ლოკომოტივი, დილა და კიდევ ორი ქართული გუნდი ახვლედიანისთვის

"ლელომ" უკვე გაცნობათ თორნიკე ახვლედიანის შესახებ. ის კარგა ხნის განმავლობაში თამაშობდა ესპანეთში, სადაც "ლორკასა" და "ლეგანესის" მეორე გუნდის ღირსებას იცავდა. საქართველოში დაბრუნებულმა ფეხბურთელმა "ზესტაფონის" მაისურა მოირგო. მარგველთა რიგებში გატარებული პერიოდი მისთვის მეტად ნაყოფიერი აღმოჩნდა. იმერელთა შემადგენლობაში თორნიკემ მხოლოდ დასკვნითი წრე ჩაატარა და 14 გოლი შეაგდო.

ჩვენ მიერ მოპოვებულ-გადამოწმებული ინფორმაციით, ფეხბურთელის მიმართ ინტერესი რამდენიმე ქართულ კლუბს აქვს. ესენი არიან თბილისის "ლოკომოტივი", გორის "დილა", ბათუმის "დინამო" და "რუსთავი". რა და როგორ იქნება ახალგაზრდა შემტევის კარიერაში, ამას "ლელო" ოპერატიულად გაცნობებთ. ჯერჯერობით კი, ახვლედიანმა ეს გვითხრა:

"დიახ, მართლაც არის სერიოზული ინტერესი რამდენიმე კლუბის მხრიდან. ამ ეტაპზე დაკონკრეტებას მოვერიდები. ერთი რამ კი ზუსტად ვიცი: ბევრი უნდა ვიშრომო, რათა წარმატებას მივაღწიო. ამასთან ეთად, მადლობა მინდა გადავუხადო "ზესტაფონის" ხელმძღვანელობასა და გულშემატკივრებს. არასოდეს დამავიწყდება იქ გატარებული დრო".

2044
მკითხველის კომენტარები / 0 /
მსგავსი ამბები
რუბრიკის სხვა სიახლეები
;