ლიკა ჯიჯეიშვილი მსოფლიოზე მეხუთე იყო

პოლონეთის ქალაქ ტორუნში ახალგაზრდა და კადეტ მოფარიკავეთა მსოფლიოს ჩემპიონატში ქართველთაგან მხოლოდ მოხმალავეებმა მოსინჯეს ძალები.

გოგონათა შორის ჯგუფურ ეტაპზე შესანიშნავად იასპარეზა ლიკა ჯიჯეიშვილმა, რომელმაც ხუთივე მეტოქე დაამარცხა: ზუზანა კესლარი (პოლონეთი, 5:2), ან პურინი (საფრანგეთი, 5:2), ალინა ბოლატი (ყაზახეთი, 5:2), პაულა მონტოია (ესპანეთი, 5:1), კიოკო ცუკინო (იაპონია, 5:0).

პლეი ოფში ჯიჯეიშვილმა ჯერ მადალენა ფესტიდელოს (იტალია, 15:5) აჯობა, შემდეგ ლეაო ჟოუ (ჩინეთი, 15:6) და ვალენტინა ნადი (უნგრეთი, 15:13) დაჯაბნა, საუკეთესო ოთხეულში შესასვლელი ორთაბრძოლა კი იოანა ილიევასთან (ბულგარეთი) დათმო - 5:15 და მე-5 ადგილზე გავიდა.

თამარ ჩარკვიანმა ჯგუფში ექვსიდან ოთხ მეტოქეს დააყრევინა ფარ-ხმალი, ორთან კი წააგო: აისულ უშნატდინოვა (უზბეკეთი, 5:0), კოლინ სუბანი (საფრანგეთი, 5:1), ანა კარალიოვა (რუსეთი, 1:5), იინ ფეი ჩანი (ჰონკონგი, 5:2), ანდრეა ლუპუ (რუმინეთი, 2:5), დარია გონცოვა (უკრაინა, 5:2). თამარმა პლეი ოფის პირველივე პაექრობაში ვერაფერი მოუხერხა ლეაო ჟოუს (ჩინეთი, 4:15) და 46-ე ადგილს დასჯერდა.

საგულისხმოა, რომ ჩარკვიანმა კადეტებშიც იასპარეზა. ჯგუფურ ეტაპზე ექვსიდან ხუთ შეხვედრაში მიაღწია წარმატებას. დაამარცხა ზეინაბ დაიბეკოვა (უზბეკეთი, 5:4), ევა ვენტურა (ესპანეთი, 5:1), კეი იან კვოკი (ჰონკონგი, 5:4), მიხაელა ჩიტუ (რუმინეთი, 5:2), მიხაელა სვობოდოვა (ჩეხეთი, 5:1) და ერთადერთი პაექრობა პიეტრა ჩეირიჩინისთან (ბრაზილია, 3:5) დათმო, პლეი ოფის პირველივე ორთაბრძოლა ლაურა ზოვთან (გერმანია, 5:15) წააგო და 34-ე ადგილი ხვდა.

ახალგაზრდებში მარიამ ცუხიშვილმა და ანა აფრასიძემ საკვალიფიკაციო ეტაპზე მხოლოდ თითო მეტოქეს (შესაბამისად, აინჰო პერესს - ესპანეთი, 5:4 და მაია ფაშოკუნის - დიდი ბრიტანეთი, 5:4) სძლიეს, დანარჩენი 5-5 შეხვედრა დათმეს, პლეი ოფში ვერ გავიდნენ და 116 მონაწილეს შორის მე-100 და 106-ე ადგილებზე გავიდნენ.

ახალგაზრდებში ჩემპიონობა ალინა მიხაილოვამ (რუსეთი) მოიპოვა, რომელმაც ფინალში ნატალია ბოტელო (მექსიკა) დაჯაბნა. ბრინჯაოს მედლები იოანა ილიევას (ბულგარეთი) და ბენედეტა ტარიკოს (იტალია) ერგოთ.

ჩვენმა გოგონებმა გუნდურში ვერ იყოჩაღეს - პირველივე შეხვედრა უნგრელებთან 40:45 წააგეს და 25-ე ადგილი დაიკავეს.

ვაჟები, ხმალი

ახალგაზრდები
17. ნიკა შენგელია: ჰაზილბეკ გენჯებაევი (უზბეკეთი, 5:0), მინსანგ კიმი (კორეა, 5:2), მაზენ ელარაბი (ეგვიპტე, 5:3), ჰსუ ჰო ჩენი (ტაივანი), 5:3), ფაბიო სალესი (ბრაზილია, 5:0), ბოტე შააფსმა (ჰოლანდია, 5:2). პლეი ოფი: ჰიატო ცუბო (იაპონია) - 15:13, ლორენცო რომა (იტალია) - 14:15.
46. ვაჟა რეჭია. ვასილ ჰუმენი (უკრაინა, 3:5), ხერარდო ლილო (ესპანეთი, 5:1), მოჰამედ ალფადნი (კუვეიტი, 4:5), ჩენ-ჰსუე ვუ (ტაივანი, 5:1), აჰმად საჰარუდინი (სინგაპური, 5:1), ეინარ კრისტიანსონი (ისლანდია, 5:2); პლეი ოფი: სტეფან ბულდეევი (ბულგარეთი, 15:9), ლეონ შლეფერი (გერმანია, 5:15).
63. გოგა კაკაურიძე: ივან პისარენკო (უკრაინა, 4:5), ანდრეუ რიჩარდსონი (პუერტო-რიკო, 5:1), პიოტრ ჟეჟაპანიკი (პოლონეთი, 2:5), ზაჩარიახ იდრისბუანანი (მაროკო, 5:4), დიმიტარ რაიკინი (ბულგარეთი, 4:5), ლორენცო რომა (იტალია, 3:5); პლეი ოფი: ძან დინი (ჩინეთი, 15:14), მოფამედ ალფანდლი (კუვეიტი, 8:15).

70. ნიკოლოზ ჭეიშვილი: ხორხე ლოპესი (ესპანეთი, 4:5), მიჩელე გალო (იტალია, 5:3), ემირ პატინო (ვენესუელა, 3:5), რობერტო მონსალვა (ჩილე, 5:3), ჯოვან კვან ოოლი (მალაიზია, 5:1), ჯეიმ კრეიზი (დიდი ბრიტანეთი, 5:3); პლეი ოფი: ჰიეონმო სანგი (კორეა, 8:15).

კვარცხლბეკი: 1. ლორენცო რომა (იტალია), 2. ჟორჟე დრაგომირი (რუმინეთი), 3. მიჩელ სარონი (აშშ), ჯაკომო მიგნუზი (იტალია).
გუნდურში ჩვენი ბიჭები ბელარუს თანატოლებთან მინიმალური სხვაობით დამარცხდნენ - 44:45 და 24-ე ადგილზე გავიდნენ.

კადეტები
ამ ასაკში ქართველთაგან ვახტანგ არჩვაძემ 21-ე ადგილი დაიკავა. ჯგუფში მან 5 შეხვედრა მოიგო და ერთი წააგო. პლეი ოფში შიდო ცუმორის (იაპონია, 15:8) სძლია, ხოლო სტიაპან კოვალთან (ბელარუსი, 9:15) დამარცხდა. 43-ე იყო ლაშა კუჭუხიძე - საკვალიფიკაციო ეტაპზე 4 მეტოქე დაჯაბნა, ორთან კი ვერაფერს გახდა, მერე პლეი ოფში ადამ მოატაზთან (ეგვიპტე, 5:15) დათმო ორთაბრძოლა. 48-ე ადგილზე გავიდა გიორგი მერკვილაძე სამი მოგებითა და ამდენივე მარცხით, თანაც პლეი ოფში - ინდოელ სინგხ ოინამთან (7:15).

კადეტთა მსოფლიოს ჩემპიონატში კიდევ ერთი ქართველი მონაწილეობდა - ნიკოლოზ ლორთქიფანიძე, ოღონდ - ამერიკის სახელით. ჯგუფში მან ექვსიდან ხუთ მეტოქეს აჯობა, ერთადერთი მარცხი ვახტანგ არჩვაძესთან პაექრობაში იწვნია. საბოლოოდ ლორთქიფანიძემ მე-11 ადგილი დაიკავა.

ყოველდღიური სპორტული გაზეთი "ლელო"
456
მკითხველის კომენტარები / 0 /
მსგავსი ამბები
რუბრიკის სხვა სიახლეები
;