ლუკა ზარანდია ტურის სიმბოლურში!

ლუკა ზარანდია პოლონეთის ექსტრაკლასას სიმბოლურ ნაკრებში დაასახელეს. 22 წლის ფლანგის შემტევის გუნდმა, გდინიას "არკამ" ექსტრაკლასას 27-ე ტურში შინ ნეჩეცას "ტერმალიკა" 4:0 დაამარცხა.

ზარანდია "არკაში" ადგილს იმკვიდრებს – წინა სეზონისგან განსხვავებით, გდინიელთა ძირითად შემადგენლობაში ხშირად თამაშობს. ამჯერად, ეს მეხუთედ მოხდა და მე-80 წუთზე შეცვალეს. მანამდე კი ლიკამ ერთ-ერთი საუკეთესო თამაში ჩაატარა – 30-ე წუთზე რუბენ ჰურადომ ქართველის გადაცემით "ტერმალიკას" კარი მეორედ აიღო. მაგრამ თავი მხოლოდ ამით არ გამოურჩევია: ქართველი გარემარბი სასარგებლოც იყო, ეფექტურიც, დაცვასაც ეხმარებოდა და შეტევებსაც დროულად იწყებდა და ამწვავებდა.

ლოგიკურიც არის, რომ ზარანდია პოლონური ლიგის, ექსტრაკლასას ოფიციალურმა ვებ-გვერდმა 27-ე ტურის სიმბოლურ ნაკრებში დაასახელა.

როგორც ჩანს, ლუკა ფორმაში შედის. 20 წლის ფლანგის შემტევის აღიარება სასიახარულოა და დამაიმედებელიც - ადრე თუ გვიან, მას ეროვნულ ნაკრებში მაინც მიიწვევენ. ზარანდიას კი იმხელა პოტენციალის გააჩნია, "ჯვაროსნებში" თავისი სიტყვა უნდა თქვას. მთავარია ჯანმრთელად იყო და სათამაშო პრაქტიკა არ მოაკლდეს.

ყოველდღიური სპორტული გაზეთი "ლელო"
270
მკითხველის კომენტარები / 0 /
მსგავსი ამბები
რუბრიკის სხვა სიახლეები