'ლივერპულმა' 'რომა' გაანადგურა, მაგრამ ფინალში გასვლის შანსი დაუტოვა

ჩემპიონთა ლიგის ნახევარფინალში "ლივერპულმა" "რომას" უმასპინძლა.

მასპინძლებმა პირველი 10-15 წუთის შემდეგ სრული უპირატესობა მოიპოვეს და "რომაელები" წალეკეს. განსაკუთრებული სისასტიკით გამოირჩა მოჰამედ სალაჰი, რომელმაც ყოფილ გუნდს 2 გოლი გაუტანა და ამდენივე საგოლე გადაცემა გააკეთა. სალაჰის გარდა გოლები რობერტო ფირმინომ (2) და სადიო მანემ გაიტანეს.

განადგურებულმა რომამ დანებება არ მოისურვა და "ლივერპულს" ორი გოლი გაუტანა. ედინ ჯეკოსა და დიეო პეროტის (პენალტი) გოლების შედეგად მათ ფინალში გასვლის შანსი შეინარჩუნეს. შინ 3:0-ის გამარჯვების შემთხვევაში იტალიელები კიევის საგზურს მოიპოვებენ.

შეგახსენებთ, რომ მეოთხედფინალის განმეორებით მატჩში "რომამ" "ბარსელონა" 3:0 დაამარცხა.

ნახევარფინალის განმეორებითი შეხვედრა 2 მაისს გაიმართება.

 

495
მკითხველის კომენტარები / 0 /
მსგავსი ამბები
რუბრიკის სხვა სიახლეები