'ლოკომოტივმა' რუსეთის პრემიერლიგის გუნდს მოუგო

ესპანეთში დასკვნით მოსამზადებელ ეტაპზე თბილისის “ლოკომოტივმა” მესამე ტესტმატჩი ჩაატარა. ლაშა ჭაღიაშვილის გუნდს რუსეთის პრემიერლიგელი “უფას” დაუპირისპირდა.

მატჩი თანაბარ ბრძოლაში წარიმართა. გუნდებს ბევრი საგოლე მომენტი არ ჰქონიათ. 56-ე წუთზე თემურ შონიამ ანგარიში საჯარიმო დარტყმით გახსნა.
მატჩი მხოლოდ ამით არ იყო გამოსარჩევი. შელაპარაკებისა და ჩხუბის გამო მსაჯმა 75-ე წუთზე ოთარ კობახიძე გააძევა. არადა, ის მე-60 წუთზე შეუშვეს სათამაშოდ...

როგორც მერე აღმოჩნდა, შონია ერთადერთი გოლის ავტორი გახდა და “ლოკომოტივმა” ესპანურ შეკრებაზე პირველი მარცხი (0:1) აწვნია მეტოქეს, რომელიც მანამდე ესპანეთის ლა ლიგა 2-ის ბინადარ “ალმერიას” დაუზავდა (1:1).

ლოკომოტივი”: ბულისკერია (46. შეროზია), ჭანტურია, გურეშიძე, ანდრონიკაშვილი (60. გაბაძე), უბილავა (60. კომახიძე), თ. კირკიტაძე (60. ო. კობახიძე), შონია (70. ძებნიაური), გვალია (60. სამურკასოვი), არდაზიშვილი (65. კიკაბიძე), ინჯგია (60. ჯიქია), სიხარულიძე (75. ოზბეთელაშვილი).

შეგახსენებთ, რომ “ლოკომოტივმა” ესპანურ შეკრებაზე 2 ამხანაგური შეხვედრა გამართა: პირველ მატჩში ესპანეთის სეგუნდა B-ს კლუბ “ალკოიანოს” ირაკლი სიხარულიძის გოლით 1:0 მოუგო, ხოლო ჩინურ “ჩენგჯუსთან” 1:1 ითამაშა. 21 თებერვალს ბოლო ამხანაგურ მატჩში “ლოკომოტივი” უზბეკეთის 23-წლამდელთა (ოლიმპიურ) ნაკრებს დაუპირისპირდება.

ყოველდღიური სპორტული გაზეთი "ლელო"
592
მკითხველის კომენტარები / 0 /
მსგავსი ამბები
რუბრიკის სხვა სიახლეები
;