავწვდით.

- დგას თუ არა დღის წესრიგში ოთარ კიტეიშვილის საკითხი?

- დიახ, ეს საკითხი დღის წესრიგში სერიოზულად დგას, მაგრამ ვერ ვიტყვი, რომ ამ ეტაპისათვის ყველაფერი გადაწყვეტილია. მედალს ორი მხარე აქვს. ამ დროისათვის ჩვენამ სავარაუდო ტრანსფერის თაობაზე თბილისის "დინამოს" ხელმძღვანელობასთან არ გვისაუბრია. ძალიან მნიშვნელოვანი იქნება ის, თუ რა პოზიციას დაიკავებენ ისინი. ჩვენ ყველას გვახარებს კიტეიშვილის პროგრესი. ის რომ კარგ ფორმაშია, საქართველოს ნაკრების მიერ გამართულმა ორმა ამხანაგურმა შეხვედრამაც დაადასტურა.

- სხვა სატრანსფერო სიახლეებზე რას იტყვით?

- ძალიან რეალურია ერთ-ერთი ქართველი ფეხბურთელის გადასვლა პორტუგალიის ჩემპიონატის უმაღლესი ლიგის კლუბში. ამ ტრანსფერზე სერიოზული მუშაობა მიდის და არ მინდა, მოვლენებს გავუსწრო. დაინტერესება ძალიან სერიოზულია. ვნახოთ, როგორ განვითარდება მოვლენები. ჯერ კონკრეტიკას მოვერიდები, რადგან არის სამუშაო პროცესი.

ინტერვიუს სრულ ვერსიას "ლელოს" 8 ივნისის ნომერში იხილავთ.

1709
მკითხველის კომენტარები / 0 /
მსგავსი ამბები
რუბრიკის სხვა სიახლეები
;