ლუკა ბულაშვილი 2018 წლის ტოპ-10-ში

ესპანეთის ება ლიგაზე 2018 წელი შეაჯამეს. გამოარჩიეს 10 კალათბურთელი, რომლებმაც 12 თვის განმავლობაში ლიგაში ამინდი შექმნეს. ესპანეთის ფედერაციის ოფიციალურ ვებსაიტზე გამოქვეყნებული პუბლიკაციის შესავალში წერია - შესაძლოა 100 და მეტი გამორჩეული კალათბურთელი იყო, მაგრამ ჩვენ სხვა გზა არ გვქონდა, 10 უნდა ჩამოვთვალოთ.

ამ ათეულში მოხვდა ლუკა ბულაშვილი, რომელიც "კულერედოს" ღირსებას იცავს და გუნდთან ერთად ება ლიგაში წარმატებითაც თამაშობს.

ჩვენი მკითხველისთვის ნაკლებად საინტერესო უნდა იყოს დანარჩენი 9 კალათბურთელის ვინაობა, ბულაშვილიზე ესპანელების მიერ დაწერილს კი სიტყვასიტყვით ვთარგმნით:

"ება ლიგაში ლუკა ბულაშვილის სახით ვხედავთ მომავალ თორნიკე შენგელიას? ლუკა კარგად მიჰყვება თავისი თანამემამულის, თორნიკეს გაკვალულ გზას, რომელიც ასევე გამორჩეული იყო ამ ლიგაში.

რაც შეეხება ბულაშვილს, იგი ამ სეზონში ლიგის სნაიპერია - საშუალოდ 24.9 ქულას აგროვებს. გამოირჩევა სამქულიანების სიზუსტითა და სიმრავლით - მატჩში საშუალოდ 4 სამიანს აგდებს.

კიდევ ერთი ეფექტური მაჩვენებელი - ამ სეზონში, ერთ მატჩში ჩაგდებული ქულებით ბულაშვილი საუკეთესოა. 20 წლის ბულაშვილმა მეოთხე ტურში 43 წულა ჩააგდო."

1023
მკითხველის კომენტარები / 0 /
მსგავსი ამბები
რუბრიკის სხვა სიახლეები
;