ლეჟავას რუდილი დაეხმარება საქართველოს 7-კაცა ნაკრები, - 2019 წლის სეზონისთვის მზადებას შეუდგა

საქართველოს 7-კაცა ნაკრები 2019 წლის სეზონისთვის მზადებას შეუდგა.

მომავალ წელს ჩვენი გუნდი 2020 წლის ზაფხულის ოლიმპიური თამაშების საგზურისთვის იბრძოლებს. საქართველოს რაგბის კავშირის გადაწყვეტილებით, მწვრთნელთა შტაბში ერთი ცვლილება მოხდა.

შვიდკაცა რაგბის ნაკრების მთავარ მწვრთნელს, ზაზა ლეჟავას ამიერიდან ფრანგი სპეციალისტი ტიერი რუდილი დაეხმარება, რომელიც 2001-2003 წლებში ეროვნულ და შვიდკაცა ნაკრებებში კლოდ სორელს ეხმარებოდა, მერე კი ლეჟავასთან ერთად საქართველოსა და უკრაინის შვიდკაცა ნაკრებებში მუშაობდა.
ამასთან ერთად, მოთამაშეთა ჯგუფს, რომლებიც მხოლოდ კლუბების გარდა შვიდკაცა ნაკრებზე იქნებიან ორიენტირებული, დაენიშნებათ სტიპენდიები და ისინი ოფიციალურის გარდა რამდენიმე მოსამზადებელ ტურნირში ითამაშებენ.

ჩვენმა ნაკრებმა ორი კვირის განმავლობაში უკვე ივარჯიშა "შევარდენის სანაკრებო ბაზაზე" და გუშინ დუბაიში საერთაშორისო ტურნირზე საასპარეზოდ გაემგზავრა.

საქართველოს ნაკრები
ნიკო აფციაური, სანდრო მამამთავრიშვილი, თენგიზ პერანიძე (სამივე-ლელო), გიორგი ჭუაძე (აკადემია), ირაკლი სვანიძე (ჯიქი), რეზი ხარაზიშვილი, რამაზ ხარაზიშვილი, ალექსი ტუჩაშვილი (სამივე-იუნკერები), იოანე ხელაია (ლოკომოტივი), დავით მესხი (არმია), გიორგი აბრამიძე (აია), გიორგი მიქანაძე (არმაზი), ლუკა იურინი (ლიონი).

მომავალი წლის გაზაფხულზე ჩვენი შვიდკაცა რაგბის ნაკრები ზიმბაბვეში გაემგზავრება, სადაც რამდენიმედღიან შეკრებას გაივლის და 22-23 მარტს საკმაოდ ძლიერ ტურნირში მიიღებს მონაწილეობას.

რადგან წლეულს ზაფხულის ოლიმპიური თამაშების შესარჩევი ტურნირია დაგეგმილი, ევროპის გრან პრი სამ ტურად იმართება: 22-23 ივნისს მოსკოვის, 29-30 ივნისი პარიზის და 13-14 ივლისს ლოძის ეტაპები. სამი ეტაპის ჯამში მოწინავე 8 გუნდი გამოვლინდება, რომელსაც მეორე დივიზიონიდან ორი მოწინავე და მესამე დივიზიონიდან გამარჯვებული გუნდი დაემატება, ასევე მასპინძელი ქვეყანა და ისინი ევროპის დივიზიონის ოლიმპიადის შესარჩევ ტურნირს ითამაშებენ - 30 აგვისტო - 1 სექტემბერი. გამარჯვებული ოლიმპიადის საგზურს მიიღებს, ხოლო მეორე-მესამე ადგილოსნები რეპეშაჟში გადაერთვებიან.

ყოველდღიური სპორტული გაზეთი "ლელო"
250
მკითხველის კომენტარები / 0 /
მსგავსი ამბები
რუბრიკის სხვა სიახლეები