ლევან ფაცაცია მარნეულის დელტას შეუერთდა

მარნეულის "დელტამ" ლევან ფაცაცია გაიფორმა. საქართველოს ნაკრების წევრი საქართველოს სუპერლიგაში მოასპარეზე გუნდის ღირსებას სეზონის ბოლომდე დაიცავს.

ლევან ფაცაცია: "დელტაში" გადასვლა ჩემთვის ახალი გამოწვევაა. მინდა, გუნდს მაქსიმუმი მივცე და მჯერა, რომ გუნდს აქვს პოტენციალი. მინდა მადლობა გადავუხადო კლუბის ხელმძღვანელებს ნდობისთვის. ჩემთვის ეს ახალი და ძალიან მნიშვნელოვანი ეტაპია."

თემურ კანკია ("დელტა", მთავარი მწვრთნელი): "ჩვენმა გუნდმა მიიღო გამოცდილება, რაც ყოველთვის აუცილებელია. ამ მოთამაშეს კარგად ვიცნობ. ვიცი, რომ ფაცაცია არის მებრძოლი და ამ თვისებას ყველა აფასებს."

ირაკლი შარვაძე ("დელტა", პრეზიდენტი): "საქართველოს ნაკრების წევრი, სუპერლიგის ერთ-ერთი საუკეთესო მოთამაშე, სამაგალითო თანაგუნდელი - ვფიქრობ, "დელტამ" სწორი არჩევანი გააკეთა."

"დელტაში" გადასვლამდე ფაცაცია თბილისის "დინამოს" ღირსებას იცავდა და ამ სეზონში საშუალოდ 8.8 ქულას, 4.5 მოხსნასა და 4.3 შედეგიან გადაცემას შეადგენს.

4 მოგებითა და 12 მარცხით მარნეული სუპერლიგის ბოლოსწინა, მე-8 პოზიციას იკავებს.

ფაცაციას დებიუტი ხვალ, 7 თებერვალს, "რუსთავის" წინააღმდეგ მატჩში შედგება.

 

583
მკითხველის კომენტარები / 0 /
მსგავსი ამბები
რუბრიკის სხვა სიახლეები