ლორიამ "დინამო" გაიხსენა, ოქრიაშვილს ვირუსი არ დაუდასტურდა, "ანორთოსისი" სარჩელისთვის ემზადება

კვიპროსში ჩემპიონატი ნაადრევად შეაჩერეს და ქართველების გუნდი, ფამაგუსტას „ანორთოსისი“ ვიცე-ჩემპიონად გამოაცხადეს. ჩემპიონატის შეწყვეტით უკმაყოფილოა ფამაგუსტელთა გუნდის მთავარი მწვრთნელი თემურ ქეცბაია, რომელმაც გუნდი დაითხოვა და ჯერ უცნობია, თუ როდის დაიწყებს „ანორთოსისი“ ახალი სეზონისთვის მზადებას.
ამ კლუბთან დაკავშირებული ამბები ჩვენს გულშემატკივრებს აინტერესბთ და აქედან გამომდინარე, დღეს სამ ამბავს შემოგთავაზებთ.

ლორიას მოგონება

გიორგი ლორიამ თავის ინსტაგრამზე 6 წლის წინანდელი ამბავი გაიხსენა. 2014 წლის 18 მაისს, თბილისის „დინამომ“ საქართველოს ჩემპიონის ტიტული მეთხუთმეტედ მოიპოვა. თბილისელებმა ბოლო ტურის შეხვედრაში რუსთავის „მეტალურგი“ ესპანელი ჩისკო მუნიოსის დუბლით 2-0 დაამარცხეს.

ოქრიაშვილს კორონავირუსი არ დაუმტკიცდა

თორნიკე ოქრიაშვილმა ინსტაგრამზე ინფორმაცია გაავრცელა - საქართველოს ნაკრებისა და ფამაგუსტას „ანორთოსისის“ შემტევი ნახევარმცველის ცნობით, კორონავირუსზე ტესტი ჩაიტარა და საბედნიეროდ, პასუხი უარყოფითი გამოდგა.

27 წლის შემტევმა ნახევარმცველმა საკუთარ გვერდზე კორონავირუსზე ტესტის დასკვნა დადო და დააწერა – „პასუხი უარყოფითია“.

პროტესტი

ფამაგუსტას „ანორთოსისის“ ადმინისტრაციამ კი ჩემპიონატის შეჩერებაზე მკვეთრი განცხადება გაავრცელა:

„ჩვენმა გუნდმა თავიდანვე მიზანდ ჩემპიონატის დასრულება დაისახა. ამის უფლებას მთავრობა, არსებული მდგომარეობა და უეფა გვაძლევდა. ყველა კლუბმა თავდაპირველად განაცხადა, რომ სეზონი დაგვესრულებინა. მაგრამ გასაკვირია, რომ არასოდეს ყოფილა არსებითი განხილვა იმ ოქმისა, რომელიც კვიპროსის ფეხბურთის ფედერაციას და მთავრობას ჩვენმა კლუბმა წარუდგინა.

ამავე დროს, უეფა არა მხოლოდ საშუალებას გვაძლევს, არამედ ხელს უწყობს ფეხბურთის დაბრუნებას. ამას მიაღწიეს მოწინავე ჩემპიონატების ფედერაციებმა, სადაც კორონანირუსით მიყენებული ჭრილობები გაცილებით მეტია. იქ ფედერაციებმა გამოავლინეს სპორტის მსახურების სურვილი და არა მხოლოდ მხოლოდ ფინანსური მოგებისადმი ინტერესი. კვიპროსის პირობები საშუალებას გვაძლევს თანდათან დავუბრუნდეთ ჩვენს საქმიანობას. მაგრამ ფეხბურთი, სპორტის მეფე, სარბიელიდან იმ ადამიანებმა გააძევეს, რომლებიც მასზე უნდა ზრუნავდნენ“ - წერია კლუბის განცხადებაში.

ფამაგუსტელები პირდაპირ აცხადებენ, რომ ჩემპიონობისთვის კულისებში არ იბრძოლეს: „ფამაგუსტას „ანორთოსისს“ შეეძლო კულისებში მიმდინარე მოლაპარაკებებში მონაწილეობა მიეღო და საკუთარ ფასეულობებზე და ზოგიერთ პრინციპზე უარი ეთქვა. მაგრამ ეს „ანორთოსისი“ აღარ იქნება! ჩვენს გულშემატკივრებს კი შეუძლიათ გუნდით კვლავ ჩვენ კი გვჯერა, რომ ვუპასუხეთ გამოწვევებს და ჩვენი ღირსება ხელუხლებელი შევინარჩუნეთ.

დაბოლოს, „ვულოცავთ“ ყველას, ვისაც კვიპროსის ფეხბურთს ვუწოდებთ. „წარმატებებს გისურვებთ" მათ, ვინც ერთ დღეს ხმა მიეცით ჩემპიონატის შეწყვეტას, ხოლო მეორე დღეს განაცხადეთ, რომ კვიპროსი ტურისტების მისაღებად უსაფრთხოა.

„ანორთოსისმა“უკვე დაიწყო შემდეგი საფეხბურთო სეზონის დაგეგმვა, რომლის მიზანია კიდევ უფრო ძლიერები გავხდეთ და იგივე მორალური ფასეულობებით ვიხელმძღვანელოთ. ამავე დროს, მთელი სერიოზულობითა და სიფრთხილით, ჩვენმა იურისტებმა დაიწყეს ყველა აუცილებელი პროცედურის გავლა, რათა მოვითხოვოთ ის, რაც წელს არაკონკურენტული ფორმით ჩამოგვართვეს“.

2395
მკითხველის კომენტარები / 0 /
მსგავსი ამბები
რუბრიკის სხვა სიახლეები
;