ლოკომოტივის გენდირექტორი:  აგენტებმა ხვიჩა  კვარაცხელია ბევრი ფულის  სანაცვლოდ გაწირეს... 

მოსკოვის “ლოკომოტივის” ფორვარდმა ფიოდორ სმოლოვმა გუნდიდან ხვიჩა კვარაცხელიას წასვლაზე და თავად ქართველ ტალანტზე ილაპარაკა:

“მე მას წარმატებები და იღბალი ვუსურვე. კეთილი და პოზიტიური ბიჭია. რუსულად არ ლაპარაკობს და, შეიძლება, ამიტომაც არის ასეთი... მე პირადად, ძალიან გამიხარდება, თუ რუსეთის პრემიერლიგაში თავს გამოიჩენს. მას უნდა ჰქონდეს სათამაშო დრო და თუ ასე მოხდა, რატომაც არა? ის ჩვენც ძალიან გამოგვადგებოდა”, - უთხრა სმოლოვმა championat.com-ის კორესპონდენტს.

“ლოკომოტივის” გენერალურმა დირექტორმა ვასილი კიკნაძემ კი კვარაცხელიასთან გარიგების ჩაშლაში ფეხბურთელის აგენტები დაადანაშაულა:

“აგენტებმა ფეხბურთელის ინტერესები გაწირეს. მე, უბრალოდ, პრინციპულად უარი ვთქვი იმ შეთავაზებაზე, რაც ფეხბურთელს “რუბინმა” გაუკეთა, რადგან ჩვენ უკვე მოლაპარაკებულები ვიყავით პირობებზე და ახლა ვნანობ, რომ უფრო მკაცრად არ მოვითხოვე ამ პირობების დაცვა.

ვიცი, რომ სიომინსაც ძალიან უნდოდა მისი დატოვება და არც ხვიჩაა დამნაშავე იმაში, რომ გარიგება არ შედგა. უბრალოდ, მისმა აგენტებმა გადაწყვიტეს, ბევრი ფული ეშოვათ და არაფრად ჩააგდეს ფეხბურთელის ინტერესები”, - თქვა კიკნაძემ championat.com-თან ინტერვიუში.

ყოველდღიური სპორტული გაზეთი "ლელო"
1721
მკითხველის კომენტარები / 0 /
მსგავსი ამბები
რუბრიკის სხვა სიახლეები
;