ლიგა 1. XXIII ტურის მიმოხილვა: სადაც ბალოტელია, იქ არეულობაც იწყება... პსჟ-მ წააგო, ჟარდიმმა პირველი მოიგო [VIDEO]

დაბოლოს, წააგო აქამდე დაუმარცხებელმა ერთადერთმა გუნდმა ლიგა 1-ში - „პარი სენ-ჟერმენმა“, ტურის ცენტრალურ მატჩში ის „ლიონის“ ფეკირის გოლით 1:2 დამარცხდა. ახლა ევროპის ტოპ-5 ლიგებში „ლივერპულისა“ და პსჟ-ს დამარცხების შემდეგ, წაუგებელი მხოლოდ „იუვენტუსია“...

„მონაკომ“ ამ სეზონში „ლუი მეორეზე“ პირველად (!) მოიგო - ეს იყო პირველი მოგება ლეონარდო ჟარდიმისთვის, რაც ის თანამდებობაზე დააბრუნეს, პირველი გოლი რუსი გოლოვინისა და ესპანელი ფაბრეგასისთვის ლიგა 1-ში. სწორედ სესკმა მოუტანა კრიზისში მყოფ ვიცე-ჩემპიონებს ასე საჭირო სამი ქულა. აი, სადაც მარიო ბალოტელია, იქ არეულობაც იწყება - „მარსელმა“ ზედიზედ მეორედ წააგო ჩემპიონატში და მე-10 ადგილამდე ჩამოქვეითდა.

ფაქტები

* რაფაელ ლეაომ (ლილი) ბოლო 6 მატჩში გოლის გატანა მხოლოდ „მარსელთან“ ვერ მოახერხა.

* „ლილმა“ 4 და მეტი ბურთის სხვაობით ლიგა 1-ში 2013 წლის შემდეგ პირველად მოიგო.

* ალექსანდრ გოლოვინი (მონაკო) გახდა პირველი რუსი, რომელმაც ლიგა 1-ში გაიტანა სერგეი სემაკის (2005 წელი) შემდეგ.

* ჰიუნ-იუნ სუკმა (რეიმსი) გოლი მოედანზე გამოსვლიდან 17 წამში გაიტანა. შეცვლაზე შესული ფეხბურთელისთვის ეს ყველაზე სწრაფი გოლია ლიგა 1-ში 2016 წლის შემდეგ (გვიდო კარილიო - 15 წამი).

* „მარსელმა“ ამ სეზონში 7 საგარეო მატჩი წააგო, მეტი წაგება მხოლოდ „ამიენს“ (8) აქვს.

* „რეიმსს“ 7-მატჩიანი წაუგებელი სერია აქვს ლიგა 1-ში.

* „მონაკომ“ 7-მატჩიანი წაუგებელი სერია დაასრულა.

* ანხელ დი მარიამ პსჟ-ს ბოლო სამ თამაშში 4 გოლში მიიღო უშუალო მონაწილეობა.

* პირველ ტაიმში „ლიონმა“ პსჟ-ს კარში 7-ჯერ დაარტყა ზუსტად. ასეთი რამ ლიგა 1-ში არასოდეს მომხდარა, რაც შესაბამისი სტატისტიკა ითვლება (2006 წლიდან).

ლილი-ნიცა 4:0
გოლები: 1:0 ლეაო (7), 2:0 პეპე (37), 3:0 ბამბა (75), 4:0 რემი (94)
გაძევება: ლე მელუ (89. ნიცა)

ანჟერი-დიჟონი 1:0
გოლი: 1:0 ბაჰოკენი (27)

მონაკო-ტულუზი 2:1
გოლები: 1:0 გოლოვინი (15), 1:1 ჟულიენი (20), 2:1 ფაბრეგასი (62)

რენი-ამიენი 1:0
გოლი: 1:0 ზეფანი (82)

რეიმსი-მარსელი 2:1
გოლები: 1:0 დინგომი (21), 2:0 სუკი (68), 2:1 ნ’ჟიე (86)

ნიმი-მონპელიე 1:1
გოლები: 1:0 ლანდრე (2), 1:1 დელორი (73)

ლიონი-პსჟ 2:1
გოლები: 0:1 დი მარია (7), 1:1 მ. დემბელე (33), 2:1 ფეკირი (49-პენ)



სტ. ეტიენი-სტრასბ. გადაიდო

კაენი-ნანტი 13 თებერვალს
ბორდო-გენგამი 20 თებერვალს

1. პსჟ 21 18 2 1 67:13 56
2. ლილი 23 14 4 5 40:22 46
3. ლიონი 23 12 7 4 38:26 43
4. სტ. ეტიენი 22 10 7 5 33:26 37
5. მონპელიე 22 9 9 4 29:17 36
6. სტრასბური 22 9 8 5 38:25 35
7. რეიმსი 23 8 10 5 20:21 34
8. ნიცა 23 9 7 7 18:23 34
9. რენი 23 9 6 8 31:31 33
10. მარსელი 22 9 4 9 35:33 31
11. ნიმი 23 8 6 9 31:33 30
12. ბორდო 21 7 7 7 23:23 28
13. ანჟერი 23 6 9 8 24:27 27
14. ტულუზი 23 6 8 9 22:33 26
15. ნანტი 22 6 6 10 27:29 24
16. დიჟონი 22 5 5 12 19:34 20
17. კაენი 22 3 9 10 20:31 18
18. მონაკო 23 4 6 13 21:39 18

ბომბარდირები: 18 - კილიან მბაპე (პსჟ); 16 - ედინსონ კავანი (პსჟ), ნიკოლა პეპე (ლილი); 13 - ნეიმარი (პსჟ); 12 ვაჰბი ხაზრი (სენტ ეტიენი), ემილიანო სალა (ნანტი); 11 - ფლორიან ტოვენი (მარსელი).

XVIII ტურიდან

5 თებერვალი: მარსელი-ბორდო

მომდევნო ტური
8 თებერვალი: დიჟონი-მარსელი
9 თებერვალი: პსჟ-ბორდო, ამიენი-კაენი, ნანტი-ნიმი, სტრასბური-ანჟერი
10 თებერვალი: მონპელიე-მონაკო, ტულუზი-რეიმსი, გენგამი-ლილი, რენი-სენტ ეტიენი, ნიცა-ლიონი.

ყოველდღიური სპორტული გაზეთი "ლელო"
615
მკითხველის კომენტარები / 0 /
მსგავსი ამბები
რუბრიკის სხვა სიახლეები
;