ლუკა ბულაშვილი: 33 ქულა და მოგება ოვერტაიმში

ესპანეთის ებას ლიგაში მეორე მატჩი გამართა ლიკა ბულაშვილმა და ამჯერადაც უწია 30-იანებს. პირველ შეხვედრაში მას 30 ქულა ჰქონდა, "კარბახოსასთან" მატჩში 33 ქულას მოუყარა თავი და, რაც მთავარია - "კუიერედოს" გამარჯვებაში დაეხმარა.

"კარბახოსა" A-B ჯგუფის ერთ-ერთი ფავორიტთაგანია და პირველ ტაიმში დომინირებდა კიდეც, იყო მომენტი 20 ქულით იგებდა, თუმცა მეორე ტაიმიდან უმთავრესად ბულაშვილის ეფექტური თამაშით "კუიერედომ" ანგარიშის გათანაბრებაც მოახერხა და ოვერტაიმში მეტოქეს შანსი არ დაუტოვა - 14:3. საბოლოოდ 87:76 ბულაშვილის თანაგუნდელთა სასარგებლოდ.

ახლა სტატისტიკა: 43:48 წუთი, 33 ქულა (5-დან 2 ორქულიანი, 17-დან 8 სამიანი, 7-დან 5 საჯარიმო), 5 მოხსნა, 4 პასი, 3 ჩაჭრა. მარგი ქმედების კოეფიციენტი - 30.

მოვლენებს მეორე მხრიდანაც შევხედოთ. აი, რას წერს "კარბახოსას" მშობლიური სალამანკური გამოცემა "ალდია": "კარბახოსა" პირველ ტაიმში მშვენივრად გამოიყურებოდა, 20 ქულითაც დაწინაურდა, მაგრამ მეორე ტაიმში ლუკა ბულაშვილის სენსაციური თამაშის გამო უპირატესობა ვეღარ შეინარჩუნა და ოვერტაიმში წააგო."

"კუიერედოს" ორიდან ორი მოგება აქვს და ლიდერთა შორისაა.

ყოველდღიური სპორტული გაზეთი "ლელო"
438
მკითხველის კომენტარები / 0 /
მსგავსი ამბები
რუბრიკის სხვა სიახლეები