ლიგა 1.XXVIII ტური: პრეზიდენტის ბიჭი და უცნობები პარიზულ გუნდში [VIDEO]

პსჟ-მ ექსპერიმენტული შემადგენლობითაც მოიგო იმდენად დიდი სხვაობა სხვა კლუბებთან შედარებით...

ჩემპიონს კვლავ აკლია რადამელ ფალკაო, სამაგიეროდ, შესანიშნავ ფორმაში შევიდა სტევან იოვეტიჩი, რომელმაც "ბორდოსთან" დაპირისპირებაში პირველი ტაიმის მიწურულს გაათანაბრა ანგარიში.

"მონაკოს" მხსნელად ისევ რონი ლოპეში მოევლინა, პორტუგალიელმა შემტევმა ნახევარმცველმა გამარჯვების გოლი მეორე ტაიმში გაიტანა - 2:1.

მარიო ბალოტელიმ ლიგა 1-ში მე-14 გოლის გატანა შეძლო, მან ეს თავურით მოახერხა, ხოლო მისმა "ნიცამ" "ლილს" 2:1 სძლია. მასპინძელთა რიგებში საუკეთესო ვილან სიპრიენი იყო, რომელმაც გოლი+პასი მიითვალა.

ტიმოტი ვეა, კრისტოფერ ნკუნკუ, ლორენცო კალეგარი, კევინ რიმანი - აი, ეს ხალხი იყო პსჟ-ს განაცხადში. სამაგიეროდ, არ იყვნენ ტრავმირებული ნეიმარი, მბაპე, მარკინიოსი. არ იყო კავანი, რომელიც მწვრთნელმა დაასვენა.

თუმცა "ტრუას" ეს შემადგენლობაც ეყო - 2:0. ჯერ იულიან დრაქსლერის გამჭოლი პასით მეკარესთან პირისპირ გავიდა ანხელ დი მარია და გაიტანა, შემდეგ კი გოლი სწორედ ნკუნკუს ანგარიშზეა, თუმცა 20 წლის ფორვარდი აშკარად თამაშგარეში იყო.

ფაქტები

* "მონაკომ" ბოლო სამი შეხვედრა მოიგო, რომლებშიც თავიდან გოლი გაუშვა.

* მარიო ბალოტელის (ნიცა) გოლი "ლილის" კარში მე-3 000-ე იყო ლიგა 1-ის ისტორიაში.

* ბოლო 14 საჩემპიონატო მატჩებში (ესპანეთი, საფრანგეთი) სტევან იოვეტიჩმა (მონაკო) 8 გოლი გაიტანა.

* რონი ლოპეშმა (მონაკო) ლიგა 1-ის 7 მატჩში 6 გოლი გაიტანა.

* "მონაკოს" წაუგებელი სერია უკვე 13 მატჩს ითვლის.

* "მონაკოს" ზედიზედ 51 მატჩია, შინ გოლი აუცილებლად გააქვს.

* ტიმოტი ვეა (პსჟ) გახდა პირველი ამერიკელი, ვინც ლიგა 1-ში პსჟ-ს მაისურით ითამაშა.

* 28 ტურში 74 ქულა დაგროვა, რაც ლიგა 1-ის რეკორდია.

* ტიმოტი ვეამ ითამაშა პსჟ-ში პირველი თამაში 8 312 დღის შემდეგ, რაც მისმა მამამ, ჟორჟ ვეამ ითამაშა გუნდში ბოლოჯერ.

* "რენმა" ზედიზედ სამი მატჩი მოიგო.

ნიცა-ლილი 2:1
გოლები: 1:0 ბალოტელი (5), 1:1 ლ. არაუჟო (51), 2:1 სიპრიენი (80)

მონაკო-ბორდო 2:1
გოლები: 0:1 ვადა (32), 1:1 იოვეტიჩი (45), 2:1 რონი ლოპეში (69)

ტრუა-პსჟ 0:2
გოლები: 0:1 დი მარია (47), 0:2 ნკუნკუ (77)

ამიენი-რენი 0:2
გოლები: 0:1 ხაზრი (41), 0:2 სარი (86)

ანჟერი-გენგამი 3:0
გოლები: 1:0 ტაიტი (1), 2:0 ეკამბი (89), 3:0 ი. ტრაორე (93)

მეცი-ტულუზი 1:1
გოლები: 1:0 რუ (32), 1:1 ადუ (84)
გაძევება: პალმიერი (42. მეცი)

სენტ ეტიენი-დიჟონი 2:2
გოლები: 0:1 ჟ. ტრაორე (32), 1:1 ბერიჩი (45+1), 1:2 საიდი (55), 2:2 ბერიჩი (61)
გამოუყენებელი პენალტი: ბერიჩი (35. სენტ ეტიენი)

კაენი-სტრასბური 2:0
გოლები: 1:0 კრიველი (43), 2:0 გილბერი (87)

მონპელიე-ლიონი 1:1
გოლები: 1:0 მბენზა (7), 1:1 მარიანო დიასი (58)

მარსელი-ნანტი 1:1
გოლები: 0:1 დუბუა (11), 1:1 ტოვენი (95)
გაძევება: პალოა (95. ნანტი)

ბომბარდირები: 24 - ედინსონ კავანი (პსჟ); 19 - ნეიმარი (პსჟ); 17 - რადამელ ფალკაო (მონაკო); 16 - მარიანო დიასი (ლიონი), ნაბილ ფეკირი (ლიონი), ფლორიან ტოვენი (მარსელი).

მომდევნო ტური
9 მარტი: სტრასბური-მონაკო
10 მარტი: პსჟ-მეცი, ბორდო-მეცი, ბორდო-ანჟერი, დიჟონი-ამიენი, ლილი-მონპელიე, ნანტი-ტრუა, რენი-სენტ ეტიენი
11 მარტი: გინგამი-ნიცა, ლიონი-კაენი, ტულუზი-მარსელი.

ყოველდღიური სპორტული გაზეთი "ლელო"
1168
მკითხველის კომენტარები / 0 /
მსგავსი ამბები
რუბრიკის სხვა სიახლეები
;