ლიეტუვური გაკვეთილები ქუთაისში

ქუთაისს კალათბურთის ლიეტუველ სპეციალისტი სტეპას კაირუნასი სტუმრობდა, რომელმაც ადგილობრივი კალათბურთელებისთვის მე-11 სპორტსკოლის დარბაზში ორდღიანი ვარჯიშები ჩაატარა. სტეპას კაირუნასი საქართველოში მწვრთნელის ვაჟა კვარაცხელიას მოწვევით იმყოფებოდა. როგორც კვარაცხელიამ განაცხადა, მათი მიზანი ბავშვების მომზადებასთან ერთად, პერსპექტიული ბავშვების ამერიკაში წაყვანა და კოლეჯებისა და საუნივერსიტეტო გუნდებში მოწყობაა. ლიეტუველ სპეციალისტს კემპის ჩატარებაში იტალიურ სერია ა - ში დაწინაურებული "ალმა ტრიესტეს" ქართველი ლიდერი გივა ჯანელიძე და მწვრთნელები ირინა მელქაძე და ია გოგლიჩიძე ეხმარებოდნენ. კემპი კერძო პირების პაატა და ჭაბუკი მერკვილაძეების ხელშეწუობით ჩატარდა.

ვაჟა კვარაცხელია: "სტეპას კაირუნასი ქუთაისში ორდღიან მასტერ კლასს გამართავს და ბავშვებს სხვადასხვა მოძრაობების დახვეწაში დაეხმარება. გარდა ამისა, მისი ვიზიტის მიზანი პერსპექტიული კალათბურთელების გამოვლენა და მათი ამერიკის შეერთებულ შტატებში წაყვანაა. მას 255 ბავშვი ჰყავს წაყვანილი ამერიკის უნივერსიტეტებში.

მისი შვილი ტალინის "კალევის" მთავარი მწვრთნელია. სტეპას კაირუნასი ერთ-ერთი საუკეთესო სპეციალისტია და კარგ საქმესაც აკეთებს, ახალგაზრდა კალათბურთელებს ამერიკის შეერთებული შტატებისკენ უხსნის გზას. ცოტა ხნის წინ ოკეანის გაღმა 3 ქართველი ახალგაზრდა ალექსი მერკვილაძე, ცოტნე ცარციძე და რეზო ჩიქოვანი წაიყვანა. ცარციძე და მერკვილაძე სან-ფრანცისკოს ქალაქ მოდესტოში ერთ-ერთ ძვირიან სკოლაში სწავლობენ და ვარჯიშობენ, რეზო ჩიქოვანი კი "ჯუნიორ კოლეჯში" ირიცხება. წლეულს, გეგმაში გვაქვს, ამერიკის სკოლებში დაახლოებით 3 ბავშვი წავიყვანოთ.

მათ იქ ძვირადღირებული განათლების მიღებისა და კარგ კალათბურთელებად ჩამოყალიბების საშუალება ექნებათ. რატომ ავირჩიეთ ქუთაისი? ჯერ ერთი, ეს არის საკალათბურთო ქალაქი, ოლიმპიური და მსოფლიო ჩემპიონების სამჭედლო, თითქმის ყველა ძლიერი კალათბურთელი ამ ქალაქში აღიზარდა.შემიძლია, ქუთაისს მეორე კაუნასიც კი ვუწოდო. პლუს ლიეტუვადან პირდაპირი რეისი არის ქუთაისში და ამანაც მოგვცა საშუალება, რომ ვარჯიშები ქუთაისელი ბავშვებისთვის ჩაგვეტარებინა.

ახალგაზრდა კალათბურთელებისთვის ძალიან სასარგებლო ვარჯიშებია, ლიტველი სპეციალისტი მათ კარგ მოძრაოებებს ასწავლის, რომელიც თამაშშის დროს გამოადგებათ. მასტერ- კლასზე ცნობილი ქართველი კალათბურთელი ნიკა ცქიტიშვილიც უნდა ჩამოსულიყო, მაგრამ მიზეზთა გამო დღეს ჩამოსვლა ვერ მოახერხა.". - განაცხადა საკალათბურთო მასტერ კლასის ერთ-ერთმა ორგანიზატორმა ვაჟა კვარაცხელიამ.

368
მკითხველის კომენტარები / 0 /
მსგავსი ამბები
რუბრიკის სხვა სიახლეები