მამუკა გორგოძისა და კარლენ ასეიშვილის დუელი საფრანგეთში

საფრანგეთის სარაგბო ჩემპიონატის ელიტურ, პირველ დივიზიონში მორიგი ტურის შეხვედრები გაიმართა. რამდენიმეტურიანი შესვენების შემდეგ საფრანგეთში კიდევ ერთმა ქართველმა მიითვალა ლელო.

საქართველოს ნაკრების შერკინების ბურჯმა კარლენ ასეიშვილმა, რომელიც "ბრივის" ღირსებას იცავს, 57-ე წუთზე მამუკა გორგოძის, ლევან ჩილაჩავასა და ბადრი ალხაზაშვილის "ტულონს" ლელო გაუტანა. თუმცა ამან ბრიველებს ვერაფერი უშველა და 24:41 დამარცხდნენ. შედეგად "ბრივი" ხუთი ქულით ისევ ბოლო ადგილზეა.

ასეიშვილი 61-ე წუთზე შეცვალეს, იქამდე კი, 32-ე წუთზე მატჩის არბიტრმა სინბინში გაუშვა. გორგოძემ სრულად ითამაშა, სხვა ქართველები, მათ შორის ბრიველები, სოსო ბეკოშვილი და ვასილ ლობჟანიძე განაცხადში არ იყვნენ.

 

ყოველდღიური სპორტული გაზეთი "ლელო"
1061
მკითხველის კომენტარები / 0 /
მსგავსი ამბები
რუბრიკის სხვა სიახლეები