მესი: კარიერაში არაფერს შევცვლიდი!..

"ბარსელონას" ფორვარდმა ლიონელ მესიმ აღიარა, რომ არ ნანობს იმას, თუ როგორ ვითარდებოდა მისი კარიერა. მრავალრიცხოვანი ტიტულის მიუხედავად, მესის არასოდეს მოუგია მსოფლიოს ჩემპიონატი. ის ახლოს იყო ამ ტიტულთან მსოფლიოს 2014 წლის ჩემპიონატზე, მაგრამ არგენტინამ ფინალში გერმანიასთან წააგო.

"ვისურვებდი მსოფლიოს ჩემპიონატზე გამარჯვებას, მაგრამ, ალბათ, არაფერს შევცვლიდი ჩემს კარიერაში იმისთვის, რომ ამ ტურნირზე გამემარჯვა.

მაქვს ყველაფერი, რაც ღმერთმა მიბოძა. ვერც კი ვიოცნებებდი იმაზე, რასაც მივაღწიე ცხოვრებაში. ჩემი კარიერა იმაზე გაცილებით უკეთ განვითარდა, ვიდრე წარმომედგინა", - თქვა 32 წლის ფეხბურთელმა.

გარდა ამისა, მესიმ განაცხადა, რომ ბავშვობიდან ოცნებობს არგენტინაში თამაშზე.

"ბავშვობიდან ვოცნებობდი არგენტინაში "ნიუელს ოლდ ოისში" თამაშზე, მაგრამ დღეს ოჯახი მყავს, სამი შვილი და ვცხოვრობ იქ, სადაც მშვიდად ვარ. შემიძლია ჩემი შვილებისთვის კარგი მომავალი ვუზრუნველყო.

მაგრამ მინდა დავარწმუნო ოჯახი - წამომყვეს არგეტინაში. დღეს იძულებული ვარ გავითვალისწინო ბავშვების აზრი. პრობლემა იმაშია, რომ ყოველთვის, როცა ერთად სადმე მივდივართ, ტიაგო ღიზიანდება. მას არაფერი მოსწონს არგენტინაში. ყოველ ჯერზე, უნდა სასწრაფოდ დაბრუნდეს ბარსელონაში მეგობრებთან. ყველაფერი სულ უფრო რთულდება და რთულდება, მაგრამ ოჯახი - ჩემი პრიორიტეტია ცხოვრებაში".

496
მკითხველის კომენტარები / 0 /
მსგავსი ამბები
რუბრიკის სხვა სიახლეები
;