ლევან კობიაშვილი: პირობა შესრულებულია! კასპში საფეხბურთო სტადიონი გაიხსნა

საქართველოს ახალი სტადიონი შეემატა: 24 ნოემბერს კასპში გაიხსნა თანამედროვე სტანდარტების შესაბამისი არენა, რომელიც 500 მაყურებელზეა გათვლილი. პროექტის ფარგლებში დაიგო ხელოვნურსაფარიანი მოედანი, დამონტაჟდა განათება, მოეწყო პრეს-ლოჟა და მოეწყო სხვა შესაბამისი ინფრასტრუქტურა.

აღნიშნული პროექტი მუნიციპალური განვითარების ფონდმა საქართველოს ფეხბურთის ფედერაციასთან ერთად განახორციელა, რომლის ღირებულებაც 2 მილიონ ლარზე მეტს შეადგენს. გარდა ამისა, განხორციელდა კასპის საფეხბურთო სკოლისა და სავარჯიშოდ განკუთვნილი მინი-სტადიონის სარეაბილიტაციო სამუშაოებიც.

ღონისძიებას შიდა ქართლის სახელმწიფო რწმუნებული გიორგი ხოჯევანიშვილი, კასპის მაჟორიტარი დეპუტატი ირაკლი მეზურნიშვილი, კასპის მუნიციპალიტეტის მერი მანუჩარ მერებაშვილი, საქართველოს მუნიციპალური განვითარების ფონდის პროექტების მენეჯერი ზურაბ უგულავა, საქართველოს ფეხბურთის ფედერაციის პრეზიდენტი ლევან კობიაშვილი და საქართველოს პარლამენტის სპორტისა და ახალგაზრდულ საქმეთა კომიტეტის თავმჯდომარე მიხეილ ყაველაშვილი დაესწრნენ.

"სულ რაღაც 2 წლის წინ, როც აქ პირველად ჩამოვედი, ამ სტადიონის მდგომარეობა ვერანაირ კრიტიკას ვერ უძლებდა. ჩვენ ადგილობრივ მოსახლეობას დავპირდით, რომ ამ ადგილზე არაჩვეულებრივ საფეხბურთო ინფრასტრუქტურას გავაკეთებდით - პირობა შესრულებულია!

სტადიონი, პირველესად, იმ ბავშვებისთვის და ახალგაზრდებისთვის აშენდა, რომაც ფეხბურთის თამაში უყვართ. ეს იძლევა საშუალებას, რომ ფეხბურთში ბევრი ადამიანი ჩავრთოთ და ჯანსაღად ცხოვრების საშუალება მივცეთ. მეამაყება, რომ რეგიონული განვითარებისა და ინფრასტრუქტურის სამინისტროსთან ერთად საქართველოს ფეხბურთის ფედერაციამ არაჩვეულებრივი პროექტი განახორციელა, რომელიც კარგად გვაჩვენებს, ერთობლივი მუშაობით რამდენი შეგვიძლია.

მადლობას ვუხდი თითოეულ ჩემს მეგობარს, რომაც ამ პროექტის განხორციელებაში დიდი როლი მიუძღვით მსურს და ადგილობრივ მოსახლეობას - სტადიონის აშენების იდეა სწორედ მათგან წამოვიდა", - თქვა სფფ-ის პრეზიდენტმა ლევან კობიაშვილმა.

სტადიონის გახსნის საზეიმო ცერემონიის შემდეგ კასპის ახალ ცენტრალურ არენაზე ადგილობრივ და თბილისის "დინამოს" ვეტერანებს შორის ამხანაგური მატჩი გაიმართა.

835
მკითხველის კომენტარები / 0 /
მსგავსი ამბები
რუბრიკის სხვა სიახლეები
;