ლევან მჭედლიძე: კიდევ ერთი წლით 'ემპოლიში'

საქართველოს ეროვნული ნაკრების ფორვარდი ლევან მჭედლიძე "ემპოლიში" რჩება. ამის თაობაზე იტალიური მედია იტყობინება. კლუბსა და ფეხბურთელს შორის შეხვედრა შედგა, რომლის დასრულების შემდეგაც გაირკვა, რომ ჩვენებური უახლოესი ერთი წლის განმავლობაში კვლავ ტოსკანური კლუბის ღირსებას დაიცავს.

გასული სეზონი მჭედლიძემ მთლიანად გააცდინა ტრავმის გამო. "ემპოლი" კი სერია ა - ს დაუბრუნდა. ეს კი ნიშნავს იმას, რომ მომავალ სეზონში მინიმუმ ერთი ქართველი მაინც ითამაშებს ევროპულ ტოპლიგაში.

ბოლო დროს იტალიურ მედიაში ხშირად ვრცელდებოდა ინფორმაციები მჭედლიძის "ემპოლიდან" შესაძლო წასვლის თაობაზე. როგორც აღმოჩნდა, ისინი სიმართლეს არ შეესაბამებოდა.

443
მკითხველის კომენტარები / 0 /
მსგავსი ამბები
რუბრიკის სხვა სიახლეები