მაკფადენი დაფრინავს: 120 ქულა 2 მატჩში

საქართველოს ნაკრების ნატურალიზებული ამერიკელი კალათბურთელი თად მაკფადენი ჩინეთში საოცარ შედეგიანობას აჩვენებს.

მან სადებიუტო მატჩში 56 ქულა რომ ჩააგდო, მოგეხსენებათ, მომდევნო ორ ტურში ჯამში 120 ქულა ჩააგდო და ისევ MVP-ის ტიტული დაიმსახურა.

მატჩები პარასკევს და კვირას გაიმართა. 3 აგვისტოს მაკფადენის "ჩონქკინგმა" "ბეიჯინს" უმასპინძლა და 149:121 დაამარცხა. ქართული პასპორტის მქონე უკანახაზელმა 14 სამქულიანი ჩააგდო, მთლიანობაში კი 61 ქულა, 9 მოხსნა, 7 პასი და 6 ჩაჭრა მიითვალა. მაკფადენმა შეუცვლელად - 48 წუთი ითამაშა და საოცარი შედეგიც დააფიქსირა.

ბოლო მატჩში "ჩონქკინგმა" "ლჰასას" უმასპინძლა და 133:125 სძლია. ამ მატჩში თად მაკფადენმა ასევე შეუცვლელად ითამაშა და 59 ქულა, 11 მოხსნა და 10 პასი მიითვალა.

"ჩონქკინგს" 8 მოგების წილ 15 მარცხი აქვს და 15-გუნდიან NBL-ლიგაში მე-12 ადგილზე იმყოფება. მომდევნო მატჩს მაკფადენის გუნდი 8 აგვისტოს, შინ "გუიჟუსთან" გამართავს.

ყოველდღიური სპორტული გაზეთი "ლელო"
299
მკითხველის კომენტარები / 0 /
მსგავსი ამბები
რუბრიკის სხვა სიახლეები