მაკარიძე და ალმერია! არის კონტრაქტი!

საქართველოს ნაკრების მეკარე გიორგი მაკარიძე კარიერას ესპანეთში გააგრძელებს, სადაც "ალმერიას" ღირსებას დაიცავს. ინფორმაციას თავად ანდალუსიური კლუბის ოფიციალურმა გვერდიც ადასტურებს.

30 წლის გოლკიპერთან (სიმაღლე 195 სმ), ვისაც საქართველოს ეროვნულ გუნდში დებიუტი 17 წლისას ჰქონდა, 2-წლიანი კონტრაქტი გაფორმდა.

მაკარიძის ბოლო კლუბი პორტუგალიის მთავარი ლიგის ბინადარი "სეტუბალი" იყო, რომლის გადარჩენაშიც ქართველმა უდიდესი როლი ითამაშა, თუმცა ფინანსური დარღვევების გამო კლუბი პორტუგალიის დაბალ ლიგაში დააქვეითეს და მაკარიძემ ახალი კლუბის ძებნა დაიწყო.

თითქოს ის თურქულ "ერზურუმსფორში" უნდა გადასულიყო, მაგრამ ბოლო მომენტეში "ალმერიას" ვარიანტი გამოჩნდა და მაკარიძემ არჩევანი ესპანეთის სეგუნდა დივიზიონის სასარგებლოდ გააკეთა.

გასულ სეზონში "ალმერია" ბოლომდე იბრძოდა ესპანურ ელიტაში დაბრუნებისთვის, მაგრამ პლეი ოფში დამარცხდა და სეგუნდაში დარჩა. იმედია, ლა ლიგაში აღზევებას "ალმერია" მაკარიძესთან ერთად მოახერხებს.

1373
მკითხველის კომენტარები / 0 /
მსგავსი ამბები
რუბრიკის სხვა სიახლეები
;