ლოთარ მათეუსმა ხამეს როდრიგესს დასცხო: ეგოისტია, პირად ინტერესებს უფრო მაღლა აყენებს!..

ლოთარ მათეუსმა მკაცრად გააკრიტიკა ხამეს როდრიგესი. გერმანული ფეხბურთისა და "ბაიერნის" ლეგენდამ კოლუმბიელს "ეგოისტი" უწოდა. თუმცა, მისივე თქმით, "რეკორდმაისტერში" ასეთი მხოლოდ ხამესი არ არის. აი, რას ამბობს ჰერ ლოთარი:

"ბაიერნში" ძალიან ბევრია ისეთი ფეხბურთელი, რომლისთვისაც ჯერ საკუთარი თავია და მერე - გუნდი. ამათგან ნამდვილად გამორჩეულია ხამეს როდრიგესი.
ის ეგოისტია, ყოველთვის ცდილობს, დაამტკიცოს თავისი ინდივიდუალური საჭიროება, რათა მერე იწუწუნოს, რომ საკმარისი სათამაშო დრო არ აქვს...
ხამესი ოდნავადაც არ სცმეს პატივს მწვრთნელს, კლუბს, თანაგუნდელებს... როგორც ჩანს, კოვაჩის მკაცრი ხელი აკლია, ჰაინკესის დროს ასე არ იქნებოდა".

შეგახსენებთ, ხამეს როდრიგესი, რომელიც "რეალის" საკუთრებაა, "ბაიერნში" ორწლიანი საიჯარო ხელშეკრულებით თამაშობს. ახლა ამ ხელშეკრულების მეორე წელიწადი მიდის...

318
მკითხველის კომენტარები / 0 /
მსგავსი ამბები
რუბრიკის სხვა სიახლეები