ლეიკერსს ლეონარდი არ შეხვდება

„ლოს ანჯელეს ლეიკერსი“ აღარ აცხადებს პრეტენზიას „ტორონტოს“ ფორვარდ კავაი ლეონარდზე. ამის შესახებ იტყობინება Fox Sports-ის ინსაიდერი კრის ბრუსარდი . მანვე დაამატა, რომ 27 წლის კალათბურთელზე ძირითადი პრეტენდენტი „ლოს ანჯელეს კლიპერსია“.

ლეონარდი პირველი ივლისიდან დატოვებს „ტორონტოს“ და თავისუფალი აგენტების ბაზარზე გავა. მას სურს მშობლიურ კალიფორნიაში გადასვლა, მაგრამ, ამასთან, მოსწონს „ტორონტო“, როგორც ორგანიზაცია. ამიტომაც, კანადურ კლუბსაც რჩება კარგი შანსები - ახალი კონტრაქტი გაუფორმოს NBA-ის ვარსკვლავს.

კავაი ლეონარდს ერთი სეზონი აქვს ჩატარებული „ტორონტოში“ და ამ გუნდს არსებობის ისტორიაში პირველი ტიტულის მოპოვებაში დაეხმარა.

პლეი ოფში ის საშუალოდ 28.5 ქულას, 9.8 მოხსნასა და 4.2 შედეგიან გადაცემას აგროვებდა. ის „გოლდენ სტეიტთან“ (4:2) ფინალური სერიის MVP გახდა. 

ყოველდღიური სპორტული გაზეთი "ლელო"
701
მკითხველის კომენტარები / 0 /
მსგავსი ამბები
რუბრიკის სხვა სიახლეები
;