მაგარი ამბავი ქართული საკლუბო ფეხბურთისთვის: ბათუმის დინამო ბიზნესჯგუფს გადაეცა!

როგორც იქნა, ბათუმის "დინამოს" საკითხი გადაწყდა - ანგისას საფეხბურთო ბაზაზე ორი "დინამოს" დაპირისპირებამდე, აჭარის მთავრობამ და ბათუმის მერიამ კლუბი ოფიციალურად და საზეიმო ვითარებაში გადასცეს მართვაში შპს "ლამინი ჯგუფს".

ცერემონიას ესწრებოდნენ აჭარის მთავრობის თავჯდომარე თორნიკე რიჟვაძე, ბათუმის მერი ლაშა კომახიძე და "ლამინი ჯგუფის" მფლობელი არჩილ ბერიძე.

მანამდე კი სტადიონზე შეკრებილ გულშემატკივრებს, სიტყვით ბათუმის მერმა, "ლამინი ჯგუფის" მფლობელმა და საქართველოს ფეხბურთის ფედერაციის პრეზიდენტმა ლევან კობიაშვილმა მიმართეს.

"სრულიად საქართველო ამაყობს თქვენით. თქვენ ქართულ ფეხბურთში სულ სხვა რეალობა შექმენითდა ამისთვის მინდა კიდევ ერთხელ მადლობა გადაგიხადოთ. რაც აქ, ბათუმში ხდება ბოლო წლებში, ბოლო თვეებში, დამერწმუნეთ, ეს ატმოსფერო სხვა ქალაქებისთვისაც გადამდებია. ასევე, მადლობა აჭარის მთავრობას, ბათუმის მერიას, კლუბს, ყველა იმ ადამიანს, ვინც ამ პროცესში მონაწილეობდა. ყველა კლუბი უნდა იყოს კერძო - ეს არის სწორედ ის, რისთვისაც ვიბრძვით და ვშრომობთ", - თქვა კობიაშვილმა.

არჩილ ბერიძე: "უპირველეს ყოვლისა, მადლობა აჭარის მთავრობასა და ფეხბურთის ფედერაციას. მადლობა ქომაგებს, ეს გუნდი კერძო არასდროს არ იქნება, ბათუმის "დინამო" თქვენი, მისი გულშემატკივრების იქნება".

ლაშა კომახიძე: "სამი საათით ადრე ტრიბუნები სავსეა, რაც იმას ნიშნავს, რომ ბათუმის "დინამო" ჩვენი ქალაქის განუყოფელი ნაწილია. ამ სავსე ტრიბუნებისთვის მადლობას გიხდით. დღეს ბათუმის "დინამოს" ისტორიაში ახალი ფურცელი იწერება. ამ მემორანდუმით კლუბმა ახალი მიზნებისკენ და მწვერვალებისკენ უნდა დაიწყოს სვლა".

ყოველდღიური სპორტული გაზეთი "ლელო"
1273
მკითხველის კომენტარები / 0 /
მსგავსი ამბები
რუბრიკის სხვა სიახლეები
;