ლიგა 1. XXVI ტურის წინათქმა: პსჟ სტრასბურგზე ჯავრს იყრის?

მადრიდში დამარცხებული "პარი სენ-ჟერმენი" ფრანგულ რეალობას უბრუნდება.

შინაურ პირველობაზე უნაი ემერის გუნდს პრობლემა არა აქვს და ჰანდიკაპიც საკმაოდ დიდი აქვს, თუმცა ეს ტური ამ გუნდისთვის მაინც ძალზე მნიშვნელოვანია.

პსჟ-მ უნდა დაამტკიცოს, რომ "რეალთან" ბოლო წუთებზე მოდუნება და წაგება არ იყო დიდი ფსიქოლოგიური დარტყმა, თანაც, "სტრასბური" ის გუნდია, რომელმაც პარიზელებს სეზონში პირველი მარცხი აგემა - დეკემბრის დასაწყისში 2:1 მოუგო. ასე რომ, "პარი სენ-ჟერმენს" შურიც აქვს საძიებელი.

დღეს ჩემპიონი "მონაკო" "დიჟონს" მასპინძლობს. "მონაკო" "ლუი მეორეზე" საოცრად თამაშობს და ახლაც მთავარი ფავორიტია.

"მარსელი" გუსტავო პოიეტის "ბორდოს" მასპინძლობს, ხოლო "ლიონი" ქვეყნის ჩრდილოეთში "ლილს" ეწვევა.

ფაქტები

* "მონაკომ" ლიგა 1-ში 31 საშინაო მატჩიდან 27 მოიგო.

* პსჟ-მ ბოლო 12 საშინაო მატჩი მოიგო, თანაც, სულ მცირე, 2-გოლიანი უპირატესობით.

* ბოლო 7 ტურში "მარსელს" სულ მცირე, 2-2 გოლი გააქვს.

* პსჟ-მ "სტრასბურს" ბოლო 7 საშინაო დაპირისპირება მოუგო.

* "მონაკოს" ბოლო 35 საშინაო მატჩიდან 31-ში სულ მცირე, 2-2 გოლი გაჰქონდა.

* "დიჟონმა" ბოლო 6 მატჩი წააგო სტუმრად ლიგა 1-ში.

* "მარსელმა" ბოლო 7 საშინაო მატჩიდან 6 მოიგო.

* ბოლო 4 ტურია, რაც "ბორდო" იმარჯვებს.

* "ლიონის" წაგებების სერია 3 მატჩია, რაც გრძელდება.

* "ნიცამ" წააგო 3 მატჩი ზედიზედ.

საფრანგეთი. ლიგა 1. XXVI ტური

პარასკევი, 16 თებერვალი
მონაკო-დიჟონი 23:45

შაბათი, 17 თებერვალი
პსჟ-სტრასბური 20:00
ამიენი-ტულუზი 23:00
ანჟერი-სენტ ეტიენი 23:00
კაენი-რენი 23:00
მონპელიე-გენგამი 23:00
ტრუა-მეცი 23:00

კვირა, 18 თებერვალი
ნიცა-ნანტი 18:00
ლილი-ლიონი 20:00
მარსელი-ბორდო 23:59

ბომბარდირები: 21 - ედინსონ კავანი (პსჟ), 19 - ნეიმარი (პსჟ); 17 - რადამელ ფალკაო (მონაკო); 16 - ნაბილ ფეკირი (ლიონი); 14 - მარიანო დიასი (ლიონი), ფლორიან ტოვენი (მარსელი).

ყოველდღიური სპორტული გაზეთი "ლელო"
1016
მკითხველის კომენტარები / 0 /
მსგავსი ამბები
რუბრიკის სხვა სიახლეები
;