ლუის ფრაგა: შთამბეჭდავი სტატისტიკის მიუხედავად, ბულაშვილი გუნდური მოთამაშეა

ესპანეთის მეოთხე ლიგის "კულერედოს" გამთამაშებლის, ლუკა ბულაშვილის შესახებ მისმა მწვრთნელმა ლუის ფრაგამ ვრცლად ილაპარაკა. მისი ინტერვიუ ძონადებასქუეტ-ზე გამოქვეყნდა.

შეკითხვა, რომელიც ქართველ უკანახაზელს ეხება, ასე ჟღერს:

ლუკა ბულაშვილი ება-ს ლიგის ერთ-ერთი ვარსკვლავია. როგორ ფიქრობთ, შეუძლია ახლავე ითამაშოს ესპანეთის უმაღლეს ლიგაში?

ესეც მწვრთნელის პასუხი:

"ლუკაზე ლაპარაკი ძალიან იოლია. იგი დიდებული სპორტსმენია, დიდი მომავალი აქვს. ცხადია, აწმყოშიც ძალიან სასარგებლო კალათბურთელია. შესანიშნავი პიროვნებაა და დაუღალავი მშრომელი. ვარჯიში ძალიან უყვარს და ყოველთვის მეტს ითხოვს. მიუხედავად იმისა, რომ შთამბეჭდავი სტატისტიკა აქვს, თავიდან ბოლომდე გუნდური ტიპის მოთამაშეა. ბულაშვილი იმ კატეგორიის კალათბურთელია, რომლის ხილვა ჩემს გუნდში ყოველთვის ვისურვებდი.

როგორ მოერგება სხვა ლიგებს, ამაზე დღეს ვერაფერს ვიტყვი. თუმცა, მიმაჩნია, მზადაა უფრო მაღალ დონეზე სათამაშოდ, მეტის მიღწევისთვის. საამისოდ შანსი უნდა მიეცეს, მწვრთნელმა უნდა ირწმუნოს მისი. მჯერა, რომ კიდევ უკეთესი კალათბურთელი გახდება."

1044
მკითხველის კომენტარები / 0 /
მსგავსი ამბები
რუბრიკის სხვა სიახლეები
;