ლუკა ბულაშვილის გრან კანარიამ მადრიდის რეალი დაამარცხა

ესპანეთის ება-ს ლიგის "გრან კანარიასთან" ერთად წარმატებით ასპარეზობს ახალგაზრდა ქართველი უკანახაზელი ლუკა ბულაშვილი. მისმა გუნდმა ერთმანეთის მიყოლებით სამი მატჩი გამართა, რომელთაგან 2 მოიგო, ერთი კი ოვერტაიმში დათმო. დამატებით დროში კანარიელები "ისოვერთან" დამარცხდნენ - 94:99.

ამ შეხვედრაში ბულაშვილმა 38 წუთი ითამაშა, 18 ქულა, 2 მოხსნა, 3 პასი და 4 ჩაჭრა მოაგროვა. საინტერესოა, რომ ლუკამ 12-დან 6 სამქულიანი ჩააგდო.

***

"გრან კანარიამ" 27 იანვარს "კინტანარს" უმასპინძლა და 80:76 დაამარცხა. ქართველი უკანახაზელი ამ მატჩშიც სასტარტო ხუთეულში იყო, თუმცა შედარებით ნაკლები, 17 წუთი ითამაშა.

დროის ამ მონაკვეთში მან 5 ქულა და თითო ჩაჭრა-პასი გაიფორმა.

***

გემრიელი ლუკმა ბოლოსთვის შემოვინახეთ: "კინტანასთან" მატჩამდე კანარელებმა მადრიდის "რეალს" აჯობეს. მატჩი "გრან კანარიას" მოედანზე გაიმართა და მასპინძელთა გამარჯვებით, 87:78 დასრულდა.

ლუკამ ამჯერადაც 17 წუთი ითამაშა და მატჩი 7 ქულით, 1 მოხსნითა და 1 ჩაჭრით დაასრულა.

***

"გრან კანარიას" ება-ს ლიგაზე 7 მოგება 10 მარცხი აქვს და ჯგუფში მე-11 ადგილზეა.

956
მკითხველის კომენტარები / 0 /
მსგავსი ამბები
რუბრიკის სხვა სიახლეები