ლოკომოტივის პრეზიდენტი: კვირკველია რუსული კლუბებისთვის 15 პროცენტით მეტი ეღირება

დასაშვებად მიიჩნევს თუ არა რუსეთის ახალი ჩემპიონი მოსკოვის "ლოკომოტივი", საბა კვირკველია იქაური პრემიერლიგის სხვა კლუბში გაუშვას? ქ

ართველი მცველის შესაძლო ტრანსფერთან დაკავშირებით ამ კითხვას "რკინიგზელთა" პრეზიდენტმა ილია გერკუსმა უპასუხა:

"ეს კლუბის ამბიციებზე იქნება დამოკიდებული - ვთქვათ, თუ დიდი კლუბია და მთელი ბიუჯეტის საბაზე დახარჯვას გადაწყვეტს. ჩვენ კვირკველიაში ძალიან დიდ თანხას ვითხოვთ, რუსული კლუბისთვის კი ეს ფასი, დაახლოებით, 15%-ით მეტი იქნება.

ეს არის ერთგვარი პრემია იმისთვის, რომ კვირკველიას სხვა გუნდში გადასვლის შემდეგ იმ გუნდის კარში გოლის გატანა უფრო გაგვიჭირდება. საბა ჩვენი ჩემპიონატის საუკეთესო მცველია.

ის რუსულ ლიგასთან ადაპტირებულია, ტურნირსა და მის ყველა ფორვარდს კარგად იცნობს და საერთოდ არაფრის ეშინია", - ამბობს გერკუსი რუსულ ინტერნეტგამოცემა "ჩემპიონატთან" ინტერვიუში.

ყოველდღიური სპორტული გაზეთი "ლელო"
865
მკითხველის კომენტარები / 0 /
მსგავსი ამბები
რუბრიკის სხვა სიახლეები
;