ლევან ქავჟარაძე ჩემპიონია, ერთ ოქროსაც ველოდებით...

სტამბულში მიმდინარე "ვები ემრეს" სახელობის საერთაშორისო ტურნირის პირველ საფინალო დღეს საქართველოს ბერძნულ-რომაული სტილით მოჭიდავეებმა 3 მედალი მოიპოვეს - 1 ოქროს და 2 ბრინჯაოსი.

ტურნირის გამარჯვებული ოზურგეთელი ლევან ქავჟარაძე (63 კგ) გახდა, რომელმაც ფინალში აზერბაიჯანელი ქამრან მამადოვი 7:1 დაამარცხა. ბრინჯაოს მედლები კი ზურაბ მაჭარაშვილსა (55 კგ) და გიორგი მელიას (97 კგ) ერგოთ. მაჭარაშვილს, მცირე ტრამვის გამო, თანაგუნდელი ნუგზარ წურწუმია არ გამოუცხადდა, მელიამ კი ასევე თანაგუნდელ მათე სოფაძეს გადამწყვეტ ბრძოლაში 2:1 სძლია.

დღესვე წინასწარი და ნახევარფინალური შეხვედრები გამართეს 60, 67, 77, 87,130 კგ წონითი კატეგორიის ფალავნებმა. ქართველთაგან ფინალში დემურ ქავთარაძე (77 კგ) გავიდა, საჩინო დავითაია (67 კგ) და შალვა ხალიძე (87 კგ) ბრინჯაოს მედლებისთვის იჭიდავებენ.

ფინალური ბლოკი 3 თებერვალს 13 საათზე დაიწყება.

"ვები ემრეს" სახელობის რიგით 37-ე საეთაშორისო ტურნირზე 11 ქვეყნის 200-ზე მეტი ფალავანი მონაწილეობს.

801
მკითხველის კომენტარები / 0 /
მსგავსი ამბები
რუბრიკის სხვა სიახლეები
;