ლეონიდ სლუცკიმ თქვა ზუსტი მიზეზი, თუ რატომ ჩაიშალა ჯანო ანანიძის ტრანსფერი ვიტესში

ლეონიდ სლუცკიმ პირველად გაასაჯაროვა ის მიზეზი, რის გამოც "ვიტესმა" ჯანო ანანიძე ვერ აიყვანა. არადა, ცსკა-სა და "ვულვზის" ყოფილ თავკაცს ნამდვილად სურდა იმხანად ჯერ კიდევ "სპარტაკის" ნახევარმცველის გადაბირება...

თუმცა შემდეგ ჯანომ საიჯარო კონტრაქტი გააფორმა "კრილია სოვეტოვთან", სადაც უკვე გოლიც გაიტანა ერთ-ერთ ამხანაგურ მატჩში.

"არნემის "ვიტესის" პირველი ამოცანა ევროპალიგაზე გასვლაა, მეორემოთამაშეთა გაყიდვიდან ფულის მიღება. "ვიტესის" ნებისმიერი ფეხბურთელის შეძენა შესაძლებელია. ერთადერთი კითხვაა - რამდენად? მესამე ამოცანაა, რომ იჯარით აყვანილი ფეხბურთელები ავათამაშოთ. ამ წელს "რეალიდან" დავიმატეთ ნახევარმცველი მარტინ ედეგორი, კავშირი დიდი კლუბებთან "ვიტესის" რეპუტაციაზე დადებითად მეტყველებს. მეოთხე - აკადემიიდან უნდა მოვიზიდოთ ახალგაზრდობა. "ვიტესის" აკადემია კი ჰოლანდიის საუკეთესო აკადემიების ხუთეულშია. ზამთარშიშესაძლებელი იყო, რომ ანანიძე დაგვემატებინა. მაგრამ ეს ვერ მოხერხდა", - ამბობს სლუცკი Youtube-ის არხ KraSava-სთან ინტერვიუში.

ის ჩაშლილი ტრანსფერის მიზეზებს ამხელს: "ანანიძე ორმაგი დაბეგვრის სისტემის გამო ვერ შემოგვიერთდა. გარიგების შემთხვევაში, მას ხელფასის ნაწილს "სპარტაკი" გადაუხდიდა, მაგრამ რუსეთსა და ჰოლანდიაში სრულიად განსხვავებული საგადასახადო სისტემებია და ეს შეთანხმება ვერ შედგა. ჰოლანდიაში შემოსავლის 51 პროცენტია გადასახდელი, რუსეთში კი მხოლოდ - 13. ჰოლანდიის კანონმდებლობის თანახმად კი, არ შეიძლება ადამიანი ერთდროულად ორ ქვეყანაში დაიბეგროს".

1193
მკითხველის კომენტარები / 0 /
მსგავსი ამბები
რუბრიკის სხვა სიახლეები
;