ლოს ანჯელეს ლეიკერსმა ლებრონ ჯეიმსი წარადგინა!

NBA-ს მეორე ყველაზე ტიტულოვანმა კლუბმა, "ლოს ანჯელეს ლეიკერსმა" მსოფლიოს (ერთ-ერთი) საუკეთესო კალათბურთელი, ლებრონ ჯეიმსი წარადგინა!

"დღეს, "ლეიკერსისათვის" და მსოფლიოში მისი თითოეული გულშემატკივრისათვის დიდებული დღეა! ლებრონი განსაკუთრებული, საუკეთესო კალათბურთელია მსოფლიოში. "ლეიკერსის" მოთამაშეები ძალიან ბედნიერები არიან, რადგანაც მათი ახალი თანაგუნდელი NBA-ს 9-გზის ფინალისტია.

ეს პლეი-ოფში და NBA-ს ფინალებში დაბრუნებისაკენ გადადგმული უდიდესი ნაბიჯია," - განაცხადა "ლეიკერსის" ლეგენდარულმა გამთამაშებელმა, ამჟამად კი კლუბის საკალათბურთო ოპერაციების პრეზიდენტმა, მეჯიქ ჯონსონმა.

კლუბის ოფიციალურმა საიტმა ხელშეკრულების დეტალები არ გაავრცელა, თუმცა ამერიკული მედიის ცნობით, 33 წლის ლებრონმა კალიფორნიულ კლუბთან 4-წლიანი კონტრაქტი გააფორმა, რომლის მიხედვითაც 154 მილიონ დოლარს გამოიმუშავებს.

 

738
მკითხველის კომენტარები / 0 /
რუბრიკის სხვა სიახლეები