ლეონარდი და ჯორჯი კლიპერსში ერთიანდებიან 

„ტორონტოს“ ყოფილი ფორვარდი კავაი ლეონარდი, რომელიც გასული სეზონის შემდეგ თავისუფალი აგენტი გახდა, კონტრაქტზე მოელაპარაკა „ლოს ანჯელეს კლიპერსს“.

„კავაი ლეონარდი დათანხმდა „კლიპერსთან“ გარიგებას და ამით ბოლო მოუღო თავისუფალი აგენტის სტატუსით ხანგრძლივ ლოდინს“, - იტყობინება The Athletic.

გასულ სეზონში ლეონარდი დაეხმარა „ტორონტოს“ ისტორიაში პირველი ჩემპიონობის მოპოვებაში.

ამ გარიგების შემდეგ, „კლიპერსმა“ შეათანხმა გაცვლა „ოკლაჰომასთან“, რომლის შედეგადაც ლოსანჯელესელთა რიგებში გადადის ფორვარდი პოლ ჯორჯი, -  ამის შესახებ საკუთარ „ტვიტერზე“ დაწერა ESPN-ის მიმომხილველმა ედრიან ვოინაროვსკიმ.

ჯორჯის სანაცვლოდ, „ოკლაჰომამ“ მიიღო შეი გილჯეს-ალექსანდერი და დანილო გალინარი, აგრეთვე, დრაფტის პირველ რაუნდში ხუთი არჩევანის უფლება.

ყოველდღიური სპორტული გაზეთი "ლელო"
567
მკითხველის კომენტარები / 0 /
მსგავსი ამბები
რუბრიკის სხვა სიახლეები
;