ლიოვი და ბოატენგი გაყრაზე შეთანხმდნენ

გერმანიის ნაკრების მწვრთნელმა იოახიმ ლიოვმა ჩამოწერა იმ ფეხბურთელთა სია, რომელთაც რუსეთთან (15 ნოემბერი) ამხანაგური და ჰოლანდიასთან (19 ნოემბერი) ერთა ლიგის დასკვნითი მატჩისთვის მოამზადებს.

ლიოვმა შემადგენლობაში არ შეიყვანა "ბაიერნის" მცველი ჟერომ ბოატენგი და საჭიროდ ჩათვალა, მისთვის ეს პირადად აეხსნა. ამის შემდეგ გავრცელდა ბოატენგის კომენტარი, რომელშიც ის ბუნდესმწვრთნელს მადლობას უხდის:

"ჩვენ ვილაპარაკეთ. ლიოვმა ამიხსნა, რომ მძიმე წელიწადის შემდეგ გადაღლილი ვარ და უმჯობესი იქნება, თუ ნაკრებში დროებით პაუზას ავიღებ. ასე რომ, ამ ორ თამაშში ნამდვილად არ ვიქნები, მერე კი ვნახოთ. ნაკრებს წარმატებებს ვუსურვებ, მწვრთნელს კი მადლობას ვუხდი", - თქვა ბოატენგმა.

ახლა კი გერმანიის ნაკრების შემადგენლობა:

მეკარეები - მანუელ ნოიერი (ბაიერნი), ბერნდ ლენო (არსენალი, ინგლისი), კევინ ტრაპი (აინტრახტი);

მცველები - მათიას გინტერი (გლადბახი), იონას ჰექტორი (კიოლნი), მატს ჰუმელსი (ბაიერნი), თილო კერერი (პსჟ, საფრანგეთი), ანტონიო რიუდიგერი (ჩელსი, ინგლისი), ნიკო შულცი (ჰოფენჰაიმი), ნიკლას ზიულე (ბაიერნი), ჯონათან ტაა (ლევერკუზენი);

ნახევარმცველები/თავდამსხმელები - იულიან ბრანდტი (ლევერკუზენი), იულიან დრაქსლერი (პსჟ, საფრანგეთი), სერჟ გნაბრი (ბაიერნი), ლეონ გორეტცკა (ბაიერნი), კაი ჰავერტცი (ლევერკუზენი), ჯოშუა კიმიხი (ბაიერნი), ტონი კროოსი (რეალი, ესპანეთი), თომას მიულერი (ბაიერნი), მარკო როისი (დორტმუნდი), სებასტიან რუდი (შალკე), ლეროი სანე (მანჩესტერ სიტი, ინგლისი), მარკ უთი (შალკე), ტიმო ვერნერი (ლაიპციგი).

301
მკითხველის კომენტარები / 0 /
მსგავსი ამბები
რუბრიკის სხვა სიახლეები