ლევან ხარაბაძე: ეს ზუსტად ისეთი ფეხბურთია, როგორიც მე მიყვარს!..

ლევან ხარაბაძე კარგად შეეწყო "ციურიხს". თბილისის "დინამოს" მარცხენაფლანგელს ტრადიციულ შვეიცარიულ კლუბში თავის დამკვიდრება არ გასჭირვებია. გუშინ "ლელომ" მასთან პატარა ინტერვიუ ჩაწერა. რა თქმა უნდა, ვისაუბრეთ შვეიცარიისა და საქართველოს ნაკრებთა მოახლოებულ მატჩზეც...

- ლევან, როგორ აფასებთ თქვენთვის მიმდინარე სეზონს?

- ცუდად ნამდვილად ვერ შევაფასებ. მქონდა კარგი თამაშებიც, ცუდი თამაშებიც... ამ ტრავმას თუ არ ჩავთვლით, რომელიც ცოტა ხნის წინ მივიღე, ჩემთვის სეზონი, შეიძლება ითქვას, ნორმალური მიდის.

- რამდენად კარგად შეეწყვეთ გუნდს? რამდენად მოგწონთ ის ფეხბურთი, რომელსაც შვეიცარიის მთავარ ლიგაში თამაშობენ?

- ძალიან კარგად შევეწყვე "ციურიხს" და პირდაპირ უნდა ვთქვა - ჩემი გუნდი მომწონს! შვეიცარიულ ლიგაში ზუსტად ისეთი ფეხბურთია, როგორიც მე მიყვარს. ასე რომ, აქ ძალიან კომფორტულად ვგრძნობ.

- ლევან, რა მოლოდინია საქართველოს ნაკრებთან მატჩის წინ შვეიცარიაში? ალბათ, თავიანთი ნაკრები გამოკვეთილ ფავორიტად მიაჩნიათ...

- ვერ გეტყვით, არ ვიცი...

- თავად თქვენს რას ფიქრობთ შვეიცარიასთან თამაშის წინ? ფაქტია, რთული მატჩი იქნება...

 - ვინც არ უნდა იყოს ფავორიტი და რა ვითარებაც არ უნდა იყოს ჯგუფში, საქართველოს ნაკრებმა უნდა იბრძოლოს და მაქსიმალურ შედეგს მიაღწიოს. ჩვენს გუნდს ეს შეუძლია.

636
მკითხველის კომენტარები / 0 /
მსგავსი ამბები
რუბრიკის სხვა სიახლეები
;